spot_img
Homeຂ່າວຕ່າງປະເທດສົມເດັດຮຸນ ເຊນ ສັ່ງປົດເຈົ້າແຂວງສີຫານຸວິລ ກໍລະນີຕຶກຖະຫຼົ່ມ

ສົມເດັດຮຸນ ເຊນ ສັ່ງປົດເຈົ້າແຂວງສີຫານຸວິລ ກໍລະນີຕຶກຖະຫຼົ່ມ

Published on

ສົມເດັດຮຸນ ເຊນ ນາຍົກລັດຖະມົນຕີກຳປູເຈຍສັ່ງປົດເຈົ້າແຂວງສີຫາສຸວິລ ແລະ ຮອງຜູ້ອຳນວຍການຄະນະກຳມະການບໍລິຫານຈັດການໄພພິບັດແຫ່ງຊາດ ກໍລະນີບົກຜ່ອງຕໍ່ໜ້າທີ່ຢ່າງຮ້າຍແຮງພາຍຫຼັງເກີດເຫດອາການກຳລັງກໍ່ສ້າງພັງຖະຫຼົ່ມ ສົ່ງຜົນໃຫ້ມີຜູ້ເສຍຊີວິດເກືອບ 28 ລາຍ.

ສຳນັກຂ່າວຕ່າງປະເທດລາຍງານເມື່ອວັນທີ 25 ມິຖຸນາວ່າ ຜູ້ນຳກຳປູເຈຍມີໄດ້ມີຄຳສັ່ງປົດ ທ່ານ ຢຸນ ມິນ ອອກຈາກຕຳແໜ່ງເຈົ້າແຂວງ ແລະ ປົດທ່ານ ໜິມ ວັນດາ ອອກຈາກຕຳແໜ່ງຮອງຜູ້ອຳນວຍການຄະນະກຳມະການບໍລິຫານຈັດການໄພພິບັດແຫ່ງຊາດເນື່ອງຈາກທັງ 2 ເປັນບຸກຄົນທີ່ເຮັດວຽກໂດຍບໍ່ມີຄວາມຮັບຜິດຊອບ ແລະ ບິດເບືອນຄວາມຈິງກ່ຽວກັບເຫດການດັ່ງກ່າວ.

ຂະນະທີ່ສື່ທ້ອງຖິ່ນຂອງກຳປູເຈຍກໍໄດ້ລາຍງານວ່າ ທ່ານ ຢຸນ ມິນ ໄດ້ຍື່ນໜັງສືລາອອກຢູ່ທີ່ກະຊວງປ້ອງກັນປະເທດແລ້ວ ພ້ອມອອກຖະແຫຼງການຂໍໂທດປະຊາຊົນ ສ່ວນທ່ານ ໜິມ ວັນດາ ຍັງບໍ່ມີຄວາມເຄື່ອນໄຫວ ສ່ວນູຳສັ່ງອງຜູ້ນຳກຳປູເຈຍມີຂຶ້ນພາຍຫຼັງເກີດເຫດອາຄານທີ່ກຳລັງກໍ່ສ້າງຂະໜາດ 7 ຊັ້ນໃນເມືອງພຣະສີຫະນຸຊຶ່ງເປັນເມືອງເອກຂອງແຂວງ ຊຶ່ງຜູ້ເສຍຊີວິດທັງໝົດເປັນຄົນງານທີ່ກຳລັງນອນພັກຜ່ອນຢູ່ບໍລິເວນເຂດກໍ່ສ້າງ ພ້ອມນີ້ ກໍມີຜູ້ທີ່ໄດ້ຮັບບາດເຈັບອີກຫຼາຍກວ່າ 10 ຄົນ.

ສ່ວນສົມເດັດຮຸນ ເຊນ ກໍໄດ້ເດີນທາງລົງພື້ນທີ່ເກດເຫດ ແລະ ປະກາດວ່າລັດຖະບານກຳປູເຈຍມອບເງິນຊ່ວຍເຫຼືອແກ່ຄອບຄົວຜູ້ເສຍຊີວິດລາຍລະ 10.000 ໂດລາ ແລະ ສົມເດັດຮຸນ ເຊນ ກໍມີຄຳສັ່ງສອບສວນບໍລິສັດຮັບເໝົາກໍ່ສ້າງອາຄານແຫ່ງນີ້ ຊຶ່ງມີລາຍງານວ່າບໍລິສັດແຫ່ງໜຶ່ງຈາກ ສປ ຈີນ ເປັນຜູ້ລົງທຶນລາຍໃຫຍ່ ແລະ ເຮັດວຽກໂດຍປະໝາດໃນລະຫວ່າງການກໍ່ສ້າງ ຫຼື ບໍ່? ແລະ ໄດ້ສັ່ງກວດສອບອາຄານທີ່ກຳລັງກໍ່ສ້າງທັງໝົດໃນແຂວງສີຫານຸວິລ ຢ່າງໃດກໍຕາມ ມີລາຍງານຈາກເຈົ້າໜ້າທີ່ກູ້ໄພວ່າ ສາມາດຊ່ວຍເຫຼືອຜູ້ລອດຊີວິດອອກມາໄດ້ແລ້ວຢ່າງໜ້ອຍ 2 ຄົນ ຂະນະນີ້ໄດ້ສົ່ງໄປປິ່ນປົວຢູ່ໂຮງໝໍແລ້ວ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...