spot_img
Homeຂ່າວພາຍ​ໃນສະຫຼຸບຜົນການແຂ່ງຂັນຮາຟມາຣາທອນ ຄັ້ງທີ 3 ປະເພດຍິງ-ຊາຍ ທົ່ວໄປ ໄລຍະທາງ 21.1 ກິໂລແມັດ

ສະຫຼຸບຜົນການແຂ່ງຂັນຮາຟມາຣາທອນ ຄັ້ງທີ 3 ປະເພດຍິງ-ຊາຍ ທົ່ວໄປ ໄລຍະທາງ 21.1 ກິໂລແມັດ

Published on

ການແຂ່ງຂັນແລ່ນຮາຟມາຣາທອນ ສາມຫລ່ຽມຄຳ ຄັ້ງທີ 3 ປີ 2023 ທີ່ເຂດເສດຖະກິດພິເສດ ສາມຫລ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ໃນຕອນເຊົ້າວັນທີ 26 ມິຖຸນາຜ່ານມາ, ເພື່ອສະເຫລີມສະຫລອງວັນຕ້ານຢາເສບຕິດສາກົນ (26 ມິຖຸນາ) ຄົບຮອບ 36 ປີ ເຊິ່ງການແຂ່ງຂັນແບ່ງອອກເປັນ: 3 ປະເພດຄື: ຍິງ-ຊາຍ ທົ່ວໄປ ໄລຍະທາງ 21.1 ກິໂລແມັດ, ຍິງ-ຊາຍ ອາຍຸ 16 ປີຂຶ້ນໄປ ໄລຍະທາງ 10.5 ກິໂລແມັດ ແລະ ຍິງ-ຊາຍ ອາຍຸບໍ່ເກີນ 16 ປີ ນັກກິລາຈາກເຄນຢ້າ ແລະ ເອທິໂອເປຍ (ເອທິໂອປີ) ຍຶດອັນດັບ 1 ໃນ 3 ປະເພດຍິງ-ຊາຍທົ່ວໄປ ໄລຍະທາງ 21.1 ກິໂລແມັດ

ປະເພດຍິງທົ່ວໄປ ໄລຍະທາງ 21.1 ກິໂລແມັດ ອັນດັບ 1-3 ແມ່ນນັກກິລາຈາກ ເອທິໂອເປຍ (ເອທິໂອປີ).
-ອັນດັບທີ 1 ນີກູເຊ້ ມາໂມ້ ເວລາ 1 ຊົ່ວໂມງ 18 ນາທີ 02.35 ວິນາທີ, ໄດ້ຮັບຂັນລາງວັນ, ຫລຽນຄຳ ແລະ ເງິນລາງວັນເຖິງ 200 ລ້ານກີບ.
-ອັນດັບທີ 2 ດີບາເບ້ ເບເຢເນ້ ເດເບລ້າ ເວລາ 1 ຊົ່ວໂມງ 18 ນາທີ 04.56 ວິນາທີ, ໄດ້ຮັບຂັນລາງວັນ, ຫລຽນເງິນ ພ້ອມກັບເງິນລາງວັນ 150 ລ້ານກີບ.
-ອັນດັບທີ 3 ຈີນັສເວີກ ເຢນິວ ອຳບີ້ ເວລາ 1 ຊົ່ວໂມງ 18 ນາທີ 07.85 ວິນາທີ, ໄດ້ຮັບຂັນລາງວັນ, ຫລຽນທອງ ແລະ ເງິນລາງວັນ 100 ລ້ານກີບ.
ສ່ວນ ລົດແກ້ວ ອິນທະກຸມມານ ແຊ້ມເກົ່າຈາກລາວ ຈົບອັນດັບທີ 15 ຕາມຫລັງ ອັນດັບໜຶ່ງ 4 ກວ່ານາທີ.

ປະເພດຊາຍທົ່ວໄປ ໄລຍະທາງ 21.1 ກິໂລແມັດ ອັນດັບ 1-3 ແມ່ນນັກກິລາຈາກ ເຄນຢ້າ ແລະ ເອທິໂອເປຍ
-ອັນດັບທີ 1 ແມັດທິວ ຊຳເປຣູ ຈາກເຄນຢ້າ ເວລາ 1 ຊົ່ວໂມງ 2 ນາທີ 59.30 ວິນາທີ, , ໄດ້ຮັບຂັນລາງວັນ, ຫລຽນຄຳ ແລະ ເງິນລາງວັນເຖິງ 200 ລ້ານກີບ.
-ອັນດັບທີ 2 ເບລີຮັນ ເຢີກ້າ ເຊເລຊີ້ ຈາກເອທິໂອເປຍ ເວລາ 1 ຊົ່ວໂມງ 4 ນາທີ 04.74 ວິນາທີ, ໄດ້ຮັບຂັນລາງວັນ, ຫລຽນເງິນ ແລະ ເງິນລາງວັນເຖິງ 150 ລ້ານກີບ.
-ອັນດັບທີ 3 ຈອນ ມຸຍຣູຣີ້ ຈາກເຄນຢ້າ ເວລາ 1 ຊົ່ວໂມງ 4 ນາທີ 30 ວິນາທີ, ໄດ້ຮັບຂັນລາງວັນ, ຫລຽນທອງແດງ ແລະ ເງິນລາງວັນເຖິງ 100 ລ້ານກີບ.
ສຳລັບນັກກິລາລາວທີ່ຜົນງານດີສຸດໃນປະເພດນີ້ແມ່ນ ລຳພອນ ໄຊຍະທິ ຈາກແຂວງຊຽງຂວາງ ຈົບອັນດັບທີ 20 ຕາມຫລັງແຊ້ມ ປະມານ 16 ນາທີ.

ບົດຄວາມຫຼ້າສຸດ

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...