spot_img
Homeອຸບັດເຫດແລະປາກົດການຫຍໍ້ທໍ້ສານນະຄອນຫລວງຕັດສິນລົງໂທດຄາດຕະກອນຂ້າປຸ້ນຊັບຈຳຄຸກ 19 ປີ

ສານນະຄອນຫລວງຕັດສິນລົງໂທດຄາດຕະກອນຂ້າປຸ້ນຊັບຈຳຄຸກ 19 ປີ

Published on

 

ໃນວັນທີ 30 ກັນຍາຜ່ານມານີ້ ສານປະຊາຊົນນະຄອນຫລວງວຽງຈັນ, ໄດ້ຕັດສີນລົງໂທດ ນາງ ມິດ ອາຍຸ 26 ປີ

ຢູ່ບ້ານຫັດສະດີ ເມືອງຈັນທະບູລີ ນະຄອນຫລວງວຽງຈັນ ແລະ ນາງ ຄຳສອນ ອາຍຸ 26 ປີຢູ່ບ້ານເກິນໃຕ້ ເມືອງ

ທຸລະຄົມ ແຂວງວຽງຈັນ ຈຳຄຸກເປັນເວລາ 19 ປີ, ພ້ອມປັບໃໝເງິນຜູ້ລະ 6,8 ລ້ານ ກີບ, ໃນຂໍ້ຫາເມື່ອວັນທີ 24

ກຸມພາ 2014 ທັງສອງໄດ້ຮ່ວມກັນວາງແຜນຕົວະນາງ ສີສະຫງ່ຽມອາຍຸ 50 ກວ່າປີ ຢູ່ແຂວງບໍລິຄຳໄຊເຊິ່ງເປັນ

ຄົນຮູ້ຈັກກັນ ໃຫ້ຂຶ້ນມາຫລິ້ນໄພ້ຢູ່ນະຄອນຫລວງວຽງຈັນ, ໂດຍໄດ້ນັດພົບກັນຢູ່ໂຮງແຮມແຫ່ງໜຶ່ງຢູ່ເຂດບ້ານ

ດ່ານຊ້າງ, ເມືອງໄຊທານີ, ພໍມາຮອດທັງສອງກໍໄດ້ເອົານ້ຳໝາກໄມ້ທີ່ປະສົມກັບຢານອນຫລັບເປັນຈຳນວນຫລາຍ

ໃຫ້ ນາງສີສະຫງ່ຽມ ດື່ມຈົນໝົດສະຕິ ແລ້ວພາກັນປົດເອົາຄຳຮູບປະພັນເຊັ່ນ: ສາຍແຂນ, ສາຍຄໍ, ແຫວນ, ຕາງ

ຫູນ້ຳໜັກລວມເກືອບ 10 ບາດ, ເງິນ 5 ແສນກີບ ແລະ 5 ພັນບາດ (ສະກຸນເງິນໄທ) ແລະ ໃນວັນທີ 25 ກຸມພາ

2014 ທັງສອງຈຶ່ງໄດ້ອູ້ມເອົານາງສີສະຫງ່ຽມທີ່ຍັງມີອາການເມີລອຍ ຂຶ້ນໃສ່ລົດຈັກແລ້ວພາກັນເອົາໄປຖີ້ມລົງ

ຄອງຊົນລະປະທານເຂດບ້ານດ່ານຊ້າງ, ຫລັງຈາກນັ້ນກໍພາກັນຫລົບໜີ ແລະ ຕົກມາຮອດວັນທີ 26 ກຸມພາ

2014 ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີຕາມກົດໝາຍ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...