spot_img
Homeຂ່າວເຫດການສະເຫຼີມສະຫຼອງວັນກາແດງສາກົນ

ສະເຫຼີມສະຫຼອງວັນກາແດງສາກົນ

Published on

ສະເຫຼີມສະຫຼອງວັນກາແດງສາກົນ
ສະເຫຼີມສະຫຼອງວັນກາແດງສາກົນ

ເພື່ອ​ເປັນ​ການສະແດງ​ເຖິງ​ຜົນງານ​ການເຄື່ອນໄຫວ ຂອງ​ວຽກ​ງານ​ອົງການ​ກາແດງ​ສາກົນ ໃນ​ໄລຍະ​ຜ່ານ​ມາ ທັງ​ເປັນ​ການ​ລະນຶກ​ເຖິງ​ຄຸນງາມຄວາມດີ​ຂອງ​ທ່ານ ຮັງ​ຣີ ດຸຍ​ນັງ ຜູ້​ກໍ່​ຕັ້ງ​ກາແດງ​ຄົນ​ທຳ​ອິດ​ຂອງ​ໂລກ ເພິ່ນ​ໄດ້​ກຳນົດ​ເອົາ​ວັນ​ທີ 8 ພຶດສະພາ​ຂອງ​ທຸກໆ​ປີ ເປັນ​ການ​ສະເຫຼີມສະຫຼອງ​ວັນ​ກາແດງ​ສາກົນ ເຊິ່ງ​ມີ​ບັນດາ​ປະເທດ​ສະມາຊິກ 189 ປະເທດ​ໃນ​ທົ່ວ​ໂລກ ຮ່ວມ​ສະຫຼອງ​ພ້ອມ​ກັນ.

ສະເພາະ​ໃນ ​ສປປ ລາວ ໄດ້​ຈັດ​ພິທີ​ສະເຫຼີມສະຫຼອງ​ຂຶ້ນ​ເຊັ່ນ​ດຽວ​ກັນ ໃນ​ວັນ​ທີ 8 ພຶດສະພາ 2014 ນີ້ ທີ່​ສະໂມສອນ​ໂຮງຮຽນ​ມັດທະຍົມ​ສຶກ​ສາ​ຕອນ​ປາຍ ມິດຕະພາບ​ວຽງ​ຈັນ-ໂຮ່​ຈິ​ມິນ (ມັດທະຍົມ​ປາຍ​ສີ​ໂຄດ) ນະຄອນຫຼວງ​ວຽງ​ຈັນ ໂດຍ​ການ​ເປັນ​ປະທານ​ຂອງ​ທ່ານ ເລົາ​ລີ ໄຟ​ເພັງ​ຢົວ ປະທານ​ອົງການ​ກາແດງ​ລາວ ພ້ອມ​ນີ້​ກໍ່​ມີ​ບັນດາ​ທ່ານ​ຜູ້ຕາງໜ້າ​ຈາກ​ກະຊວງ ສຳນັກງານ ອົງການ ສະ​ຖາ​ບັນ​ການ​ສຶກ​ສາ ຫົວໜ່ວຍ​ທຸລະ​ກິດ ທັງ​ພາກ​ລັດ ແລະ ເອກະ​ຊົນ​ເຂົ້າ​ຮ່ວມ.

ກິດຈະກຳ​ດັ່ງກ່າວ ນອກຈາກ​ຈະ​ມີ​ການ​ປາຖະກະຖາ ປະຫວັດ​ຄວາມ​ເປັນ​ມາ​ຂອງ​ວັນ​ກາແດງ​ສາກົນ​ແລ້ວ ກໍ່​ມີ​ການວາງສະແດງ​ຮູບ​ພາບ​ການເຄື່ອນໄຫວ ວຽກ​ງານ​ຂອງ​ອົງການ​ກາແດງ​ສາກົນ-ລາວ ພ້ອມ​ທັງ​ສາທິດ ການ​ປະຖົມພະຍາບານ​ເບື້ອງ​ຕົ້ນ​ຂອງ​ໜ່ວຍ​ງານ​ກູ້​ໄພ ພິເສດ​ແມ່ນ​ກິດຈະກຳ​ຮັບ​ບໍລິຈາກ​ເລືອດ​ແບບ​ສະໝັກ​ໃຈ ໂດຍ​ບໍ່​ຮຽກ​ຄ່າ​ຕອບ​ແທນ ແລະ ການສະແດງ​ສິລະ​ປະ-ວັນນະຄະດີ ລະຄອນ​ເວທີ​ຈາກ​ບັນດາ​ນ້ອງ​ນັກຮຽນ ແລະ ຊາວ​ໜຸ່ມ​ອາສາ​ສະມັກ​ບໍລິຈາກ​ເລືອດ.

ທີ່ມາ http://www.vientianemai.net/teen/khao/1/11762

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...