spot_img
Homeນານາສາລະອັນຕະລາຍ ທີ່ມາພ້ອມກັບການນອນເວລາຜົມປຽກ ທີ່ຫຼາຍຄົນຍັງບໍ່ທັນຮູ້

ອັນຕະລາຍ ທີ່ມາພ້ອມກັບການນອນເວລາຜົມປຽກ ທີ່ຫຼາຍຄົນຍັງບໍ່ທັນຮູ້

Published on

ສຳລັບຄົນທີ່ມັກສະຜົມຕອນກາງຄືນ ແລ້ວນອນເລີຍ ໂດຍບໍ່ລໍຖ້າໃຫ້ຜົມແຫ້ງກ່ອນ, ລະວັງໃຫ້ດີເພາະ ເມື່ອເວລາທີ່ເຮົານອນຫຼັບ ອາດຈະເກີດບາງຢ່າງຂຶ້ນກັບໜັງຫົວຢ່າງທີ່ເຮົາຄິດບໍ່ເຖິງ ຜົນຕາມມາຫຼັງຈາກທີ່ນອນເວລາຜົມປຽກນັ້ນມີດັ່ງນີ້

  1. ເຮັດໃຫ້ເກີດຜົມຫອກໄດ້ງ່າຍ: ເພາະເມັດສີດຳຂອງຜົມເຮົາ ຈະຖືກຂັບອອກມາໃນເວລາກາງຄືນ, ຖ້າຫາກຜົມບໍ່ແຫ້ງ ການຂັບເມັດສີດຳຂອງຜົມ ຈະຂັບອອກມາໄດ້ຍາກ ເຮັດໃຫ້ເກີດຜົມຫອກໄດ້ໄວກວ່າປົກກະຕິ
  2. ມີອາການເຈັບຫົວ: ຫຼາຍຄົນທີ່ີນອນເວລາຜົມບໍ່ແຫ້ງ ຕື່ນຂຶ້ນມາຈະເຈັບຫົວ ເພາະຄວາມປຽກຊື້ນໃນໜັງຫົວຈະອອກມາ ເຮັດໃຫ້ເກີດການໃຊ້ພະລັງງານໃນສະໝອງ ຕື່ນມາຈຶ່ງເຮັດໃຫ້ເຈັບຫົວໄດ້
  3. ເປັນຫວັດໄດ້ງ່າຍ: ຄວາມເຢັນຈາກຜົມບໍ່ແຫ້ງ ຈະເຮັດໃຫ້ເສັ້ນເລືອດຫົດ ແລະເຮັດໃຫ້ພູມຕ້ານທານໜ້ອຍລົງ ເຮັດໃຫ້ເຊື້ອພະຍາດແພ່ເຂົ້າສູ່ລະບົບທາງເດີນຫາຍໃຈ ເຮັດໃຫ້ຮ່າງກາຍຂອງເຮົາເຈັບປ່ວຍໄດ້ງ່າຍ
  4. ມີຜົນກະທົບຕໍ່ຊົງຜົມ: ເພາະເວລານອນເຮົານອນທັບຜົມທີ່ີປຽກຊື້ນ ເມື່ອຕື່ນມາຈະເຮັດໃຫ້ຜົມເສຍຊົງ ຈຶ່ງຕ້ອງເສຍເວລາຈັດຊົງ ຕ້ອງໄດ້ໄດຜົມໃນຕອນເຊົ້າ ແລະຫາກໄດ້ໄດຜົມທຸກມື້ກໍເຮັດໃຫ້ຜົມເສຍ, ກາຍເປັນຜົມເບົາ, ແຕກປາຍໄດ້ງ່າຍ
  5. ສະສົມເຊື້ອພະຍາດໃນໝອນ: ນໍ້າຈາກຜົມທີ່ປຽກຈະຊຶມເຂົ້າໄປໃນໝອນ ຫາກບໍ່ເອົາໄປຕາກ ຫຼືປ່ຽນໝອນໃໝ່ ກໍຈະເກີດການສະສົມຂອງເຊື້ອພະຍາດ, ເຊື້ອລາ ທີ່ເປັນອັນຕະລາຍຕໍ່ສຸຂະພາບ ແລະເຮັດໃຫ້ໝອນຂາວໆກາຍເປັນສີເຫຼືອງອ່ອນໄດ້

ທາງອອກທີ່ດີທີ່ສຸດ ເພື່ອປ້ອງກັນບັນຫາຕາມມາແບບນີ້ ຄວນຕາກຜົມ ຫຼືເຊັດຜົມໃຫ້ແຫ້ງເສຍກ່ອນ ແລ້ວຈຶ່ງຄ່ອຍນອນ ແລະທີ່ສຳຄັນຢ່າລືມຮັກສາຄວາມສະອາດຂອງໝອນ ແລະບ່ອນນອນ, ໂດຍການເອົາໄປຕາກແດດ ແລະຊັກຜ້າປູ ກັບຊົບໝອນໃຫ້ສະອາດ ເພາະຖ້າມັນເປື້ອນຈະສົ່ງຜົນເສຍຕໍ່ຮ່າງກາຍໄດ້

ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...