spot_img
Homeຂ່າວຕ່າງປະເທດອາເມຣິກາກ່າວເຕືອນວ່າ "ຈະມີບັນຫາ"ຖ້າຣັດເຊຍນຳໃຊ້ອາວຸດນິວເຄຼຍກັບຢູເຄຣນ

ອາເມຣິກາກ່າວເຕືອນວ່າ “ຈະມີບັນຫາ”ຖ້າຣັດເຊຍນຳໃຊ້ອາວຸດນິວເຄຼຍກັບຢູເຄຣນ

Published on

ເຈກ ຊັລລິແວນ ທີ່ປຶກສາດ້ານຄວາມໝັ້ນຄົງແຫ່ງຊາດຂອງອາເມຣິກາ ກ່າວກັບຜູ້ສື່ຂ່າວວ່າ ສະຫະລັດອາເມຣິກາຈະຕອບໂຕ້ ຢ່າງເດັດຂາດຕໍ່ການໃຊ້ອາວຸດນິວເຄຍຂອງຣັດເຊຍ ກັບຢູເຄຣນ ແລະ ໄດ້ລະບຸເຖິງຜົນເຖິງຮ້າຍແຮງທີ່ຣັດເຊຍຈະປະເຊີນ.

ຄຳເຕືອນລ່າສຸດຂອງອາເມຣິກາ ເກີດຂຶ້ນພາຍຫຼັງທີ່ທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ໄດ້ປະລາໄຊ ແລະ ໄດ້ປະກາດລະດົມກຳລັງທະຫານຄັ້ງທຳອິດຂອງປະເທດ.

ຊັລລິແວນ ລາຍງານວ່າ ຖ້າຣັດເຊຍຂ້າມເສັ້ນນີ້ ຣັດເຊຍຈະເກີດຜົນຮ້າຍຕາມມາ ອາເມຣິກາຈະຕອບໂຕ້ຢ່າງເດັດຂາດ.

ຊັລລິແວນ ບໍ່ໄດ້ລາຍງານແຜນການຕອບໂຕ້ຂອງອາເມຣິກາ ແຕ່ໄດ້ກ່າວວ່າ ອາເມຣິກາໄດ້ໂອ້ລົມກັບມົສກູເປັນການສ່ວນຕົວ ແລະ ໄດ້ຕິດຕໍ່ກັບຣັດເຊຍໂດຍກົງຢູ່ຕະຫຼອດ ລວມເຖິງສອງສາມມື້ທີ່ຜ່ານມານີ້ ເພື່ອຫາລືກ່ຽວກັບສະຖານະການໃນຢູເຄຣນ ແລະ ການກະທຳ ແລະ ໄພຄຸກຄາມຂອງປູຕິນ.

ທ່ານ ໂຈ ໄບເດັນ ປະທານາທິບໍດີອາເມຣິກາ ກ່າວຕໍ່ກອງປະຊຸມສະມັດຊາໃຫຍ່ແຫ່ງສະຫະປະຊາຊາດໃນນິວຢອກໃນວັນພຸດທີ່ຜ່ານມາ ໂດຍກ່າວຫາປູຕິນວ່າ ຣັດເຊຍສະແດງທ່າທີຄຸກຄາມນິວເຄຼຍຕໍ່ເອີຣົບຢ່າງເປີດເຜີຍ ໂດຍບໍ່ສົນໃຈຄວາມຮັບຜິດຊອບໃນການບໍ່ແຜ່ຂະຫຍາຍອາວຸດນິວເຄຼຍ.

ໃນວັນອາທິດທີ່ຜ່ານມາ ຊັລລິແວນ ຍັງໄດ້ກ່າວຕື່ມອີກວ່າ ປູຕິນມີເຈດຕະນາ ໃນການກວາດລ້າງປະຊາຊົນຢູເຄຣນ ເຊິ່ງລາວບໍ່ເຊື່ອວ່າມີສິດຈະດຳລົງຢູ່ ດັ່ງນັ້ນພັນທະມິດຢູເຄຣນຕ້ອງສະໜັບສະໜູນກັນຕໍ່ໄປ.

ແຫຼ່ງຂ່າວຈາກ ຣອຍເຕີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...