spot_img
Homeຄົມຄິດຄົມຄົນສຸດຍອດຄຳຄົມ ທີ່ຊ່ວຍໃຫ້ທ່ານເຊົາ "ທໍ້ຖອຍໃຈ" ແລະພ້ອມເລິ່ມຕົ້ນກ້າວຕໍ່ໄປອີກເທື່ອໃໝ່

ສຸດຍອດຄຳຄົມ ທີ່ຊ່ວຍໃຫ້ທ່ານເຊົາ “ທໍ້ຖອຍໃຈ” ແລະພ້ອມເລິ່ມຕົ້ນກ້າວຕໍ່ໄປອີກເທື່ອໃໝ່

Published on

 ເວລາເຫັນຄວາມສຳເລັດຂອງຄົນອື່ນໆ ເຮົາມັກຈະເບິ່ງຂ້າມສິ່ງທີ່ຄົນເຫຼົ່ານີ້ຕ້ອງປະສົບພົບພໍ້ ຫຼາຍກວ່າຈະກ້າວໄປເຖິງຈຸດຈຸດນັ້ນໄດ້ ແຕ່ສິ່ງທີ່ຄົນປະສົບຄວາມສຳເລັດພະຍາຍາມຈະບອກທ່ານກໍຄື ຫົນທາງຂອງພວກເຂົາບໍ່ໄດ້ໂຮຍດ້ວຍກີບດອກກຸຫຼາບ ແລະສິ່ງທີ່ຈະເຮັດໃຫ້ຄົນປະສົບຄວາມສຳເລັດຢືນຢູ່ໄດ້ ໃນທ້າຍທີ່ສຸດກໍຄື ການເປັນຄົນທີ່ໝັ່ນຮຽນຮູ້ ພັດທະນາ ແລະປັບປຸງໂຕເອງໂດຍບໍ່ເຄີຍຄິດທໍ້ຖອຍຕໍ່ອຸປະສັກທີ່ເຂົ້າມາ.
ແລະຕໍ່ໄປນີ້ຄື 10 ຄຳຄົມທີ່ຊ່ວຍກະຕຸ້ນໃຫ້ທ່ານບໍ່ຍອມແພ້ ບໍ່ລົ້ມເລີກ ແລະບໍ່ທໍ້ຖອຍຕໍ່ອຸປະສັກທີ່ຂວາງກັ້ນເປົ້າໝາຍທີ່ທ່ານຝັນເອົາໄວ້:
“ຄວາມສຳເລັດ ຄືການກ້າວຈາກຄວາມລົ້ມແຫຼວໜຶ່ງ ໄປສູ່ອີກຄວາມລົ້ມແຫຼວໜຶ່ງ ໂດຍທີ່ບໍ່ສູນເສຍສັດທາ” – ວິນສະຕັນ ເຊີຊິນ (Winston Churchill)
 
“ກຽດຍົດທີ່ຍິ່ງໃຫຍ່ທີ່ສຸດ ບໍ່ໄດ້ມາຈາກການທີ່ເຮົາບໍ່ເຄີຍລົ້ມ ແຕ່ມາຈາກການທີ່ເຮົາລຸກຂຶ້ນຢືນໄດ້ທຸກຄັ້ງທີ່ລົ້ມຕ່າງຫາກ” ― ຂົງຈື້ (Confucius)
“ຊີວິດຂ້ອຍບໍ່ເຄີຍພ່າຍແພ້ ເພາະຊີວິດຂ້ອຍມີແຕ່ ໄຊຊະນະ ຫຼືບໍ່ກໍມີແຕ່ ບົດຮຽນທີ່ຂ້ອຍຕ້ອງຮຽນຮູ້” ― ເນວສັນ ແມນເດລາ  (Nelson Mandela)
 
“ ທ່ານຈະເອົາຊະນະຄວາມທໍ້ຖອຍໃຈໄດ້ ເມື່ອທ່ານຫັນມາສົນໃຈທີ່ຜົນລັບ ບໍ່ແມ່ນອຸປະສັກ” ― ທີ. ເອັບ. ຮອດ (T.F. Hodge)
 
“ຖ້າລົ້ມລົງ ກໍຈົ່ງພະຍາຍາມລຸກຂຶ້ນໃໝ່ ແຕ່ຖ້າຫາກຕ້ອງລົ້ມອີກ ກໍຈົ່ງລົ້ມໃຫ້ດີກວ່າເກົ່າ” ― ຊາມູເອວ ເບັກເກັດ (Samuel Beckett)
 
“ບໍ່ມີສິ່ງໃດດອກທີ່ຈາກໄປຊື່ໆ ໂດຍທີ່ບໍ່ໃຫ້ບົດຮຽນກັບເຮົາ” ― ເພມ່າ ໂຊດຣັນ (Pema Chödrön)
“ຂ້ອຍບໍ່ໄດ້ລົ້ມແຫຼວ ຂ້ອຍພຽງແຕ່ຄົ້ນພົບຫຼາຍໆວິທີ ທີ່ມັນໃຊ້ບໍ່ໄດ້ຜົນຕ່າງຫາກ” ― ໂທມັດ ເອດິສັນ
 
“ຢ່າຍອມແພ້ຕໍ່ຄວາມຝັນທີ່ອາດຈະຕ້ອງໃຊ້ເວລາຢ່າງຍາວນານກວ່າຈະສຳເລັດ ເພາະຈັ່ງໃດແລ້ວເວລານັ້ນກໍຕ້ອງຜ່ານມັນໄປໃນທີ່ສຸດ ” ― ເອີນ ໄນຕິງເກວ (Earl Nightingale)
 
“ບໍ່ມີຫຍັງໃນໂລກທີ່ສາມາດແທນທີ່ຄວາມພຽນໄດ້ ຄົນມີພອນສະຫວັນແຕ່ບໍ່ປະສົບຄວາມສຳເລັດມີເຕັມໄປໃນສະໄໝນີ້ ຄົນອັດສະລິຍະທີ່ບໍ່ມີຜົນງານຫຍັງເລີຍກໍຫຼວງຫຼາຍ ແລະຄົນທີ່ມີການສຶກສາສູງກໍພາກັນຕົກງານເປັນແຖວ ແຕ່ກົງກັນຂ້າມ ຄົນທີ່ມີຄວາມພຽນແລະຄວາມຕັ້ງໃຈຕ່າງຫາກ ທີ່ສາມາດຢືນຢູ່ໄດ້ ” ― ຄານວິນ ຄູນລິດ (Calvin Coolidge)
 
“ຈົ່ງມີທັງອົດທົນແລະຄວາມຫຼົງໃຫຼຢ່າງເທົ່າທຽມກັນ ເພາະການມີຄວາມອົດທົນພຽງຢ່າງດຽວບໍ່ອາດຈະສ້າງຄວາມສຳເລັດໃຫ້ທ່ານໄດ້ ຖ້າຫາກວ່າປາສະຈາກຄວາມຫຼົງໃຫຼທີ່ຊ່ວຍທຳລາຍກຳແພງອຸປະສັກທີ່ຂວາງກັ້ນ” – ມາຍາ ແອງເຈລູ (Maya Angelou)
 
ບົດຄວາມຈາກ: Goalcast , ຮູບປະກອບຈາກ: ປະສົບຄວາມສຳເລັດ

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...