ຫວຽດນາມສືບຕໍ່ມອບທຶນການສຶກສາໃຫ້ລາວ 1.100 ທຶນຕໍ່ປີ

ການພັດທະນາການສຶກສາ ແລະ ຊັບພະຍາກອນມະນຸດ, ໂດຍລັດຖະບານຫວຽດນາມ ມີແຜນສືບຕໍ່ໃຫ້ທຶນການສຶກສາ ແກ່ນັກຮຽນ ແລະ ພະນັກງານລັດ ຂອງ ສປປ ລາວ ເພື່ອໄປສຶກສາຕໍ່ ທີ່ຫວຽດນາມ ທັງໝົດສະເລ່ຍ 1,100 ທຶນ ຕໍ່ປີໃຫ້ນັກສຶກສາລາວ ແລະ ອື່ນໆ.

ໜັງສືພິມວຽງຈັນທາມ ລາຍງານວ່າ ເນື່ອງໃນໂອກາດທີ່ ຮອງລັດຖະມົນຕີກະຊວງສຶກສາ ແລະ ກີລາ ທ່ານ ຮອງ ສຈ. ປອ ພຸດ ສິມມາລາວົງ ໄດ້ຮັບກຽດຕ້ອນຮັບການເຂົ້າຢ້ຽມອຳລາຂອງທູດສຶກສາ-ວັດທະນະທຳ, ສະຖານທຸດຫວຽດນາມປະຈຳລາວ ທ່ານ ຫງວຽນ ງອກຖັງ ເນື່ອງໃນໂອກາດທີ່ໄດ້ໝົດວາລະປະຕິບັດໜ້າທີ່ວຽກງານຢູ່ລາວ

ທຶນການສຶກສາດັ່ງກ່າວ ຈະຊ່ວຍນັກຮຽນລາວ ໃນຫຼາຍສາຂາວິຊາ ລວມມີທັງໃນລະດັບ ປະລິນຍາຕີ, ຊັ້ນສູງ ແລະ ການໄປຝຶກອົບຮົມໄລຍະສັ້ນ.

ຈາກສະຖິຕິ ຈາກກະຊວງສຶກສາ ໃນປີ 2018 ມີນັກຮຽນລາວ ໄປສຶກສາຕໍ່ຢູ່ຕ່າງປະເທດ ຈໍານວນ 7,000 ຄົນ ແລະ ໃນປີ 2019 ມີຈໍານວນ 6,000 ຄົນ, ຕາມລໍາດັບ. ນັກສຶກສາລາວສ່ວນໃຫຍ່ ແມ່ນເລືອກໄປຮຽນຢູ່ ສປ ຈີນ, ສສ ຫວຽດນາມ, ໄທ, ຍີ່ປຸ່ນ ແລະ ເກົາຫຼີ.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.