spot_img
Homeຂ່າວທ້ອງຖິ່ນສາທາລະນະສຸກເມືອງ ໄກສອນ ພົມວິຫານ ກຽມການສັກຢາ ແລະ ຢອດຢາກັນພະຍາດໂປລີໂອ

ສາທາລະນະສຸກເມືອງ ໄກສອນ ພົມວິຫານ ກຽມການສັກຢາ ແລະ ຢອດຢາກັນພະຍາດໂປລີໂອ

Published on

SPS_2015-1-650x341

ເພື່ອເປັນການຈັດຕັ້ງປະຕິບັດຕາມ ຄຳສັ່ງຂອງນາຍົກລັດຖະມົນຕີເລກທີ 63/ນຍ ວ່າດ້ວຍ ການຕອບໂຕ້ການລະບາດພະຍາດໂປລີໂອ ແລະ ສົ່ງເສີມການຢອດຢາ-ສັກຢາກັນພະຍາດ ດ່ັ່ງນັ້ນ ໃນວັນທີ 08 ທັນວາ 2015 ຜ່ານມາ ຫ້ອງການສາທາລະນະສຸກ ເມືອງໄກສອນພົມວິຫານ ແຂວງສະຫວັນນະເຂດ ໄດ້ຈັດກອງປະຊຸມປຶກສາຫາລື ກ່ຽວກັບການຈັດຕັ້ງປະຕິບັດການສັກຢາ ແລະ ຢອດຢາກັນພະຍາດໂປລີໂອ ໂດຍການໃຫ້ກຽດເຂົ້າຮ່ວມຂອງທ່ານ ຫົງຄຳ ອິນສີຊຽງໃໝ່ ຮອງເຈົ້າເມືອງໄກສອນພົມວິຫານ ມີຫົວໜ້າຫ້ອງການສາທາລະນະສຸກເມືອງ ບັນດາຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງເຂົ້າຮ່ວມ.

ໂອກາດນີ້ ທ່ານ ຫົງຄຳ ອິນສີຊຽງໃໝ່ ຍົກໃຫ້ເຫັນວ່າ ກອງປະຊຸມຄັ້ງນີ້ ຈັດຂຶ້ນກໍເພື່ອໃຫ້ຄະນະກຳມາທິການ ສົ່ງເສີມສຸຂະພາບຂັ້ນເມືອງ ພວກເຮົາຮັບຮູ້ ແລະ ເຂົ້າໃຈກ່ຽວກັບຈຸດປະສົງ ຂອງການສັກຢາປ້ອງກັນ ພະຍາດໂປລີໂອ ທີ່ຈະມີຂຶ້ນໃນວັນທີ 15 ທັນວາ 2015 ທີ່ຈະມາເຖິງນີ້ ເຊິ່ງທາງກະຊວງສາທາລະນະສຸກ ໄດ້ແຈ້ງການໃຫ້ແຂວງ ໄຂຂະບວນການສັກຢາ ແລະ ຢອດຢາກັນພະຍາດແຫ່ງຊາດ ເພື່ອຕອບໂຕ້ການລະບາດຂອງພະຍາດໂປລີໂອ ພ້ອມດຽວກັນນັ້ນ ອີງຕາມໜັງສືແຈ້ງການຂອງກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ໃນການຈັດຕັ້ງຂະບວນການຢອດຢາ ແລະ ສັກຢາກັນພະຍາດໂປລີໂອ ໃຫ້ເດັກນ້ອຍອາຍຸລຸ່ມ 15 ປີລົງມາ ສ່ວນເດັກອາຍຸລຸ່ມ 1 ປີ ແມ່ນໃຫ້ບໍລິການວັກແຊັງ ຮອບປົກກະຕິຕາມເກນອາຍຸສັກຢາຂອງແຕ່ລະຄົນ.

ຂ່າວແຈ້ງໃຫ້ຮູ້ຕື່ມອີກວ່າ ຢູ່ ສປປ.ລາວ ໄດ້ປະກາດລຶບລ້າງພະຍາດໂປລີໂອໄປແລ້ວແຕ່ປີ 2000 ແຕ່ວ່າຜ່ານມາ ໄດ້ມີສະພາບການ ເກີດລະບາດພະຍາດລ່ອຍແຫຼວ ຍ້ອນເຊື້ອພະຍາດໂປລີໂອທີ່ບ້ານຜາເມືອງ ເມືອງ ແລະ ແຂວງບໍລິຄໍາໄຊ ໃນເດືອນ ຕຸລາ 2015 ມາເຖິງປັດຈຸບັນ ຜູ້ຕິດເຊື້ອໃນຈຳນວນດັ່ງກ່າວ ແມ່ນໄດ້ເສຍຊີວິດແລ້ວ 2 ຄົນ.

 

ແຫລ່ງຂ່າວ:

ວຈທດ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...