spot_img
Homeສຸຂະພາບ ແລະ ສີ່ງແວດລ້ອມສະໝຸນໄພສຸດເດັດ ທີ່ເຮັດໃຫ້ເຈົ້າຜິວຂາວ!!

ສະໝຸນໄພສຸດເດັດ ທີ່ເຮັດໃຫ້ເຈົ້າຜິວຂາວ!!

Published on

  1. ຂີ້ມີ້ນ: ເປັນພືດລົ້ມລຸກທີ່ມີເຫງົ້າ ສີເຫຼືອງເຂັ້ມ ມີການໃຊ້ເປັນຢາທາແກ່ໂລກຜິວໜັງ ແລະຜົດຜື່ນຄັນ ເຫງົ້າສົດ ຂອງຂີ້ມິ້ນມີນໍ້າມັນຫອມລະເຫີຍ ມີລິດໃນການຂ້າເຊື້ອແບັກທີເລຍ, ຕ້ານການອັກເສບ ແລະເຮັດໃຫ້ຜິວຂາວຂຶ້ນ, ໃຊ້ບຳລຸງຜິວ ແລະຮັກສາຜິວໜ້າໃຫ້ຜຸດຜ່ອງ, ສວຍງາມ ແລະຫຼຸດຮອຍແຫ່ວ ເວົ້າໄດ້ວ່າເປັນສະໝຸນໄພທີ່ເຮັດໃຫ້ຜິວຂາວຈົນເປັນທີ່ຍອມຮັບໃນສັງຄົມ
  2. ແຕງກວາ: ເປັນໝາກໄມ້ທີ່ມະນຸດໃຊ້ເປັນອາຫານ, ນອກຈາກຈະກິນສົດໆ ທີ່ໃຫ້ຄຸນຄ່າທາງອາຫານສູງແລ້ວ ແຕງກວາຍັງມີເອນໄຊ ເຊິ່ງຊ່ວຍຍ່ອຍໂປຣຕີນໄດ້ ເຊິ່ງຈະໃຊ້ຍ່ອຍຜິິວໜັງ ທີ່ຫຍາບກ້ານ ທີ່ຫຼຸດອອກໄປ ແລະເຮັດໃຫ້ເຊວຜິວໃໝ່ທີ່ອ່ອນນຸ້ມ ແລະຂາວໃສກວ່າອອກມາແທນທີ່. ປັດຈຸບັນນີ້ ມີການເອົາແຕງກວາມາປະສົມໃນຄີມລ້າງໜ້າ, ຄີມທາຜິວ ແຕ່ການໃຊ້ແຕງກວາປາດເປັນປ່ຽງບາງໆ ພອກໜ້າບາງໆ ເພື່ອສະໝານຜິວ ແລະຊ່ວຍໃຫ້ຜິວຂາວໃສ ກໍໄດ້ຜົນເຊັ່ນກັນ ແລະທີ່ສຳຄັນລາຄາຖືກ
  3. ໝາກເລັ່ນ: ເປັນພືດລົ້ມລຸກ, ລຳຕົ້ນ ແລະໃບມີຂົນ ຂະໜາດຂອງໝາກແຕກຕ່າງກັນ, ໝາກດິບຈະຂຽວ, ເມື່ອສຸກຈະສີແດງ. ເນື່ອງຈາກມີສານ Carotenoids ໝາກເລັ່ນ ຍັງມີຄຸນຄ່າທາງອາຫານສູງ ປະກອບດ້ວຍວິຕາມິນເອ, ວິຕາມິນບີ1,​ ບີ2, ວິຕາມິນເຄ ແລະວິຕາມິນຊີ. ນໍ້າຈາກໝາກເລັ່ນມີສານ Lycopersicin ເຊິ່ງມີລິດຂ້າເຊື້ອລາ ແລະແບັກທີເລຍ ຫຼາຍຄົນຈຶ່ງໃຊ້ໝາກເລັ່ນປາດເປັນປ່ຽງບາງໆ ພອກໜ້າຊ່ວຍບຳລຸງຜິວໜ້າ ໃຫ້ອ່ອນນຸ້ມ, ສົດຊື່ນ, ຮັກສາສິວ, ສະມານຜິວໃຫ້ເຕັ່ງຕຶງ ມີນໍ້າມີນວນຫຼາຍຂຶ້ນ
  4. ໝາກນາວ: ໃນນໍ້າໝາກນາວມີກົດ AHA (Alpha Hydroxy Acids) ຢູ່ໃນປະລິມານທີ່ສູງຫຼາຍ ເຊິ່ງກົດສະນິດນີ້ ເປັນກົດຈາກໝາກໄມ້ ທີ່ຊ່ວຍໃນການຮັກສາເຊວຜິວ ການໃຊ້ນໍ້າໝາກນາວປະສົມນໍ້າ ຫຼືນໍ້າເຜິ້ງ ໜ້ອຍໜຶ່ງ ແລ້ວເອົາມາພອກໜ້າ ຈະຊ່ວຍຂະບວນການຜະລິດເຊວຜິວ ເຮັດໃຫ້ຜິວຊັ້ນນອກຫຼຸດອອກ ແລະເຜີຍຜິວໃໝ່ທີ່ໃສຂຶ້ນມາແທນ ນອກຈາກນັ້ນໃນໝາກນາວ ຍັງມີວິຕາມິນຊີ ຊ່ວຍຮັກສາຜິວ ແລະຊ່ວຍເຮັດໃຫ້ຈຸດດ່າງດຳຈາງລົງ, ໝາກນາວຍັງເອົາມາປະສົມເປັນເຄື່ອງດື່ມສະໝຸນໄພ ທີ່ເຮັດໃຫ້ຜິວຂາວອີກດ້ວຍ
  5. ຫວ້ານຫາງແຂ້: ວຸ້ນຈາກໃບຂອງຫວ້ານຫາງແຂ້ ໃຊ້ຮັກສາແຜທີ່ໄຟໄໝ້, ນໍ້າຮ້ອນລວກ, ໄໝ້ຈາກແດດເຜົາ ຫຼືໃຊ້ເປັນສ່ວນປະສົມໃນເຄື່ອງສຳອາງຫຼາຍຊະນິດ ທີ່ໃຊ້ເພື່ອການບຳລຸງຜິວ ແລະຜົມ. ໃນຫວ້ານຫາງແຂ້ມີສານ Aloin ແລະສານອື່ນໆທີ່ສະກັດໄດ້ຈາກເປືອກຂອງໃບຫາງແຂ້ ເຊິ່ງມີລິດຢັບຢັ້ງເອັນໄຊ ທີ່ຢູ່ໃຕ້ຜິວໜັງໄດ້, ຖ້າຫາກມີເອນໄຊນີ້ຫຼາຍເກີນໄປຈະເຮັດໃຫ້ເກີດຈຸດດ່າງດຳທີ່ຜິວໜັງໄດ້, ປັດຈຸບັນຈຶ່ງມີການນຳຫວ້ານຫາງແຂ້ມາປະສົມກັບຄີມບຳລຸງຜິວ, ຄີມກຳຈັດຜ້າ ແລະຮອຍດ່າງດຳເທິງຜິວໜັງ ການໃຊ້ເນື້ອຫວ້ານຫາງແຂ້ສົດມາພອກໜ້າຈະເຮັດໃຫ້ຜິວຂາວໃສໄດ້ເຊັ່ນດຽວກັນ

ທີ່ມາ: sukaphap

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ifram FB ວິທະຍາສຶກສາ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...