spot_img
Homeຂ່າວການພັດທະນາອັງກິດ​ປະກາດ​​ ຊ່ວຍ​ເຫລືອລາວ ເກັບ​ກູ້ລະ​ເບີດ​ບໍ່ທັນ​ແຕກ​ 2,2 ລ້ານປອນ​

ອັງກິດ​ປະກາດ​​ ຊ່ວຍ​ເຫລືອລາວ ເກັບ​ກູ້ລະ​ເບີດ​ບໍ່ທັນ​ແຕກ​ 2,2 ລ້ານປອນ​

Published on

english gov

 

ທ່ານ ຟີລິບ ມາລອນ ເອກ ອັກຄະຣາຊະທູດວິສາມັນຜູ້ມີອຳນາດເຕັມແຫ່ງ ສະຫະຣາຊະອານາຈັກອັງກິດ ປະຈຳລາວ

ໄດ້ກ່າວ​ໃນ​ວັນ​ທີ 17 ຕຸລານີ້ວ່າ: ລັດຖະບານອັງກິດ ​ໄດ້​ຈະໃຫ້ການ​ຊ່ວຍ​ເຫລືອທຶນ​ຈຳນວນ 2,2 ລ້ານປອນ ຫລື ປະມານ

26 ຕື້ ກີບ ເພື່ອ​ສະໜັບສະໜູນ​ວຽກ ງານ​ເກັບ​ກູ້ລະ​ເບີດ​ບໍ່ທັນແຕກທີ່ຕົກຄ້າງຢູ່ ສປປ ລາວ.

 

ທ່ານຫົວໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປ

ລາວ (ຄຊກລ) ພູຂຽວ ຈັນທະສົມບູນ ໃຫ້ຮູ້ວ່າ: ເຖິງວ່າສົງຄາມໄດ້ສິ້ນສຸດລົງ ເກືອບ 40 ປີຜ່ານມາແຕ່ລະເບີດບໍ່ທັນ

ແຕກ ກໍຍັງສືບສົ່ງຜົນກະທົບຕໍ່ການດຳລົງຊີວິດຂອງປະຊາຊົນເຮັດໃຫ້ມີຜູ້ບາດເຈັບ ແລະ ເສຍຊີວິດຢ່າງຕໍ່ເນື່ອງໂດຍ

ສະເພາະແຕ່ປີ 2010 ມາເຖິງປັດຈຸບັນສະເລ່ຍປະມານ 80 ຄົນຕໍ່ປີ, ລະເບີດບໍ່ທັນແຕກ ຍັງເປັນອຸປະສັກອັນໃຫຍ່ຫລວງ

ຕໍ່ການພັດທະນາ ເສດຖະກິດ-ສັງຄົມແຫ່ງຊາດເຮັດໃຫ້ ສປປ ລາວ ຍັງຕົກຢູ່ໃນປະເທດທຸກຍາກ. ດ້ວຍເຫດນີ້ການ

ຊ່ວຍເຫລືອດ້ານທຶນ ແລະ ເຕັກນິກວິຊາການຈາກບັນດາອົງການຈັດຕັ້ງສາກົນ ແລະ ປະເທດຕ່າງໆ, ລັດຖະບານລາວ

ກໍໄດ້ເອົາໃຈໃສ່ ແລະ ນຳໃຊ້ເພື່ອແກ້ໄຂບັນຫາລະເບີດບໍ່ທັນແຕກ.

 

ສະຫະຣາຊະອານາຈັກ ກໍແມ່ນປະເທດໜຶ່ງທີ່ໃຫ້ທຶນສະໜັບສະໜູນວຽກງານດັ່ງກ່າວ ໃນໄລຍະຜ່ານມາປະມານ 7 ລ້ານ

ໂດລາສະຫະລັດ, ສະເພາະການປະກາດຈະຊ່ວຍເຫລືອໃນຄັ້ງນີ້ ໄດ້ມອບໃຫ້ອົງການ ຮາໂລທັດ ແລະ ອົງການ ແມັກ ຈັດຕັ້ງ

ປະຕິບັດເກັບກູ້ລະເບີດບໍ່ທັນແຕກຢູ່ແຂວງຊຽງຂວາງ ແລະ ແຂວງສະຫວັນນະເຂດ.

 

ຫົວໜ້າ ຄຊກລ ໄດ້ຕາງໜ້າລັດຖະບານ ສະແດງຄວາມຂອບໃຈຕໍ່ລັດຖະບານສະຫະຣາຊະອານາຈັກອັງກິດທີ່ໄດ້ໃຫ້ການ

ຊ່ວຍເຫລືອແກ່ລາວ ໂດຍທຶນດັ່ງກ່າວຈະນຳໃຊ້ເຂົ້າໃນການເກັບກູ້ລະ ເບີດບໍ່ທັນແຕກອອກຈາກພື້ນທີ່ຈຸດສຸມ ແລະ ເຂດ

ໂຄງການພັດທະນາຂອງລັດຖະບານ, ນັບທັງການຊ່ວຍເຫລືອປິ່ນປົວຟື້ນຟູສຸຂະພາບ ແລະ ສົ່ງເສີມໃຫ້ຜູ້ລອດຊີວິດໄດ້ມີ

ອາຊີບຊ່ວຍເຫລືອຕົນເອງໄດ້. ຢ່າງໃດກໍຕາມການແກ້ໄຂບັນຫາລະເບີດບໍ່ທັນແຕກໄລຍະ 10 ກວ່າປີຜ່ານມາສາມາດປະຕິ

ບັດໄດ້ ພຽງ 40 ພັນເຮັກຕາ ແລະ ທຳລາຍລະເບີດຊະນິດຕ່າງໄດ້ 1 ລ້ານກວ່າໜ່ວຍ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...