ຫວຽດນາມໄດ້ໂກຕາເຂົ້າເປັນສະມາຊິກບໍ່ຖາວອນຂອງ UNSC

0
779

ສສ ຫວຽດນາມ ເອສໂຕເນຍ ໄນເຈີຣ ຕູນີເຊຍ ເຊນວິນເຊນ ແລະ ເກຣນາດີນສ ໄດ້ຮັບການເລືອກຕັ້ງໃຫ້ເຮັດໜ້າທີ່ສະມາຊິກບໍ່ຖາວອນຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ທ່າມກາງສະຖານະການຂັດແຍ່ງທາງການເມືອງ ແລະ ການຄ້າລາະຫວ່າງປະເທດມະຫາອຳນາດ.

ສຳນັກຂ່າວຕ່າງປະເທດລາຍງານຈາກນະຄອນນິວຢອກ ອາເມຣິກາເມື່ອວັນທີ 8 ມິຖຸນາຜ່ານມາວ່າ ສະມັດຊາໃຫຍ່ແຫ່ງສະຫະປະຊາຊາດ (UNGA) ປະຊຸມເມື່ອບໍ່ດົນມານີ້ເພື່ອລົງຄະແນນສຽງເລືອກສະມາຊິກ 5 ປະເທດໃຫ້ເຂົ້າໄປເຮັດວຽກທີ່ສະມາຊິກບໍ່ຖາວອນຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC) ກຸ່ມໃໝ່ ຊຶ່ງຈະມີວາລະ 2 ປີ ເລີ່ມແຕ່ວັນທີ 1 ມັກກອນ 2020 ຂະນະທີ່ໂກຕາໃນພູມີພາກອາຊີ ແລະ ແປຊີຟິກ ໂດຍຫວຽດນາມໄດ້ຮັບຄະແນນສຽງເຖິງ 192 ຄະແນນ ຈາກສະມາຊິກທັງໝົດ 193 ປະເທດ.

ທັງນີ້ ຫວຽດນາມຈະເຮັດໜ້າທີ່ແທນປະເທດຄູເວດທີ່ຈະໝົດວາລະໃນທ້າຍປີນີ້ ທັງນີ້ ສົ່ງຜົນໃຫ້ໃນປີ 2020 ຈະມີສະມາຊິກບໍ່ຖາວອນຂອງ (UNSC) ໃນກຸ່ມອາຊີ ແລະ ແປຊິຟິກ 2 ບ່ອນນັ່ງ ຈາກອາຊີຕາເວັນອອກສຽງໃຕ້ທັງໝົດຄື ສສ ຫວຽດນາມ ແລະ ອິນໂດເນເຊຍທີ່ໄດ້ຮັບການເລືອກຕັ້ງເມື່ອຕົ້ນເດືອນມິຖຸນາປີ 2018.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: AFP