spot_img
Homeວິທະຍາສາດ-ວິທະຍາການອາເມລິກາເກີດໄອເດຍສຸດແຫວກແນວ! ສ້າງຕຶກແຂວນລົງມາແຕ່ດາວເຄາະນ້ອຍ

ອາເມລິກາເກີດໄອເດຍສຸດແຫວກແນວ! ສ້າງຕຶກແຂວນລົງມາແຕ່ດາວເຄາະນ້ອຍ

Published on

ເມື່ອວັນທີ 29 ມີນາ 2017 ເວັບໄຊເທເລກຣາຟ ເປີດເຜີຍລາຍງານວ່າ ຄລາວສ໌ ອາຄິເທດເຈີ ອອຟຟິດ (Clouds Architecture Office) ບໍລິສັດອອກແບບໃນນະຄອນຫຼວງນິວຢອກ ສະຫະລັດອາເມລິກາ ໄດ້ເກີດໄອເດຍການອອກແບບສ້າງຕຶກອາຄານທີ່ງົດງາມແບບແຫວກແນວຂຶ້ນມາ ນັ້ນຄື ຈາກທີ່ໃຫ້ຮາກຖານຂອງຕຶກຢູ່ເທິງພື້ນດິນແບບປົກກະຕິ ກໍ່ໃຫ້ສະລັບປ່ຽນຕີລັງກາປີ້ນຖານໄປຕັ້ງຢູ່ເທິງອາກາດແທນ ໂດຍການແຂວນໄວ້ກັບດາວເຄາະນ້ອຍທີ່ຢູ່ຫ່າງຈາກໂລກຂອງເຮົາໄປປະມານ 5 ໝື່ນກິໂລແມັດ.

ໂດຍຕຶກຈຳລອງໃນຄວາມຄິດນີ້ມີຊື່ວ່າ ອານາເລມມາ (Analemma) ເຊິ່ງຈະກາຍເປັນຕຶກທີ່ສູງທີ່ສຸດໃນໂລກເທົ່າທີ່ເຄີຍມີມະນຸດສ້າງຂຶ້ນມາ ໂດຍຕົວຕຶກຈະຖືກກຶງໄວ້ດ້ວຍສາຍເຄເບີລທີ່ມີຄວາມແຂງແຮງພິເສດ ແລ້ວໃຫ້ຍອດຕຶກຫັນຊີ້ລົງມາທີ່ພື້ນໂລກ ຕົວຕຶກເຄື່ອນທີ່ຕາມວົງໂຄຈອນຂອງດາວເຄາະນ້ອຍຈາກຊີກໂລກເໜືອໄປຊີກໂລກໃຕ້

ດ້ານນັກອອກແບບເຜີຍວ່າ ເນື່ອງຈາກຕົວອາຄານແບບນີ້ແຂວນລົງມາຈາກອາກາດ ຈິ່ງເຮັດໃຫ້ສາມາດສ້າງຕຶກຂຶ້ນທີ່ບໍລິເວນໃດຂອງໂລກກໍ່ໄດ້ ສ່ວນເລື່ອງພະລັງງານໄຟຟ້າຈະອາໃສພະລັງງານແສງອາທິດ ສ່ວນລະບົບນ້ຳສະໃຊ້ເປັນລະບົບກິ່ງປິດທີ່ສາມາດກັ່ນກອງ ແລະ ຣີໄຊເຄິລນ້ຳໄດ້ ໂດຍອາໃສເມກຝົນ

ສຳລັບການອອກແບບຕຶກໃນລັກສະນະນີ້ ເພື່ອຕອບສະໜອງຄວາມຕ້ອງການຂອງຜູ້ທີ່ມັກຄວາມສູງ ແລະ ເປັນສ່ວນຕົວຫຼາຍກວ່າຕຶກອາຄານສູງສຽດຟ້າທົ່ວໄປ ອີກທັງຍັງເຄື່ອນທີ່ໄດ້ ໃນສ່ວນຂອງລາຄານັ້ນແມ່ນຈະຄິດເປັນຕາມລະດັບຊັ້ນທີ່ສູງຂຶ້ນມາຈາກພື້ນດິນ ແລະ ຈະຕ້ອງເປັນລາຄາທີ່ສູງຫຼາຍ ເພາະເນື່ອງມາຈາກງົບປະມານການກໍ່ສ້າງທີ່ຫຼາຍມະຫາສານ

ທີ່ມາຈາກ: hilight.kapook.com/view/151120

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...