ສປປ ລາວ ຖະແຫລງຮຽກຮ້ອງ ບັນດາຝ່າຍກ່ຽວຂ້ອງ ແກ້ໄຂຂໍ້ຂັດແຍ່ງ ດ້ວຍສັນຕິວິທີ ຢູ່ທະເລຈີນໃຕ້!

ໃນວັນທີ 16 ກໍລະກົດນີ້, ທີ່ນະຄອນຫລວງວຽງຈັນ ທ່ານ ບຸນແນມ ຈວງຫອມ ຮັກສາການໂຄສົກ ກະຊວງການຕ່າງປະເທດແຫ່ງ ສປປ ລາວ ໄດ້ອອກມາຖະແຫລງຂ່າວ ຕໍ່ສື່ມວນຊົນວ່າ: ສປປ ລາວ ໄດ້ຕິດຕາມສະພາບການ ຢູ່ທະເລຈີນໃຕ້ຢ່າງໃກ້ຊິດ ເພາະເປັນຂົງເຂດທີ່ມີຄວາມສຳຄັນ ແລະ ລະອຽດອ່ອນ, ດ້ວຍເຫດດັ່ງກ່າວນັ້ນ ສປປ ລາວ ມີຄວາມຍິນດີທີ່ເຫັນວ່າ ການຈັດຕັ້ງປະຕິບັດຖະແຫລງການ ວ່າດ້ວຍການປະພຶດຂອງ ບັນດາຝ່າຍໃນທະເລຈີນໃຕ້ (ດີໂອຊີ), ລວມທັງການປຶກສາຫາລື ກ່ຽວກັບກົດແຫ່ງການປະພຶດ (ຊີໂອຊີ) ມີທ່ວງທ່າທີ່ດີ ແລະ ໄດ້ເນັ້ນເຖິງຄວາມສຳຄັນ ໃນການເສີມຂະຫຍາຍທ່ວງທ່າທີ່ດີນີ້, ເຊິ່ງ ສປປ ລາວ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງ ສືບຕໍ່ມີຄວາມອົດກັ້ນ ແລະ ປຶກສາຫາລືກັນ ແນໃສ່ແກ້ໄຂຂໍ້ຂັດແຍ່ງດ້ວຍສັນຕິວິທີ.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.