ສິ່ງທີ່ໂພສບໍ່ໄດ້ຕາມແນວທາງປະຕິບັດຂອງເຟສບຸ໊ກ

0
748

ໃນຄໍລຳສາລະໜ້າຮູ້ກັບລາວໂພສຕ໌ ແອັດມິນມີຂໍ້ມູນດີໆມາບອກຊາວໂຊຊຽວກຸ່ມຜູ້ໃຊ້ເຟສບຸກທັງຫຼາຍຄວນວ່າຮູ້ກັນເອົາໄວ້ ເຊິ່ງປັດຈຸບັນທາງເຟສບຸກໄດ້ປະຕິບັດແນວທາງໃໝ່ ເຊິ່ງມີບາງຢ່າງທີ່ບໍ່ສາມາດໂພສລົງເຟສບຸກໄດ້ ເຊິ່ງຈະມີສິ່ງໃດແນ່ນັ້ນເຮົາມາອ່່ານໄປພ້ອມກັນເລີຍ

  1. ຮູບໂປ້ເປືອຍທັງຮູບຜູ້ໃຫຍ່ ແລະ ເດັກນ້ອຍ
  2. ຮູບພາບຫົວນົມເພດຍິງ ແຕ່ມີຍົກເວັ້ນຫາກຮູບນັ້ນເປັນຮູບການປະທ້ວງ, ການໃຫ້ນົມລູກ ແລະ ການຮັກສາມະເຮັງເຕົ້ານົມແມ່ນໂພສໄດ້
  3. ການໃສ່ຄວາມຈາກເຫດກໍ່ການຮ້າຍ ເຊັ່ນ: ບອກວ່າເຫຍື່ອເປັນຄົນຂີ້ຕວະ ຫຼື ບອກວ່າເຫຍື່ອຖືກຈ້າງໃຫ້ສ້າງຄວາມເຂົ້າໃຈຜິດຕໍ່ສະຖານະການ
  4. ການຍອມຮັບ-ສົ່ງເສີມອາດຊະຍາກຳ
  5. ການຍອມຮັບ-ໃຊ້-ສົ່ງເສີມ ກັນຊາ, ຢາເສຍຕິດ, ປືນຜິດກົດໝາຍ
  6. ການຂົ່ມຂູ່ຫຼືຮຽກຮ້ອງຄວາມຮຸນແຮງ
  7. ຂໍ້ມູນສ່ວນຕົວ ຍົກຕົວຢ່າງ: ບັດທີ່ອອກໂດຍໜ່ວຍງານລັດ, ເລກບັດປະຊາຊົນ, ປື້ມຜ່ານແດນ, ລະຫັດຜ່ານ, ຂໍ້ມູນການແພດ, ຂໍ້ມູນການເງິນ ຫຼື ຊ່ອງທາງຕິດຕໍ່ທີ່ລະເມີດສິດ
  8. ຄວາມກຽດຊັງ ການໂຈມຕີເຜົ່າພັນ, ເຊື້ອຊາດ, ສາດສະໜາ, ເພດ, ປະເທດ, ຣົດນິຍົມ, ຄວາມພິການ, ໂຣກຮ້າຍແຮງ ຫຼື ຂົ່ມຂູ່ຄຸກຄາມ
  9. ເນື້ອຫາທີ່ສົ່ງເສີມ ແນະນຳການຂ້າຕົວຕາຍ
  10. ການສ້າງໂປຣໄຟລ໌ປອມ ປອມເປັນຜູ້ອື່ນ ຫຼື ລະເມີດລິຂະສິດຊັບສິນທາງປັນຍາ, ສະແປມ ແລະ ແອບອ້າງໃຫ້ຄລິກ like-share

ເມື່ອຮູ້ກັນແບບນີ້ແລ້ວກ່ອນຈະໂພສສິ່ງໃດລົງໄປໃນເຟສບຸ໊ກ ຕ້ອງຄິດໃຫ້ດີໆກ່ອນ ເພື່ອຫຼີກລ່ຽງບັນຫາບັນຊີເຟສບຸກຂອງທ່ານຕິດສະແປມ, ຖືກບລັອກ ຫຼື ຖືກລົບ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.