ຫ້າມພາດ! ດາວອັງຄານຈະໂຄຈອນໃກ້ໂລກທີ່ສຸດໃນຮອບ 60,000ປີ

0
1327

ອົງການບໍລິຫານການບິນ ແລະ ອາວະກາດແຫ່ງຊາດ ຫຼື ນາຊ່າ ຂອງສະຫະລັດອາເມລິກາ ເປີດເຜີຍວ່າ ດາວອັງຄານ ຈະມີຂະໜາດໃຫຍ່ ແລະ ສະຫວ່າງກວ່າປົກກະຕິໃນວັນທີ 31 ກໍລະກົດ 2018ນີ້ ເນື່ອງຈາກມັນໂຄຈອນເຂົ້າໃກ້ໂລກຫຼາຍທີ່ສຸດ ຄິດເປັນໄລຍະຫ່າງ 57.6 ລ້ານກິໂລແມັດ ຖືເປັນໄລຍະຫ່າງລະຫວ່າງໂລກ-ດາວອັງຄານທີ່ສັ້ນທີ່ສຸດນັບຕັ້ງແຕ່ປີ 2003

ລາຍງານລະບຸວ່າ ດາວອັງຄານຈະໂຄຈອນໃຫ້ໂລກຈົນພຽງພໍຕໍ່ການເບິ່ງເຫັນດ້ວຍກ້ອງໂທລະທັດ ຫຼື ດ້ວຍຕາເປົ່າໃນທຸກ 15-17 ປີ ໂດຍຄັ້ງຫຼ້າສຸດເກີດຂຶ້ນເມື່ອ 15ປີກ່ອນ ໄລຍະຫ່າງລະຫວ່າງໂລກ-ດາວອັງຄານຢູ່ທີ່ພຽງ 55.7 ລ້ານກິໂລແມັດ ເຊິ່ງຖືເປັນໄລຍະຫ່າງທີ່ໃກ້ທີ່ສຸດໃນຮອບເກືອບ 60,000ປີ

ລາຍງານເສີມວ່າ ດາວອັງຄານຈະຄ່ອຍໆ ຈາງຫາຍໄປໃນຊ່ວງກາງເດືອນສິງຫາ 2018 ເນື່ອງຈາກມັນ ແລະ ໂລກຈະໂຄຈອນຫ່າງອອກຈາກກັນຕາມວົງໂຄຈອນຮອບດວງອາທິດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.