spot_img
Homeຂ່າວຕ່າງປະເທດຫວຽດນາມ ແລະ ສະຫະພາບເສດຖະກິດຢູເຣເຊຍ ບັນລຸຂໍ້ຕົກລົງເຂດການຄ້າເສລີຮ່ວມກັນແລ້ວ!

ຫວຽດນາມ ແລະ ສະຫະພາບເສດຖະກິດຢູເຣເຊຍ ບັນລຸຂໍ້ຕົກລົງເຂດການຄ້າເສລີຮ່ວມກັນແລ້ວ!

Published on

Russian Prime Minister Medvedev shakes hands with his Vietnamese counterpart Nguyen Tan Dung during signing ceremony in Burabai

ສະຫະພາບເສດຖະກິດຢູເຣເຊຍ (EEU) ແລະ ຫວຽດນາມ ໄດ້ບັນລຸຂໍ້ຕົກລົງການຄ້າເສລີ ຫລື FTA ຮ່ວມກັນແລ້ວ ເຊິ່ງນັບເປັນເອກະສານລະຫວ່າງປະເທດສະບັບທຳອິດ ລະຫວ່າງກຸ່ມຢູເຣເຊຍ ກັບປະເທດທີ 3.

ສຳນັກຂ່າວຕ່າງປະເທດ ລາຍງານໃນວັນທີ 31 ພຶດສະພາຜ່ານມານີ້ວ່າ ນາຍົກລັດຖະມົນຕີ ດິມິທຣີ ເມດເວເດບ ແຫ່ງສະຫະພັນຣັດເຊຍ ພ້ອມດ້ວຍນາຍົກລັດຖະມົນຕີ ຫງວຽນ ເຕິນ ຢຸງ ແຫ່ງ ສສ. ຫວຽດນາມ ໄດ້ຮ່ວມລົງນາມໃນຂໍ້ຕົກລົງດັ່ງກ່າວ ທີ່ເມືອງບູຣາໄບ ປະເທດກາຊັກສະຖານ ໃນມື້ວັນທີ 29 ພຶດສະພາທີ່ຜ່ານມາ ເຊິ່ງເປັນຂໍ້ຕົກລົງຄັ້ງປະຫວັດສາດ ເປັນຂໍ້ຕົກລົງທຳອິດທີ່ສະຫະພາບເສດຖະກິດຢູເຣເຊຍ ໄດ້ເຊັນຮ່ວມກັບປະເທດອື່ນ ໂດຍຂໍ້ຕົກລົງດັ່ງກ່າວນີ້ ຈະເຮັດໃຫ້ບັນດາປະເທດໃນຢູເຣເຊຍ ເຊິ່ງປະກອບມີ: ຣັດເຊຍ, ອາກເມນີ, ເບລາຣຸດ, ກາຊັກສະຖານ ແລະ ຄີກິດສະຖານ ສາມາດເຂົ້າເຖິງຕະຫລາດຫວຽດນາມ ທີ່ມີປະຊາກອນຫລາຍກ່ວາ 90 ລ້ານຄົນ ຕະຫລອດຮອດສາມາດເຂົ້າເຖິງຕະຫລາດອາຊຽນໄດ້ທັງໝົດອີກດ້ວຍ.

ການຕົກລົງເຂດການຄ້າເສລີລະຫວ່າງສອງຝ່າຍດັ່ງກ່າວນີ້ ຄາດວ່າຈະສາມາດຂະຫຍາຍມູນຄ່າການຄ້າລະຫວ່າງປະເທດຂຶ້ນ ເປັນ 10 ຕື້ໂດລາສະຫະລັດ ພາຍໃນປີ 2020 ຈາກໃນປັດຈຸບັນທີ່ມີພຽງແຕ່ 4 ຕື້ໂດລາສະຫະລັດເທົ່ານັ້ນ.

ທັງນີ້ ສະຫະພາບເສດຖະກິດຢູເຣເຊຍ ຫລື EEU ແມ່ນສ້າງຕັ້ງຂຶ້ນ ມີຜົນຕັ້ງແຕ່ວັນທີ 1 ມັງກອນ 2015 ເປັນຕົ້ນມາ ເຊິ່ງເປັນກຸ່ມເສດຖະກິດທີ່ມີການເຄື່ອນຍ້າຍເສລີ ທາງດ້ານສິນຄ້າ,​ ການບໍລິການ, ເງິນທຶນ ແລະ ແຮງງານ ສາມາດເຄື່ອນຍ້າຍລະຫວ່າງກັນໄດ້ຢ່າງເສລີ ພາຍໃນສະຫະພາບດັ່ງກ່າວ.

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...