spot_img
Home​ຂ່າວທ່ອງທ່ຽວສປປ ລາວ ກຽມສະຫລອງເມືອງມໍລະດົກໂລກ ຫລວງພະບາງ ຄົບຮອບ 20 ປີ 5 - 9 ທັນວານີ້!

ສປປ ລາວ ກຽມສະຫລອງເມືອງມໍລະດົກໂລກ ຫລວງພະບາງ ຄົບຮອບ 20 ປີ 5 – 9 ທັນວານີ້!

Published on

LAOS-Luang-Prabang-Bridseye-View

ຂປລ. ວັນທີ 3 ກໍລະກົດ 2015ນີ້ ທີ່​​ແຂວງ​ຫລວງ​ພະ​ບາງ ກອງປະຊຸມກຽມສະເຫລີມສະຫລອງ ວັນຫລວງພະບາງ ເຂົ້າເປັນມໍລະດົກໂລກ ຄົບຮອບ 20 ປີ ໄຂ​ຂຶ້ນ​ຢ່າງ​ເປັນ​ທາງ​ການ ​​ໂດຍ​ມີ​ຈຸດປະສົງ​ປຶກສາ​ຫາລື ແລກປ່ຽນ ຄຳຄິດຄຳເຫັນຕໍ່ຮູບແບບ ການຈັດຕັ້ງປະຕິບັດ ວຽກງານແຕ່ລະດ້ານ ເພື່ອເຮັດໃຫ້ການສະເຫລີມສະຫລອງ ມີຄວາມໝາຍ ແລະ ເນື້ອໃນຄົບ​ຖ້ວນ, ​ໂດຍ​ເປັນ​ກຽດ​ເຂົ້າ​ຮ່ວມຂອງ ທ່ານ ດຣ.ພັນຄຳ ວິພາວັນ ຮອງນາຍົກລັດຖະມົນ ​ແລະ ລັດຖະມົນຕີວ່າການ ກະຊວງສຶກສາທິການ ແລະ ກິລາ, ປະທານລະດັບຊາດ ເພື່ອມໍລະດົກໂລກ, ມີລັດຖະມົນຕີວ່າ ການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ເຈົ້າແຂວງໆຫລວງພະບາງ ພ້ອມດ້ວຍຄະນະກຳມະ ການລະດັບຊາດ ແລະ ລະດັບທ້ອງຖິ່ນເມື​ອງມໍລະດົກໂລກ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ສາຍສະໝອນ ຄົມທະວົງ ຮອງເຈົ້າແຂວງໆຫລວງພະບາງ ກ່າວ​ວ່າ: ການກະກຽມໃນໄລຍະຜ່ານມາ​ ເຫັນ​ວ່າສຳເລັດຂັ້ນພື້ນຖານເປັນຕົ້ນ ການແຕ່ງຕັ້ງຄະນະຮັບຜິດຊອບ ຕະຫລອດຮອດ ການແບ່ງແຕ່ລະໜ້າວຽກໃຫ້ ທຸກພາກສ່ວນມີສ່ວນຮ່ວມຢ່າງລະອຽດ ແລະ ປຸກລະດົມປະຊາຊົນ ໃນເທສະບານເມືອງຫລວງພະບາງ ເປັນເຈົ້າການ ທັງມີສ່ວນຮ່ວມທຸກດ້ານ. ສຳລັບການຈັດພິທີສະເຫລີມສະຫລອງນີ້ ຈະໄດ້ວາງສະແດງຮູບພາບຕິດພັນກັບ ການສະແດງສິລະປະ ແລະ ຕະຫລາດນັດຫັດຖະກຳປຸງແຕ່ງ ຢູ່ຕະຫລາດຊົນເຜົ່າບ້ານປ່າຂາມ ພ້ອມນັ້ນຈະຈັດສຳມະນາ ລະດັບສາກົນ ການປົກປັກຮັກສາມໍລະດົກຂອງລາວ ໂດຍສະເພາະຢູ່ຫລວງພະບາງ. ສ່ວນການສະເຫລີມ ສະຫລອງ ຈະຈັດຂຶ້ນຢ່າງຍິ່ງໃຫຍ່ ໂດຍຈະມີຂະບວນແຫ່ກວ່າ 30 ຂະບວນ ຈາກໜ້າຫໍພິພິທະພັນແຫ່ງຊາດ ຫາວັດຊຽງທອງ ແຕ່ ວັນທີ 5-9 ເດືອນທັນວາທີ່ຈະເຖິງນີ້.
ຢ່າງໃດກໍດີ ທ່ານ. ດຣ ພັນຄຳ ວິພາວັນ ໄດ້ເນັ້ນໃຫ້ທຸກພາກສ່ວນ ພ້ອມກັນສືບຕໍ່ປຶກສາຫາລືວຽກງານທີ່ຕົນ ຮັບຜິດຊອບໃຫ້ລະອຽດຕື່ມ ທັງຕ້ອງໂຄສະນາ ໃຫ້ກວ້າງຂວາງ ເພື່ອໃຫ້ຊື່ສຽງຂອງຫລວງພະບາງ ພົ້ນເດັ່ນຂຶ້ນໃນເວທີພາກພື້ນ ແລະ ສາກົນ. ຂະນະທີ່ການສະເຫລີມສະຫລອງ ຕ້ອງສະແດງໃຫ້ເຫັນແຈ້ງ ການຊີ້ນຳໆພາ ຂອງອົງຄະນະພັກທຸກຂັ້ນ ຕໍ່ການອະນຸລັກຮັກສາວັດທະນະທຳ ອັນດີງາມຂອງຊາດ ຂອງຊາວຫລວງພະບາງ ແລະ ການຮັກສາຄຸນຄ່າມໍລະດົກ ໃຫ້ຜູ້ເຂົ້າຮ່ວມເຂົ້າໃຈ ທັງນຳເອົາໄປເປັນບົດຮຽນໄດ້.
ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...