spot_img
Homeຂ່າວຕ່າງປະເທດຫວຽດນາມຈັດ 2 ຖ້ຽວບິນຂົນປະຊາ ຊົນອອກຈາກມຽນມາທ່າມກາງວິກິດ ການເມືອງທີ່ນັບມື້ຮຸນແຮງ

ຫວຽດນາມຈັດ 2 ຖ້ຽວບິນຂົນປະຊາ ຊົນອອກຈາກມຽນມາທ່າມກາງວິກິດ ການເມືອງທີ່ນັບມື້ຮຸນແຮງ

Published on

ປະຊາຊົນຫວຽດນາມກວ່າ 400 ຄົນໄດ້ເດີນທາງອອກຈາກປະເທດມຽນມາໃນວັນທີ 4 ມີນາ 2021 ທ່າມກາງວິກິດການດ້ານການເມືອງທີ່ນັບມື້ນັບຮຸນແຮງຂຶ້ນ.

ຊາວຫວຽດນາມເດີນທາງອອກຈາກມຽນມາດ້ວຍຖ້ຽວບິນ 2 ຖ້ຽວບິນ ເຊິ່ງທາງສະຖານທູດຫວຽດນາມປະຈຳມຽນມາ ແລະ ສາຍການບິນຫວຽດນາມແອຣ໌ລາຍ. ຜູ້ໂດຍສານດັ່ງກ່າວໄດ້ລວມເຖິງເດັກນ້ອຍອາຍຸຕໍ່າກວ່າ 18 ປີ ແລະ ຜູ້ທີ່ມີໂຣກປະຈຳຕົວ.

ສະຖານທູດຫວຽດນາມລະບຸວ່າ ທາງສະຖານທູດກຳລັງຕິດຕາມເບິ່ງສະຖານະການໃນປະເທດມຽນມາຢ່າງໃກ້ຊິດ ພ້ອມທັງໃຫ້ຂໍ້ມູນແກ່ຊາວຫວຽດນາມທີ່ຕ້ອງການກັບຄືນປະເທດ ລວມທັງການຈັດສົ່ງເຈົ້າໜ້າທີ່ໄປທີ່ສະໜາມບິນເພື່ອອຳນວຍຄວາມສະດວກດ້ານເອກະສານສຳລັບປະຊາຊົນ.

ລັດຖະບານໄທກຽມຈັດຖ້ຽວບິນເພື່ອອົບພະຍົບປະຊາຊົນຜູ້ທີ່ຕ້ອງການອອກຈາກປະເທດມຽນມາໃນວັນທີ 16 ມີນາ, ທ່າມກາງວິກິດການທາງດ້ານການເມືອງທີ່ກຳລັງເພີ່ມຂື້ນ.

ໃນຂະນະດຽວກັນ, ລັດຖະບານສິງກະໂປໄດ້ອອກຖະແຫຼງການຮຽກຮ້ອງໃຫ້ຊາວສິງກະໂປອອກຈາກມຽນມາໂດຍໄວເທົ່າທີ່ຈະໄວໄດ້. ຍ້ອນຄວາມຮຸນແຮງຈາກການປະທ້ວງຂອງລັດຖະບານທະຫານມຽນມາ, ມີປະຊາຊົນຫຼາຍຄົນໄດ້ເສຍຊີວິດ.

ອົງການສະຫະປະຊາຊາດ (UN) ກ່າວວ່າປະຈຸບັນມີຜູ້ເສຍຊີວິດ 50 ຄົນໃນການປະທ້ວງ, ໃນຂະນະທີ່ຜູ້ນຳ ປະທ້ວງກ່າວວ່າຈຳນວນຜູ້ເສຍຊີວິດແມ່ນຫຼາຍກວ່ານັ້ນ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...