spot_img
Homeຂ່າວການສຶກສາສົກປີນີ້ ວິທະຍາໄລເຕັກນິກ-ວິຊາຊີບ ແຂວງຈຳປາສັກ ຈະເປີດຮັບນັກຮຽນ 1.500 ຄົນ!

ສົກປີນີ້ ວິທະຍາໄລເຕັກນິກ-ວິຊາຊີບ ແຂວງຈຳປາສັກ ຈະເປີດຮັບນັກຮຽນ 1.500 ຄົນ!

Published on

ຂປລ. ທ່ານ ບົວໄຂ ສຸພາອອນ ຜູ້ອຳນວຍການ ວິທະຍາໄລເຕັກນິກ-ວິຊາຊີບ ແຂວງຈຳປາສັກ ໃຫ້ສຳພາດວ່າ: ສົກຮຽນ 2016-2017 ນີ້ ວິທະຍາໄລຂອງ​ຕົນ ໄດ້ຮັບໂກຕາຮັບເອົານັກສຶກສາເຂົ້າຮຽນ ຈຳນວນ 1.500 ຄົນ, ໃນນັ້ນສອບເສັງຄັດເລືອກເອົາ 900 ຄົນ ແລະ ສຳພາດເອົາ 600 ຄົນ, ຜ່ານການຈັດຕັ້ງປະຕິບັດຕົວຈິງ ເຫັນວ່າລູກຫລານນັກຮຽນ ທີ່ຮຽນຈົບສາຍສາມັນ ໃຫ້ຄວາມສົນໃຈຫລາຍກ່ວາປີທີ່ຜ່ານມາ.

ສຳລັບພາກສ່ວນສຳພາດເຂົ້າຮຽນສາຂາກໍ່ສ້າງເຄຫາສະຖານ, ອາຫານ ແລະ ການໂຮງແຮມ ລະບົບ 9+3, 12+2+1 ຊັ້ນກາງ ແລະ ຊັ້ນສູງຕໍ່ເນື່ອງ. ສາຂາຕັດຫຍິບ,ໂລຫະ ແລະ ທໍ່ນ້ຳ, ສ້ອມແປງທົ່ວໄປ, ກົນຈັກກະເສດ, ຊ່າງໄມ້ເຟີນີເຈີ ແລະ ຈັກກົນໂຮງງານ ລະບົບ 9+3 ແລະ 12+2 ຊັ້ນກາງ. ສາຂາເຕັກໂນໂລຊີລົດຍົນ, ໄຟຟ້າເຕັກນິກ ແລະ ເອເລັກໂຕຼນິກ ລະບົບ 9+3 ຊັ້ນກາງ ເຊິ່ງທຸກສາຂາແມ່ນໄດ້ຮັບເບ້ຍລ້ຽງ 2 ແສນກີບ/ເດືອນ, ປັດຈຸບັນມີນັກຮຽນມາສຳພາດໃນງວດທີ I ຈຳນວນ 300 ຄົນ ແລະ ຍັງຈະສືບຕໍ່ສຳພາດ ໃນງວດທີ II ຈຳນວນ 300 ຄົນ, ດັ່ງນັ້ນ ຖ້າໃຜສົນໃຈຢາກຮຽນວິຊາຊີບ ໃນສາຂາທີ່ກ່າວມານີ້ ສາມາດເຂົ້າໄປ ຕິດຕໍ່ພົວພັນນຳ ວິທະຍາໄລເຕັກນິກວິຊາຊີບແຂວງຈຳປາສັກ ໄດ້ໃນໂມງລັດຖະການ. ນອກນີ້ ທ່ານຍັງອະທິບາຍເຖິງທິດທາງແຜນການ ໃນການພັດທະນາພື້ນຖານໂຄງລ່າງ ພາຍໃນໂຮງຮຽນຕື່ມອີກ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...