spot_img
Homeຂ່າວທ້ອງຖິ່ນສວນວັດທະນະທຳຊຽງຄວນຈັດກິດຈະກຳສະເຫຼີມສະຫຼອງວັນກຳມະກອນສາກົນ

ສວນວັດທະນະທຳຊຽງຄວນຈັດກິດຈະກຳສະເຫຼີມສະຫຼອງວັນກຳມະກອນສາກົນ

Published on

ເມື່ອວັນທີ 1 ພຶດສະພາ ຜ່ານມາ ທີ່ສວນວັດທະນະທຳຊຽງຄວນ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ຈັດກິດຈະກຳສະເຫຼີມສະຫຼອງວັນກຳມະກອນສາກົນ ຄົບຮອບ 133 ປີ ໂດຍການເປັນປະທານຂອງ ທ່ານ ແກ່ນ ວໍລະສານ ຮອງເຈົ້າເມືອງຫາດຊາຍຟອງ, ທ່ານ ບົວໃສ ລຸນວົງສາ ຫົວໜ້າຫ້ອງວ່າການເມືອງຫາດຊາຍຟອງ, ທ່ານ ນາງ ສ້ອຍສຸດາ ອິນເມືອງໄຊ ປະທານບໍລິຫານສວນວັດທະນະທຳຊຽງຄວນ ພ້ອມມີແຂກຖືກເຊີນ ພາກສ່ວນກ່ຽວຂ້ອງ ແລະ ມວນຊົນເຂົ້າຮ່ວມຢ່າງຫຼວງຫຼາຍ.

ໂອກາດດັ່ງກ່າວ ທ່ານ ນາງ ສ້ອຍສຸດາ ໄດ້ກ່າວວ່າ ຈຸດປະສົງຫຼັກຂອງການຈັດງານໃນຄັ້ງນີ້ກໍເພື່ອສົ່ງເສີມປີທ່ອງທ່ຽວລາວ-ຈີນ ທັງເປັນການສະເຫຼີມສະຫຼອງວັນກຳມະກອນສາກົນ ແລະ ຫາລາຍໄດ້ເພື່ອສົມທົບທຶນບູລະນະກຳແພງໂຮງຮຽນປະຖົມສົມບູນບ້ານຊຽງຄວນ ພ້ອມນີ້ ກໍເພື່ອເປັນການດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ເຂົ້າມາທ່ອງທ່ຽວ ແລະ ທ່ຽວຊົມສະຖານທີ່ຊຶ່ງຖືເປັນແຫຼ່ງວັດທະນະທຳອັນຊົງຄຸນຄ່າອີກແຫ່ງໜຶ່ງຂອງປະເທດ.

ສຳລັບກິດຈະກຳໃນຄັ້ງນີ້ປະກອບມີການສະແດງຄອນເສີດຈາກສິລະປິນຊື່ດັງ ຟ້ອນລຳວົງສາມັກຄີ, ຮັບປະທານອາຫານສາມັກຄີແລະ ກິດຈະກຳແຈກຂອງລາງວັນຢ່າງຫຼວງຫຼາຍ ໂດຍຄາດໝາຍທີ່ຕັ້ງເປົ້າໄວ້ແມ່ນຕ້ອງໃຫ້ໄດ້ກ້ອນທຶນປະມານ 2O ລ້ານກີບ ເພື່ອນຳໃຊ້ເຂົ້າໃນການບູລະນະສ້ອມແປງກຳແພງໃຫ້ກັບໂຮງຮຽນປະຖົມສົມບູນບ້ານຊຽງຄວນ.

 

 

 

 

 

ໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...