ສປປ ລາວ ມີຜູ້ເສຍຊີວິດຈາກລະເບີດບໍ່ທັນແຕກ 24 ລາຍ

0
222

ສປປ ລາວ ມີຈຳນວນຜູ້ເຄາະຮ້າຍທີ່ຖືກບາດເຈັບ ຫຼື ເສຍຊີວິດຈາກລະເບີດບໍ່ທັນແຕກ 24 ລາຍ ​ໃນ​ປີ 2018 ​ຫຼຸດຈາກ 300 ກວ່າຄົນໃນປີ 2008 ຂະນະທີ່ນັກວິຊາການຄາດຄະເນວ່າ 30% ຂອງລະເບີດລູກຫວ່ານທັງໝົດ 270 ລ້ານໜ່ວຍທີີ່ໄດ້ຖືກຖິ້ມລົງມາໃນໄລຍະສົງຄາມອິນດູຈີນແມ່ນຍັງບໍ່ທັນແຕກ ຫຼື ປະມານ 80 ລ້ານໜ່ວຍບໍ່ທັນແຕກ ແລະ ຍັງຢັ່ງຢາຍຢູ່ຕາມພື້ນທີີ່ຕ່າງໆຂອງ ສປປ ລາວ.

ທ້າຍ​ອາທິດ​ທີ່​ຜ່ານ​ມາທີ່ນະຄອນຫຼວງວຽງຈັນ ກະຊວງແຮງງານ ແລະ ສະຫວັດດີການສັງຄົມ ຮ່ວມ​ກັບຄູ່ຮ່ວມພັດທະນາ ແລະ ໜ່ວຍງານຕ່າງໆໃນຂະແໜງການລະເບີດບໍ່ທັນແຕກໄດ້ສະເຫຼີມສະຫຼອງວັນມີຜົນບັງຄັບໃຊ້ສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຄົບຮອບ 9 ປີ (ວັນທີ 1 ສິງຫາ) ເປັນວັນທີ່ມີຄວາມໝາຍສໍາຄັນສໍາລັບ ສປປ ລາວ ຊຶ່ງເປັນປະເທດທີ່ຖືກຖິ້ມລະເບີດໃສ່ຫລາຍທີີ່ສຸດໃນໂລກຕໍ່ຫົວຄົນ ວັນດັ່ງກ່າວເປັນວັນລະນຶກເຖິງການຄົບຮອບຂອງວັນມີຜົນບັງຄັບໃຊ້ສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ສົນທິສັນຍາດັ່ງກ່າວເປັນສົນທິສັນຍາສາກົນທີ່ຫ້າມການຜະລິດ ການນຳໃຊ້ ການຂົນສົ່ງ ແລະ ການສະສົມອາວຸດລະເບີດເຫຼົ່ານີ້.

ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມໄດ້ກ່າວວ່າ ສປປ ລາວ ເປັນປະເທດທີສອງ ທີີ່ໄດ້ລົງນາມໃນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານຕໍ່ຈາກປະເທດນ໋ອກແວ ສົນທິສັນຍາດັ່ງກ່າວໄດ້ປະກອບສ່ວນຢ່າງໃຫຍ່ຫຼວງຕໍ່ ສປປ ລາວ ໂດຍສະເພາະແມ່ນໂຄງການເກັບກູ້ລະເບີດແຫ່ງຊາດທີີ່ໄດ້ເອົາໃຈໃສ່ປະຕິບັດໜ້າທີ່ໃນແກ້ໄຂບັນ ຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ຕະຫຼອດໄລຍະ 20 ປີທີ່ຜ່ານມາ ໂຄງການເກັບກູ້ລະເບີດແຫ່ງຊາດໄດ້ເກັບກູ້ລະ  ເບີດບໍ່ທັນແຕກອອກຈາກເນື້ອທີີ່ໄດ້ຫຼາຍກວ່າ 375 ກີໂລຕາແມັດ ທຳລາຍລະເບີດບໍ່ທັນແຕກຊະນິດຕ່າງໆໄດ້ຫຼາຍກວ່າ 1,6 ລ້ານໜ່ວຍ ນອກຈາກນີ້ ໂຄງການເກັບກູ້ລະເບີດແຫ່ງຊາດຍັງໄດ້ດຳເນີນການໂຄສະນາສຶກສາຄວາມສ່ຽງກ່ຽວກັບລະເບີດບໍ່ທັນແຕກໃນບ້ານຕ່າງໆ 12.000 ຄັ້ງຢູ່ໃນ 9 ແຂວງທີ່ມີລະເບີດຕົກຄ້າງ ເຮັດໃຫ້ປະຊາຊົນໃນແຂວງເຫຼົ່ານັ້ນໄດ້ຮູ້ກ່ຽວກັບອັນຕະລາຍຈາກລະເບີດບໍ່ທັນແຕກຕົກຄ້າງ.

ທ່ານ ຄຳແພງ ກ່າວ​ຕື່ມ​ວ່າ ໃນປີ 2020 ຈະ​ມາ​ເຖິງນີ້  ລັດຖະບານ ສປປ ລາວ ຈະສຸມໃສ່ຄົົ້ນຄວ້າສ້າງນິຕິກໍາ ວ່າດ້ວຍການຈັດ ຕັ້ງລະເບີດລູກຫວ່ານໃຫ້ສໍາເລັດໂດຍພື້ນຖານ ເພື່ອຈະເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານກວດກູ້ລະເບີດບໍໍ່ທັນແຕກໃຫ້ມີປະສິດທິຜົນ ຈະທົບທວນແຜນຍຸດທະສາດແຫ່ງຊາດ ເສັ້ນທາງກ້າວສູ່ຄວາມປອດໄພ II (2011-2020) ທົບທວນແຜນການ 5 ປີ (2016-2020) ແລະ ສ້າງແຜນການ 5 ປີ (2021-2025).

 

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.