spot_img
Homeຂ່າວການພັດທະນາສປປ ລາວ ແລະ ສ.ຟີລິບປິນ ຈັດພິທີພົບປະຫາລືກ່ຽວກັບການພົວພັນ ແລະ ການຮ່ວມມືສອງຝ່າຍ

ສປປ ລາວ ແລະ ສ.ຟີລິບປິນ ຈັດພິທີພົບປະຫາລືກ່ຽວກັບການພົວພັນ ແລະ ການຮ່ວມມືສອງຝ່າຍ

Published on

ໃນຕອນເຊົ້າວັນວັນທີ 19 ເມສາ 2016 ທີ່ກະຊວງການຕ່າງປະເທດ ໄດ້ມີກອງປະຊຸມພົບປະຫາລືສອງຝ່າຍລະຫວ່າງ ລາວ-ຟິລິບປິນ ໂດຍການເຂົ້າຮ່ວມຂອງທ່ານ ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ.ລາວ ມີທ່ານ ໂຮເຊ ເຮັນເນ ອາລເມັນດຣາສ ລັດຖະມົນຕີກະຊວງການຕ່າງປະເທດ ແຫ່ງ ສ.ຟິລິບປິນ ມີບັນດາຄະນະຜູ້ແທນຂອງສອງປະເທດ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ໃນວາລະດໍາເນີນກອງປະຊຸມເທື່ອນີ້ ສອງຝ່າຍໄດ້ຕີລາຄາສູງຕໍ່ໝາກຜົນຂອງການພົວພັນ ແລະ ຮ່ວມມືອັນດີງາມ ລະຫວ່າງສອງປະເທດໃນໄລຍະຜ່ານມາ ໂດຍສະເພາະແມ່ນການແລກປ່ຽນການຢ້ຽມຢາມລະຫວ່າງ ການນໍາຂັ້ນສູງຂອງສອງປະເທດ ຮວມທັງບັນດາຂະແໜງການຕ່າງໆໃນທຸກລະດັບເປັນຕົ້ນ ການຊ່ອຍເຫຼືອເຊິ່ງກັນແລະກັນໃນເວທີພາກພື້ນ-ສາກົນ ນອກນີ້ ທັງສອງຝ່າຍຍັງໄດ້ແຈ້ງໃຫ້ກັນຊາບກ່ຽວກັບສະພາບພາຍໃນປະເທດຂອງຕົນທີ່ພົ້ນເດັ່ນເຊັ່ນ ດ້ານການເມືອງ ການພັດທະນາເສດຖະກິດ-ສັງຄົມ ການເຄື່ອນໄຫວໃນເວທີພາກພື້ນ ແລະ ສາກົນ ພ້ອມທັງຍັງໄດ້ປຶກສາຫາລືກ່ຽວກັບຜົນສໍາເລັດກອງປະຊຸມວົງແຄບລັດຖະມົນຕີຕ່າງປະເທດອາຊຽນ ທີ່ຈັດຂຶ້ນຢູ່ນະຄອນຫຼວງວຽງຈັນ ຂອງ ສປປ.ລາວ ແລະ ກອງປະຊຸມສຸດຍອດສະໄໝພິເສດອາຊຽນ-ອາເມຣິກາ ທີ່ຄາລິຟໍເນຍ ປະເທດສະຫະລັດອາເມຣິກາ ທີ່ຈັດຂຶ້ນໃນເດືອນກຸມພາ 2016 ຜ່ານມາ ເຊິ່ງໃນປີ 2016 ນີ້ ສປປ.ລາວ ໄດ້ຮັບກຽດເປັນປະທານອາຊຽນ ທັງສອງຝ່າຍເຫັນວ່າມີຄວາມຈໍາເປັນຢ່າງຍິ່ງທີ່ຈະປະສົມປະສານ ແລະ ຮ່ວມມືຊ່ອຍເຫຼືອເຊິ່ງກັນແລະກັນ ເພື່ອໃຫ້ບັນລຸຕາມເປົ້າໝາຍຂອງສາມເສົາຄໍ້າຂອງປະຊາຄົມອາຊຽນ ສິ່ງສໍາຄັນແມ່ນການຮ່ວມມືໃນການຈັດຕັ້ງປະຕິບັດປະຊາຄົມເສດຖະກິດອາຊຽນໃຫ້ເກີດຜົນເປັນຮູບປະທໍາເທື່ອລະກ້າວ ແລະ ຍັງໄດ້ແລກປ່ຽນຄວາມຄິດຄວາມເຫັນຮ່ວມກັນກ່ຽວກັບບັນຫາພາກພື້ນ-ສາກົນ ທີ່ມີຄວາມສົນໃຈ ແນໃສ່ຊອກຫາຊ່ອງທາງໃນການສົ່ງເສີມການຄ້າ ການລົງທຶນ ການສຶກສາ ກໍຄື ການພົວພັນຮ່ວມມືທາງດ້ານບໍລິການ-ການບິນ ການສົ່ງເສີມຊຸກຍູ້ການຮ່ວມມື ແລະ ການລົງທຶນໃນຂົງເຂດເສດຖະກິດຂະໜາດນ້ອຍ ແລະ ກາງ ການຍົກເວັ້ນພາສີຊໍ້າຊ້ອນ ແລະ ບັນຫາອື່ນໆອີກຈໍານວນນຶ່ງ.

 

ຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...