spot_img
Homeຂ່າວທ້ອງຖິ່ນສາທາລະນະສຸກນະຄອນຫລວງວຽງຈັນອອກແຈ້ງການໃຫ້ເພີ່ມທະວີຄວບ​ຄຸມ​ເຄື່ອງ​ດື່ມ​ທີ່​ມີ​ທາດ​​ເຫຼົ້າ

ສາທາລະນະສຸກນະຄອນຫລວງວຽງຈັນອອກແຈ້ງການໃຫ້ເພີ່ມທະວີຄວບ​ຄຸມ​ເຄື່ອງ​ດື່ມ​ທີ່​ມີ​ທາດ​​ເຫຼົ້າ

Published on

ຕາມສະຖິຕິອັດຕາ​ການ​ຕາຍ​ອັນ​ດັບ​ 1 ​ໃນ​ນະຄອນຫຼວງວຽງ​ຈັນ​ແມ່ນ​ມາ​ຈາກ​​ອຸປະຕິ​ເຫດ​ຕາມ​ທ້ອງ​ຖະໜົນ​ ​ແລະ ສາ​ເຫດ​ຫຼັກ​ແມ່ນມາ​ຈາກ​ການ​ດື່ມ​ເຄື່ອງ​ດື່ມ​ທີ່​ມີ​ທາດ​ເຫຼົ້າ​ກວມຫຼາຍກວ່າ 80 % ​ໂດຍ​ສະ​ເພາະ​ແມ່ນຊ່ວງ​ໄລຍະ​ທີ່​ມີ​ເທດສະການ​ຕ່າງໆ,ດັ່ງ​ນັ້ນ​​ເພື່ອ​ເປັນ​ການ​ຫຼຸດຜ່ອນ​ອຸປະ​ຕິ​ເຫດ​ດັ່ງກ່າວ,​ຫົວໜ້າ​ພະ​ແນກສາທາລະນະ​ສຸກ​ນະຄອນ​ລວງ​ວຽງ​ຈັນ​ຈຶ່ງ​ໄດ້​ອອກ​ແຈ້ງ​ການສະ​ບັບ​ ​ເລກທີ 0592/ສທ.ນວ ລົງ​ວັນ​ທີ 29 ມີນາ 2016 ​ເຖິງ​ຫົວໜ້າ​ຂະ​ແໜງ​ການ​ອອ້ມຂ້າງ​ພະ​ແນ​ກສາທາລະນະ​ສຸກ ​ແລະ ຫ້ອງ ການ​ສາທາລະນະ​ສຸກ 9 ຕົວ​ເມືອງ​ໃນ​ນະຄອນ​ຫຼວງ​ວຽງ​ຈັນ​,​ໃຫ້ເອົາ​ໃຈ​ໃສ່​ຈັດ​ຕັ້ງ​ປະຕິບັດ​ກົດໝາຍ​ວ່າ​ດ້ວຍ​ການ​ຄວບ​ຄຸມ​ເຄື່ອງ​ດື່ມ​ທີ່​ມີ​ທາດ​ເຫຼົ້າຢ່າງ​ເຂັ້ມ​ງວດ​ນັບ​ແຕ່​ໄລຍະ​ບຸນປີ​ໃໝ່​ລາວ 2016 ນີ້​ເປັນ​ຕົ້ນ​ໄປ​ຄື: ​ (1). ​ໃຫ້​ສະຖາ​ນບໍລິການ​ສຸຂະພາບ​ທີ່​ຂື້ນ​ກັບ​ພະ​ແນ​ກ ສາ ທານະຄອນຫຼວງວຽງ​ຈັນ​ຈົ່ງ​ເອົາ​ໃຈ​ໃສ່​
ໂຄສະນາ​ເຜີຍ​ແຜ່,ກົດໝາຍ​ວ່າ​ດ້ວຍ​ການ​ຄວບ​ຄຸມ​ທາດ​ເຫຼົ້າ​ໃຫ້​​ພະ​ນັກ​ງານ​ທຸກ​ຄົນ​ຮັບ​ຮູ້ , ​ເຂົ້າ​ໃຈ ​ແລະ ພ້ອມ​ກັນ​ຈັດ​ຕັ້ງ​ປະຕິບັດຢ່າງ​ເຂັ້ມງວດ, (2) ​ຫ້າມ​ບໍ່​ໃຫ້​ມີການ​ດື່ມ ​ແລະ ຊື້-ຂາຍ ​ເຄື່ອງ​ດື່ມ​ທີ່​ມີ​ທາດ​ເຫຼົ້າ​ໃນ​ຂອບ​ເຂດ​ຮົ້ວ​ຂອງ​ສະຖານ​ບໍລິການ​ສຸຂະພາບ​ທີ່​ຂື້ນ​ກັບ ​ພ​ະ​ແນ​ກສາ​ທາລະນະ​ສຸກ, (3) ການ​ໂຄສະ​ນາ​​

ແມ່ນ​ໃຫ້​ລິ​ເລີ່​ມ​ໃນ​ຊ່ວງ​ປີ​ໃໝ່​ລາວ 2016 ນີ້​ເປັນ​ຕົ້ນ​ໄປ,​ໂດຍ​ສະ​ເພາະ​ແມ່ນ​ການຈັດ​ງານ​ປີ​ໃໝ່​ລາວ​ຂອງສາທາລະ ນະ​ສຸກ​ແຕ່ລະ​ຂັ້ນ​ຕ້ອງ​ປາສະຈາກ​ເຄື່ອງ​ດື່ມ​ທີ່​ມີ​ທາດ​ເຫຼົ້າ,​(4) ​ໃຫ້ ການ​ນຳ​ສາທາລະນະ​ສຸກ​ນັບ​ແຕ່​ພະ​ແນ​ກຈົ່ງ​ຮອດ​ສຸກສາລາຈົ່ງ​ເອົາ​ໃຈ​ໃສ່​ນຳພາ​ການຈັດ​ຕັ້ງ​ປະຕິບັດ​ກົດໝາຍ​ວ່າ​ດ້ວຍ​ການ​ຄວບ​ຄຸ້ມ​​ເຄື່ອງ​ດື່ມ​ທີ່​ມີ​ທາດ​ເຫຼົ້າ​ຢ່າງເຂັ້ມ​ງວດ,​ໃຫ້​ສົມ​ກັບ​ເປັນ​ຂະ​ແໜງ​ການ​ເຈົ້າພາບ​ໃນ​ການ​ຄຸ້ມ​ຄອງ​ກົດໝາຍດັ່ງກ່າວ, (5) ​ໃຫ້​ພາກສ່ຽວ​ກ່ຽວຂ້ອງ​ຂອງ​ພະ​ແນ​ກ​ສາທາລະນະ​ສຸກນະຄອນຫຼວງ​ລົງຕິດ​ຕາມ​ກວດກາ ​ແລະ ຊຸກຍູ້ການຈັດ​ຕັ້ງ​ປະຕິ ບັດ​ກົດໝາຍ​ດັ່ງກ່າວຢ່າງ​ມີ​ປະສິດ​ທີ​ຜົນ, (6) ​ໃຫ້​ພາກ​ສ່ວນ​ກ່ຽວຂ້ອງ​ມີ​ມາດ​ຕະການ​ຍ້ອງ​ຍໍ​ຊົມ​ເຊີຍ​ຕໍ່​ສະຖານ​ທີ່​ບໍລິການ​ທີ່​ຈັດ​ຕັ້ງ​ປະຕິບັດ​ກົດໝາຍ​ດັ່ງກ່າວ​ໄດ້​ດີ, ພ້ອມ​ນັ້ນ​ກໍ​ຕ້ອງ​ມີ​ການ​ຕຳ​ນິກໍ່​ສ້າງ​ຕໍ່​ພາກ​ສ່ວນ​ທີ່​ບໍ່​ປະຕິບັດ ​ແລະ ຂາດ​ຄວາມ​ເອົາ​ໃຈ​ໃສ່ໃຫ້ເຂັ້ມງວດ.

 

ແຫລ່ງຂ່າວຈາກ: laophatthananewspaper

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...