spot_img
Homeຂ່າວພາຍ​ໃນຫ້າມຂຶ້ນລາຄາສິນຄ້າຕາມລຳພັງໃຈໃນໄລຍະສະຫຼອງບຸນປີໃໝ່ສາກົນ

ຫ້າມຂຶ້ນລາຄາສິນຄ້າຕາມລຳພັງໃຈໃນໄລຍະສະຫຼອງບຸນປີໃໝ່ສາກົນ

Published on

ພະແນກອຸດສາຫະກຳ ແລະ ການຄ້າ ອອກແຈ້ງການເມື່ອວັນທີ 16 ທັນວາ 2020 ກ່ຽວກບການຫ້າມສວຍໂອກາດຂຶ້ນລາຄາສິນຄ້າຕາມລຳພັງໃຈໃນໄລຍະສະຫຼອງບຸນປີໃໝ່ສາກົນ ຈົນຮອດບຸຸນປີໃໝ່ຂອງຊາວຈີນ ແລະ ຊາວຫວຽດນາມ.

ສິນຄ້າປະເພດຄວບຄຸມລາຄາເປັນຕົ້ນແມ່ນ: ເຂົ້າກິນ, ປາ,​ ຊີ້ນ, ສ່ວນສິນຄ້າປະເພດອື່ນໆ ແມ່ນຂາຍໃນລາຄາປົກກະຕິທີ່ເຄີຍຂາຍໃນໄລຍະທີ່ຜ່ານມາ, ຫ້າມກັກຕຸນສິນຄ້າ ຫຼື ສວຍໂອກາດຂຶ້ນລາຄາຕາມລຳພັງໃຈ.

  • ລາຄາຊີ້ນໝູປະເພດ 1 (ຊີ້ນກ້ອນ ແລະ ກະດູກຂ້າງ) ສູງສຸດບໍ່ໃຫ້ເກີນ 44,000 ກີບ/ກິໂລ
  • ລາຄາຊີ້ນໝູປະເພດ 2 (ຊີ້ນກ້ອນ ແລະ ກະດູກຂ້າງ) ສູງສຸດບໍ່ໃຫ້ເກີນ 44,000 ກີບ/ກິໂລ
  • ລາຄາຂາຍຍ່ອຍເຂົ້າສານໜຽວ (ປະເພດ 2) ສູງສດບໍ່ເກີນ 7,400 ກີບ/ກິໂລ
  • ລາຄາປານິນກະຊັງສູງສຸດບໍ່ໃຫ້ເກີນ 20,000 ກີບ/ກິໂລ
  • ຫ້າມນຳເຂົ້າ ແລະ ຈຳໜ່າຍກະໂພກ ແລະ ວັດຖທີ່ມີສຽງແຕກທຸກຊະນິດຢ່າງເດັດຂາດ.

ສິນຄ້າທີ່ນຳມາວາງຈຳໜ່າຍຕ້ອງຮັບປະກັນຄວາມປອດໄພທາງດ້ານຄຸນນະພາບຂອງຜູ້ບໍລິໂພກ ແລະ ໃຫ້ຕິດລາຄາເປັນເງິນກີບ, ບໍ່ໃຫ້ນຳເອົາສິນຄ້າທີ່ເສຍຄຸນ ຫຼື ໝົດອາຍຸ ແລະ ບໍ່ໄດ້ຕິດສະຫຼາກເປັນພາສາລາວມາວາງຈຳໜ່າຍ, ພ້ອມນັ້ນໃຫ້ຜູ້ປະກອບການຂຽນທີ່ຢູ່ຂອງຮ້ານ ພ້ອມເບີໂທຕິດຕໍ່ເພື່ອຄວາມສະດວກໃນການປະສານງານຂອງເຈົ້າໜ້າທີ່.

ເວລາພະນັກງານລົງກວດກາຕົວຫາກພົບເຫັນໜ່ວຍທຸລະກິດ, ຊາວຄ້າຂາຍໃດລະເມີດລະບຽບການ ແລະ ຈະແຈ້ງການສະບັບນີ້ຈະໃຊ້ມາດຕະການສຶກສາອົບຮົມ, ປັບໃໝ ຫຼື ຢຶດສິນຄ້າຕາມແຕ່ກໍລະນີ.

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...