spot_img
Homeຂ່າວຕ່າງປະເທດສະຫະລັດ "ປິ້ນຄວາມ" ກຽມກັບມາຂຶ້ນພາສີສິນຄ້າຈີນອີກຄັ້ງ

ສະຫະລັດ “ປິ້ນຄວາມ” ກຽມກັບມາຂຶ້ນພາສີສິນຄ້າຈີນອີກຄັ້ງ

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມື່ອວັນທີ 29 ພຶດສະພາ 2018ວ່າ ທຳນຽບຂາວເຜີຍແຜ່ຖະແຫຼງການຂອງປະທານາທິບໍດີ ໂດນັລ ທຣັມ ສະແດງຄວາມຫວັງວ່າ ຄວາມສຳພັນທາງການຄ້າລະຫວ່າງສະຫະລັດກັບຈີນນັບຈາກນີ້ ຈະມີຄວາມເປັນທຳຫຼາຍຂຶ້ນ ແລະ ເປັນໄປຢ່າງເອື້ອເຟື້ອ ເພື່ອຜົນປະໂຫຍດຂອງປະຊາຊົນທັງສອງປະເທດ

ຢ່າງໃດກໍ່ຕາມເນື້ອໃນຂອງຖະແຫຼງການກັບລະບຸວ່າ ມາຕະການກຳແພງພາສີຕໍ່ລັດຖະບານປັກກິ່ງກຳລັງຢູ່ໃນລະຫວ່າງການພິຈາ ລະນາ ໃນຂັ້ນຕອນສຸດທ້າຍ ທັງທີ່ເມື່ອອາທິດທີ່ຜ່ານມາທັງສອງປະເທດຫາກໍ່ອອກຖະແຫຼງການຮ່ວມກັນ “ສະຫງົບເສິກ” ຂໍ້ພິພາກທາງການຄ້າ ທີ່ຮ່ວມເຖິງການລະງັບຂຶ້ນພາສີເຊິ່ງກັນ ແລະ ກັນໄວ້ກ່ອນ ໂດຍສຳນັກງານຄະນະຜູ້ແທນເຈລະຈາການຄ້າຂອງວໍຊິງຕັນມີກຳນົດປະກາດລາຍຊື່ສຸດທ້າຍຂອງສິນຄ້າຈີນທີ່ຕ້ອງພົບກັບກຳແພງພາສີ ໃນເມື່ອວັນທີ 15 ມິຖຸນານີ້ ສ່ວນລາຍລະອຽດຂອງມາດຕະການຄວບຄຸມການລົງທຶນ ແລະ ການສົ່ງອອກຕໍ່ຈີນ ຈະມີການປະກາດໃນວັນທີ 30 ມິຖຸນາ ເພື່ອຫຼຸດຄ່າການຂາດດຸນການຄ້າຂອງສະຫະລັດຕໍ່ຈີນ ເຊິ່ງປັດຈຸບັນທີ່ປະມານ 375,000 ລ້ານໂດລາ

ຂະນະທີ່ທາງກະຊວງອຸດສາຫະກຳ ແລະ ການຄ້າຂອງຈີນອອກຖະແຫຼງການປະນາມທ່າທີດັ່ງກ່າວຂອງສະຫະລັດເປັນການຜິດຂໍ້ຕົກ ລົງປານີປານອມລະຫວ່າງກັນ ແລະ ຢືນຢັນວ່າບໍ່ວ່າລັດຖະບານວໍຊິງຕັນຈະໃຊ້ມາດຕະການໃດ ຈີນພ້ອມຈະຕອບໂຕ້ໃນລະດັບ “ສົມນ້ຳສົມຕ່ອນ” ເພື່ອປົກປ້ອງຜົນປະໂຫຍດຂອງປະເທດ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...