spot_img
Homeຂ່າວຕ່າງປະເທດສະມັດຊາໃຫຍ່ ອົງການ ສປຊ ໄດ້ພິຈາລະນາໃນຫົວຂໍ້ “ບັນຫາ ປາແລັສຕິນ”

ສະມັດຊາໃຫຍ່ ອົງການ ສປຊ ໄດ້ພິຈາລະນາໃນຫົວຂໍ້ “ບັນຫາ ປາແລັສຕິນ”

Published on

ໃນວັນທີ 30 ພະຈິກ 2022, ສະມັດຊາໃຫຍ່ ອົງການ ສປຊ ໄດ້ພິຈາລະນາໃນຫົວຂໍ້ “ບັນຫາ ປາແລັສຕິນ” ເຊິ່ງເປັນໜຶ່ງໃນຫນຶ່ງໃນບັນດາສິ່ງທ້າທາຍທີ່ຍັງບໍ່ທັນໄດ້ຮັບການແກ້ໄຂ ແລະ ຍັງຄົງຢູ່ໃນວາລະ ຂອງອົງການ ສປຊ ມາຍາວນານກວ່າ 7 ທົດສະວັດ. ໃນການພິຈາລະນາບັນຫາດັ່ງກ່າວໃນປີນີ້, ທ່ານ ເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈໍາອົງການ ສປຊ ໄດ້ຂຶ້ນກ່າວຄໍາເຫັນ ຕໍ່ສະມັດຊາໃຫຍ່ ໂດຍຢໍ້າຄືນ ທັດສະນະອັນສະເຫມີຕົ້ນສະເຫມີປາຍ ຂອງ ສປປ ລາວ ດັ່ງທີ່ລະບຸຢູ່ໃນສານອວຍພອນ ຂອງທ່ານ ປະທານປະເທດ ແຫ່ງ ສປປ ລາວ ເນື່ອງໃນວັນສາກົນເພື່ອຄວາມສາມັກຄີກັບປະຊາຊົນ ປາແລສຕິນ, ໃນວັນທີ 29 ພະຈິກ 2022 ຜ່ານມາ.

ເຊິ່ງໄດ້ຢືນຢັນຄືນການສະໜັບສະໜູນຄວາມເປັນເອກະລາດ ແລະ ອະທິປະໄຕຂອງ ລັດປາແລສຕິນ ແລະ ການແກ້ໄຂຂໍ້ຂັດແຍ່ງ ລະຫວ່າງ ອິດສະຣາແອນ ແລະ ປາແລສຕິນ ໂດຍສັນຕິວິທີ, ພ້ອມທັງ ເຄົາລົບສິດທິອັນຊອບທໍາຂອງປະຊາຊົນ ປາແລສຕິນ ລວມທັງສິດທິໃນການຕັດສິນໂຊກຊາຕາກໍາດ້ວຍຕົນເອງ, ການແກ້ໄຂບັນຫາດັ່ງກ່າວ ໃນຮູບແບບ ເປັນສອງລັດ ໂດຍສອດຄ່ອງກັບບັນດາຍັດຕິຂອງອົງການ ສປຊ ແລະ ກົດໝາຍສາກົນທີ່ກ່ຽວຂ້ອງ.

ສປປ ລາວ ຮ່ວມກັບວົງຄະນະຍາດສາກົນ ສືບຕໍ່ສະໜັບສະໜູນ ສັນຕິພາບທີ່ຍືນຍົງ ຢູ່ຕາເວັນອອກກາງ ຊຶ່ງມີຄວາມສຳຄັນທີ່ສຸດ ຕໍ່ກັບຄວາມໝັ້ນຄົງຂອງພາກພື້ນ ແລະ ສາກົນ, ຢໍ້າຄືນການສະໜັບສະໜູນຕໍ່ຄວາມພະຍາຍາມຮ່ວມກັນຂອງວົງຄະນາຍາດສາກົນ ໃນການແກ້ໄຂບັນຫາດັ່ງກ່າວ ໂດຍການຄົບລົບອະທິປະໄຕຂອງລັດ ແລະ ປະຊາຊົນ ປາແລສຕິນ ໃນການໄດ້ຮັບກຽດສັກສີ ແລະ ຄວາມຍຸດຕິທຳ ໂດຍມີ ເຢຣູຊາເລັມຕາເວັນອອກ ເປັນນະຄອນຫຼວງ, ຢູ່ຄຽງຄູ່ພາຍໃຕ້ ສັນຕິພາບ ແລະ ຄວາມໝັ້ນຄົງ ຮ່ວມກັບລັດອິດສະຣາແອນ ໃນເຂດແດນທີ່ສາກົນຮັບຮູ້.

ແຫຼ່ງຂ່າວ: Permanent Mission of the Lao PDR to the United Nations

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...