spot_img
Homeຂ່າວພາຍ​ໃນວິທີກຽມພ້ອມຮັບມືກັບໄພນ້ຳຖ້ວມ ເມື່ອມີການແຈ້ງເຕືອນ

ວິທີກຽມພ້ອມຮັບມືກັບໄພນ້ຳຖ້ວມ ເມື່ອມີການແຈ້ງເຕືອນ

Published on

ໄພທຳມະຊາດເປັນສິ່ງທີ່ເຮົາບໍ່ຄາດຄິດ ບໍ່ສາມາດຄວບຄຸມໄດ້ ແລະ ສາມາດເກີດຂຶ້ນໄດ້ທຸກບ່ອນ ສະນັ້ນ ເຮົາທຸກຄົນຄວນກຽມພ້ອມຮັບມືກັບສະຖານະການດັ່ງກ່າວ ໂດຍສະເພາະເຂດທີ່ມີນ້ຳຖ້ວມເປັນປະຈຳ ແລະ ຜູ້ທີ່ອາໄສຢູ່ໃກ້ແຄມນ້ຳຍິ່ງຕ້ອງລະວັງ.

ການວາງແຜນກຽມພ້ອມຮັບມືກັບນ້ຳຖ້ວມ ພາຍຫຼັງມີແຈ້ງເຕືອນ ມີຄືດັ່ງນີ້:

  1. ກຽມແຜນທີ່ຕ້ອງປະເຊີນກັບນ້ຳຖ້ວມ ເພື່ອຫາວິທີໜີໄດ້ທັນ ໂດຍຕ້ອງເນັ້ນຄວາມປອດໄພຂອງຊີວິດຄົນໃນຄອບຄົວເປັນຫຼັກ ໂດຍສະເພາະແມ່ນເຮືອນທີ່ມີຜູ້ອາຍຸສູງ, ເດັກນ້ອຍ, ຜູ້ຍິງຖືພາ, ຜູ້ປ່ວຍຕິດຕຽງ ແລະ ຄົນພິການ ຕ້ອງໃຫ້ພວກເຂົາຢູ່ບ່ອນສູງ ເພື່ອຄວາມປອດໄພ.
  2. ຂົນຍ້າຍເຄື່ອງຂຶ້ນບ່ອນສູງ ຖ້າເຮືອນມີ 2 ຊັ້ນ ແມ່ນໃຫ້ກຽມໄວ້ຊັ້ນທີ 2 ເລີຍ ເມື່ອເວລາທີ່ເຮົາພົບກັບນ້ຳຖ້ວມຈຶ່ງບໍ່ໃຫ້ເກີດຄວາມເສຍຫາຍຕໍ່ຊັບສິນຫຼາຍ.
  3. ຕັດກະແສໄຟຟ້າ ປິດສະວິດໄຟ ເພື່ອປ້ອງກັນກະແສໄຟຟ້າຮົ່ວ.
  4. ປິດອຸປະກອນເຄື່ອງໃຊ້ໄຟຟ້າ ແລະ ແກ໊ສ.
  5. ກຽມອຸປະກອນທີ່ຈຳເປັນເຊັ່ນ ເຊືອກ, ຖົງຢາງດຳ, ເຈ້ຍອະນາໄມ, ມີດ ແລະ ອຸປະກອນຕ່າງໆທີ່ຄາດວ່າຈຳເປັນ ໃຫ້ກຽມພ້ອມໃນເວລາປະສົບໄພ.
  6. ກຽມເອກະສານສຳຄັນຕ່າງໆເຊັ່ນ ບັດປະຊາຊົນ, ໜັງສືຜ່ານແດນ, ໃບຕາດິນ, ສຳມະໂນຄົວ, ປຶ້ມບັນຊີທະນາຄານ ສິ່ງເຫຼົ່ານີ້ຄວນເກັບໄວ້ໃນຊອງທີ່ເປັນຊິບລັອກກັນນ້ຳເຂົ້າ ແລະ ຄວນເອົາໄວ້ບ່ອນທີ່ຄາດວ່າຈະບໍ່ຖືກນ້ຳຖ້ວມ.
  7. ສຳຮອງອາຫານແຫ້ງ ນ້ຳດື່ມ ກຽມໄວ້ໃຫ້ພໍກັບຄອບຄົວທີ່ຕ້ອງກິນ ແລະ ສາມາດກິນໄດ້ຢ່າງໜ້ອຍ 3 ມື້.
  8. ກຽມຢາສາມັນປະຈຳບ້ານເຊັ່ນ: ຢາແກ້ປວດ, ຢາແກ້ໄຂ້, ຢາດີໄອ, ຢາໃສ່ບາດ ແລະ ຢາທີ່ກິນປະຈຳ ສຳລັບຜູ້ທີ່ມີພະຍາດປະຈຳຕົວ ຕ້ອງເກັບໄວ້ໃນທີ່ປອດໄພ ກັນນ້ຳເຂົ້າ.
  9. ຈັດກຽມລະບົບໄຟສຳຮອງເຊັ່ນ ໄຟສາຍ, ທຽນ, ກັບໄຟ ເປັນຕົ້ນ.
  10. ຈົດເບີສຸກເສີນ ເພື່ອຂໍຄວາມຊ່ວຍເຫຼືອໃນພາວະສຸກເສີນເຊັ່ນ ອົງການກາແດງປະຈຳແຂວງ ຫຼື ໜ່ວຍກູ້ໄພປະຈຳແຂວງ ເປັນຕົ້ນ.
  11. ຖ້ານ້ຳຖ້ວມສູງບໍ່ສາມາດອາໄສພາຍໃນບ້ານໄດ້ ໃຫ້ລັອກປະຕູບ້ານ ແລະ ອົບພະຍົບຂຶ້ນບ່ອນສູງ ຖ້າບໍ່ມີບ່ອນສູງ ໃຫ້ຟັງວິທະຍຸ ຫຼື ເພຈຂ່າວປະຈຳແຂວງ ກ່ຽວກັບສະຖານທີ່ພັກ ໃນເວລາປະສົບໄພ.

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...