ຫຼຸດຮູບໂຕເຄື່ອງ Huawei P10 Plus ມາພ້ອມຈໍໂຄ້ງ ແລະກ້ອງຄູ່ Leica

0
126

ເບິ່ງຄືວ່າໃນຊ່ວງໃກ້ຈະຮອດງານ MWC ຫຼື Mobile World Congress 2017 ທີ່ຈະຈັດຂຶ້ນຢູ່ Barcelona ກໍເລີ່ມມີຮູບຫຼຸດຈາກຄ່າຍດັງໆອອກມາແລ້ວ ແລະໜຶ່ງໃນນັ້ນກໍຄື: Huawei P10 ແລະ P10 Plus

ສຳລັບຮູບທີ່ຫຼຸດອອກມານີ້ສະແດງໃຫ້ເຫັນຄວາມແຕກຕ່າງຂອງໜ້າຈໍໄດ້ຊັດເຈນເລີຍ ເພາະ P10 Plus ນັ້ນມາພ້ອມກັບຈໍແບບໂຄ້ງ (ຕາມຮູບດ້ານລຸ່ມນີ້), ແຕ່ໃນຂະນະທີ່ P10 ເປັນຈໍແບບທຳມະດາແທນ. ໃນເລື່ອງຂອງປຸ່ມ Home ກໍແຕກຕ່າງກັນໄປ ເພາະ P10 ນັ້ນມາແບບປຸ່ມສຳຜັດໂຕຈິງ, ແຕ່ P10 Plus ຍັງເປັນແບບສຳຜັດໃນໜ້າຈໍແທນ. 

P10 Plus
P10

ໃນສ່ວນສະເປັກຂອງ 2 ລຸ້ນນີ້ຈະມີສ່ວນຄ້າຍຄືກັນຫຼາຍຢ່າງເຊັ່ນ: ໜ້າຈໍ 5.5 ນິ້ວ, ຄວາມລະອຽດ Quad HD, ໃຊ້ຊິບ Kirin 960, ໜ່ວຍຄວາມຈຳ 32/64/128GB, ກ້ອງຫຼັງຄູ່ຈາກ Leica ດ້ວຍຄວາມລະອຽດ 12 ລ້ານພິກເຊວ ແລະກ້ອງໜ້າ 8 ລ້ານພິກເຊວ. ນອກຈາກນີ້ P10 ແລະ P10 Plus ຍັງມາພ້ອມກັບແບັດເຕີຣີຂະໜາດ 3100mAh ແລະລະບົບ Android 7.0 Nougat.

ແຕ່ນີ້ກໍຖືເປັນຮູບຫຼຸດ ແລະຂ່າວລືທີ່ມີໃນຕອນນີ້ຍັງບໍ່ມີຂໍ້ມູນຢືນຢັນເທື່ອເດີ້, ຢ່າງໃດກໍຕາມເຮົາມາຖ້າຕິດຕາມຊົມໃນງານເປີດໂຕຢ່າງເປັນທາງການທີ່ຈະຈັດຂຶ້ນໃນອາທິດໜ້ານີ້ນຳກັນເນາະ ^^

ທີ່ມາ: gizmochina

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.