ສະເທືອນຂວັນເອີຣົບອີກ! ຄົນຮ້າຍໃຊ້ມີດ-ຂວານ ໄລ່ແທງເທິງລົດໄຟຢູ່ເຢຍລະມັນ ບາດເຈັບຈຳນວນຫລາຍ!

0
299

ສຳນັກຂ່າວຕ່າງປະເທດ ລາຍງານໃນວັນທີ 19 ກໍລະກົດນີ້ວ່າ ເກີດເຫດຄົນຮ້າຍຊາຍຄົນໜຶ່ງ ອາຍຸ 17 ປີ ຊຶ່ງເປັນຜູ້ລີ້ໄພຊາວອັບການິສະຖານ ໃຊ້ອາວຸດມີດ ແລະ ຂວານ ໄລ່ແທງ ແລະ ຟັນຜູ້ໂດຍສານ ເທິງຂະບວນລົດໄຟ ເສັ້ນທາງ ເມືອງທຣູດລີ ນະເກນ-ເວີດບວກ ລັດບາວາເຣຍ ທາງພາກໃຕ້ຂອງປະເທດເຢຍລະມັນ ໃນເວລາ 23:15 ໂມງ ຂອງວັນທີ 18 ກໍລະກົດ 2016 ຕາມເວລາໃນທ້ອງຖິ່ນ ສົ່ງຜົນເຮັດໃຫ້ມີຜູ້ໄດ້ຮັບບາດເຈັບ ຢ່າງໜ້ອຍ 4 ຄົນ ຊຶ່ງໃນນັ້ນອາການສາຫັດ 3 ຄົນ ແລະ ອີກ 14 ຄົນ ເກີດອາການຊ໊ອກ ຈົນຕ້ອງໄດ້ສົ່ງເຂົ້າປິ່ນປົວຢູ່ໂຮງໝໍ.

ທ່ານ ໂຢອາຄິມ ແຮມານ ລັດຖະມົນຕີກະຊວງພາຍໃນ ແຫ່ງ ລັດບາວາເຣຍ ປະເທດເຢຍລະມັນ ໄດ້ລະບຸວ່າ ເຈົ້າໜ້າທີ່ໜ່ວຍພິເສດ ໄດ້ນຳກຳລັງເຂົ້າປິດລ້ອມ ແລະ ວິສາມັນຊາຍຄົນດັ່ງກ່າວ ໃນຂະນະທີ່ກຳລັງຈະເອົາຕົວຫລົບໜີ ຊຶ່ງສາເຫດຂອງການກໍ່ເຫດຄັ້ງນີ້ ແມ່ນຍັງຢູ່ໃນລະຫວ່າງການສືບສວນ.

 

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.