spot_img
Homeຂ່າວພາຍ​ໃນອາຊຽນ-ຈີນ ຕັ້ງເປົ້າມູນຄ່າການຄ້າໃຫ້ບັນລຸພັນຕື້ໂດລາໃນປີ 2020

ອາຊຽນ-ຈີນ ຕັ້ງເປົ້າມູນຄ່າການຄ້າໃຫ້ບັນລຸພັນຕື້ໂດລາໃນປີ 2020

Published on

ສປ ຈີນ ເປັນປະເທດຄູ່ເຈລະຈາທຳອິດທີ່ເຂົ້າເປັນພາຄີຂອງສົນທິສັນຍາໄມຕິຈິດ ແລະການຮ່ວມມືອາຊີຕາເວັນອອກສຽງໃຕ້ ທັງເປັນຄູ່ຮ່ວມຍຸດທະສາດທຳອິດຂອງອາຊຽນ, ສິ່ງທີ່ສຳຄັນຜູ້ນຳອາຊຽນ-ຈີນ ໄດ້ເພີ່ມທະວີການຮ່ວມມືເພື່ອໃຫ້ບັນລຸມູນຄ່າການຄ້າພັນຕື້ໂດລາໃນປີ 2020.
ວັນທີ 7 ກັນຍາຜ່ານມາ ທີ່ນະຄອນຫຼວງວຽງຈັນ ໄດ້ມີກອງປະຊຸມສຸດຍອດອາຊຽນ-ຈີນຄັ້ງທີ 19 ນອກນັ້ນ ຍັງມີການສະເຫຼີມສະຫຼອງສາຍພົວພັນອາຊຽນ-ຈີນ ຄົບຮອບ 25 ປີ ຊຶ່ງຜູ້ນຳອາຊຽນ-ຈີນ ໄດ້ຕີລາຄາສູງຕໍ່ໝາກຜົນ ການຮ່ວມມືໃນໄລຍະ 2 ທົດສະວັດກວ່າ ໂດຍສາມາດຍາດໄດ້ຜົນສຳເລັດອັນສຳຄັນຫຼາຍດ້ານ.

ນອກນັ້ນ ບັນດາຜູ້ນຳອາຊຽນ-ຈີນ ຍັງໄດ້ຮັບຮອງເອົາ 4 ເອກະສານສຳຄັນເປັນຕົ້ນຖະແຫຼງການຮ່ວມຂອງ ກອງປະຊຸມສຸດຍອດ ການສະເຫຼີມສະຫຼອງສາຍພົວພັນອາຊຽນ-ຈີນ ຄົບຮອບ 25 ປີ, ຖະແຫຼງການຮ່ວມລະຫວ່າງອາຊຽນ-ຈີນວ່າດ້ວຍການຮ່ວມມື ແລະສົ່ງເສີມການສ້າງຂີດຄວາມສາມາດດ້ານການຜະລິດ, ຖະແຫຼງການຮ່ວມອາຊຽນ-ຈີນວ່າດ້ວຍການຈັດຕັ້ງປະຕິບັດລະບຽບການປະພຶດໃນກໍລະນີມີການປະເຊີນທາງອາກາດ ແລະທາງທະເລຢູ່ທະເລຈີນໃຕ້, ລະບຽບການສຳລັບສາຍດ່ວນລະຫວ່າງຫົວໜ້າເຈົ້າໜ້າທີ່ອາວຸໂສ ກະຊວງການຕ່າງປະເທດຂອງບັນດາປະເທດສະມາຊິກອາຊຽນ ແລະຈີນໃນຕໍ່ໜ້າ.

ທັງນີ້ ບັນດາຜູ້ນຳອາຊຽນ-ຈີນຍັງ ໄດ້ເຫັນດີສືບຕໍ່ຈັດຕັ້ງປະຕິບັດກິດຈະກຳສະເຫຼີມສະຫຼອງການຮ່ວມມືອາຊຽນ-ຈີນ ແລະເຫັນດີກຳນົດເອົາປີ 2017 ເປັນປີແຫ່ງການຮ່ວມມືດ້ານການທ່ອງທ່ຽວອາຊຽນ-ຈີນ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...