ສະຫະລັດອາເມຣິກາຈະຊື້ລະບົບປ້ອງກັນລູກສອນໄຟໃຫ້ຢູເຄຣນໃນອາທິດນີ້

0
273

ອ້າງອີງຈາກສຳນັກຂ່າວ ຣອຍເຕີ ໄດ້ລາຍງານວ່າ: ສະຫະລັດອາເມຣິກາ ມີທ່າອ່ຽງຈະຊື້ລະບົບປ້ອງກັນລູກສອນໄຟຈາກພື້ນສູ່ອາກາດໃຫ້ຢູເຄຣນໃນອາທິດນີ້.

ໃນວໍຊິງຕັນ ດີຊີ ຄາດວ່າຈະປະກາດຄວາມຊ່ວຍເຫຼືອທາງດ້ານຄວາມໝັ້ນຄົງອື່ນໆ ໃຫ້ກັບຢູເຄຣນ ລວມເຖິງລູກປືນໃຫຍ່ເພີ່ມ ແລະ ເລດາຕໍ່ຕ້ານກອງພັນ.

ອາວຸດດັ່ງກ່າວ ເປັນຄວາມຊ່ວຍເຫຼືອລ່າສຸດທີ່ສະຫະລັດອາເມຣິກາ ຈະໃຫ້ຢູເຄຣນ ນັບຕັ້ງແຕ່ມີຄວາມຂັດແຍ່ງກັນໃນຢູເຄຣນໃນເດືອນກຸມພາ.

ໃນເດືອນມິຖຸນານີ້ ປະທານາທິບໍດີ ໂຈ ໄບເດັນ ຕົກລົງທີ່ຈະໃຫ້ຄວາມຊ່ວຍເຫຼືອທາງດ້ານທະຫານແກ່ຢູເຄຣນ 700 ລ້ານໂດລາ ເຊິ່ງລວມເຖິງລະບົບຈະຫຼວດຂັ້ນສູງ ທີ່ສາມາດໂຈມຕີເປົ້າໝາຍໄລຍະໄກໄດ້ຢ່າງແໝ້ນຍຳ.

ຄວາມພະຍາຍາມອີກເທື່ອໜຶ່ງ ໃນການຂາຍໂດຣນຕິດອາວຸດຂະໜາດໃຫຍ່ 4 ລຳໃຫ້ກັບຢູເຄຣນ ຖືກລະງັບລົງໃນຕົ້ນເດືອນນີ້ ຂະນະທີ່ຄວາມກັງວົນເລື່ອງເລດາ ແລະ ອຸປະກອນເຝົ້າລະວັງຂອງພວກເຂົາອາດຈະສ້າງຄວາມເສຍຫາຍທາງດ້ານຄວາມໝັ້ນຄົງຕໍ່ອາເມຣິກາ ຖ້າວ່າຢູ່ໃນການຄວບຄຸມຂອງຣັດເຊຍ.