spot_img
Homeຂ່າວພາຍ​ໃນສປປ ລາວ ມີຜູ້ເສຍຊີວິດຈາກຕິດໂຄວິດ-19 ເພີ່ມ 1 ກໍລະນີ

ສປປ ລາວ ມີຜູ້ເສຍຊີວິດຈາກຕິດໂຄວິດ-19 ເພີ່ມ 1 ກໍລະນີ

Published on

ອີງຕາມການລາຍງານຂອງ ທ່ານ ດ.ຣ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່,  ກະຊວງສາທາລະນະສຸກ ຕາງໜ້າກອງເລຂາ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໃຫ້ຮູ້ວ່າ: ໃນວັນທີ 28 ເມສາ ສປປ ລາວ ມີຜູ້ເສຍຊີວິດໃໝ່ຈາກ ພະຍາດໂຄວິດ-19 ຈຳນວນ 1 ກໍລະນີ, ເຮັດໃຫ້ຈຳນວນຜູ້ເສຍຊີວິດສະສົມ ຢູ່ ສປປ ລາວ ລວມມີ 3 ກໍລະນີ.

ຜູ້ເສຍຊີວິດ ກໍລະນີທີ 3 ແມ່ນ ເພດ ຊາຍ ສັນຊາດ ລາວ, ອາຍຸ 74 ປີ, ປະຈຸບັນອາໃສຢູ່ ບ້ານ ຝາຍ, ເມືອງ ໄຊເສດຖາ, ນະຄອນຫຼວງວຽງຈັນ. ຜູ້ກ່ຽວເຂົ້າໂຮງໝໍ ເມື່ອວັນທີ 11 ພຶດສະພາ 2021 ເຂົ້າມາເຂດສຸກເສີນ ຂອງໂຮງໝໍມະໂຫສົດ ດ້ວຍອາການອັບເສບລະບົບຫາຍໃຈຮຸນແຮງ ຕໍ່ກັບກໍລະນີດັ່ງກ່າວ, ແພດໝໍຈຶ່ງໄດ້ມີການເກັບຕົວຢ່າງ ເນື່ອງຈາກແມ່ນກໍລະນີສົງໃສ ຈຶ່ງໄດ້ກວດວິເຄາະຫາເຊື້ອພະຍາດໂຄວິດ-19 ເຊິ່ງຜົນອອກມາເປັນບວກ, ສະນັ້ນ ຈຶ່ງໄດ້ນຳສົ່ງຜູ້ກ່ຽວໄປປິ່ນປົວ ທີ່ ໂຮງໝໍ ມິດຕະພາບ ເຊິ່ງໃນນັ້ນ ຜູ້ກ່ຽວໄດ້ຮັບການປິ່ນປົວຢ່າງດີ ແຕ່ເນື່ອງຈາກວ່າ ຜູ້ກ່ຽວມີປະຫວັດ ເປັນຄວາມດັນເລືອດສູງ ແລະ ພະຍາດເບົາຫວານ, ເມື່ອມາຮອດມື້ນີ້ ວັນທີ 28 ພຶດສາພາ 2021 ເວລາ 6 ໂມງ ເຊົ້າ ຜູ້ກ່ຽວກໍໄດ້ເສຍຊີວິດ ຍ້ອນອາການເຈັບປ່ວຍລະບົບຫາຍໃຈຮຸນແຮງ ບວກກັບພະຍາດຊໍ້າເຮື້ອ ເບົາຫວານ ແລະ ຄວາມດັນ ດັ່ງນັ້ນ, ຈຶ່ງເຮັດໃຫ້ຜູ້ກ່ຽວເສຍຊີວິດໃນທີ່ສຸດ. ໄລຍະຜ່ານມາແພດໝໍກໍ່ເອົາໃສ່ໃຈ ແລະ ປິ່ນປົວສຸດຄວາມສາມາດ.

ມາຮອດປະຈຸບັນ, ສປປ ລາວ ມີຜູ້ຕິດເຊື້ອພະຍາດໂຄວິດ-19 ສະສົມ 1905 ຄົນ (ໃໝ່ 10 ຄົນ), ປິ່ນປົວຫາຍດີ 1335 ຄົນ (ໃໝ່ 74 ຄົນ), ກຳລັງປິ່ນປົວທັງໝົດ 547 ຄົນ ແລະ ມີຜູ້ເສຍຊີວິດສະສົມ 3 ຄົນ (ໃໝ່ 1 ຄົນ)

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...