spot_img
Homeຂ່າວທ້ອງຖິ່ນວິກິດໂຄວິດ-19 ໜັກພໍແລ້ວ! ວອນສັງຄົມຢຸດເຊື່ອ! ຢຸດແຊຣ໌ຂໍ້ຄວາມງົມງວາຍສ້າງຄວາມປັ່ນປ່ວນ

ວິກິດໂຄວິດ-19 ໜັກພໍແລ້ວ! ວອນສັງຄົມຢຸດເຊື່ອ! ຢຸດແຊຣ໌ຂໍ້ຄວາມງົມງວາຍສ້າງຄວາມປັ່ນປ່ວນ

Published on

ວິກິດໂຄວິດ-19 ທົ່ວໂລກໄດ້ສ້າງຜົນກະທົບຕໍ່ຫຼາຍໆດ້ານລວມເຖິງສະພາບຈິດໃຈຂອງມວນມະນຸດ. ສະຖານະການການແຜ່ລະບາດຂອງພະຍາດໂຄວິດ-19 ໃນລາວ ກໍ່ໄດ້ສົ່ງຜົນກະທົບກັບປະຊາຊົນລາວໜັກພໍສົມຄວນ, ການລະບາດຂອງໄວຣັດ, ຂ່າວປອມ, ຂໍ້ຄວາມລູກໂສ້, ຄວາມເຊື່ອ-ຄວາມງົມງວາຍຕ່າງໆ ລ້ວນສົ່ງຜົນຕໍ່ຊີວິດການເປັນຢູ່. ເມື່ອ 2-3 ວັນ ທີ່ຜ່ານມາ ເກີດປະກົດການຂໍ້ຄວາມປິດສະໜາທີ່ຖືກສົ່ງຕໍ່ກັນຢ່າງແຜ່ຫຼາຍ ກ່ຽວກັບຄຳເຕືອນຫ້າມຜູ້ຄົນອອກຈາກເຮືອນ ເນື່ອງຈາກຢູ່ນະຄອນຫຼວງພະບາງ ໃນວັນທີ 30 ມີນາ 2020 ຈະມີການປ່ອຍຜີຟ້າໃຫ້ມາປາບຫ່າກິນຄົນ ແລະ ໃຫ້ອາບນໍ້າກ່ອນເວລາ 17:00. ເຊິ່ງຂໍຄວາມນີ້ມັນໄດ້ສ້າງຄວາມແຕກຕື່ນໃຫ້ກັບສັງຄົມບໍ່ໜ້ອຍ.

ຂໍ້ຄວາມປິດສະໜາດັ່ງກ່າວໄດ້ສ້າງຄວາມສົງໃສເຖິງຂໍ້ເທັດຈິງຂອງເລື່ອງນີ້ ເຊິ່ງຈາກຂໍ້ມູນທີ່ໄດ້ມານັ້ນ ຄວາມຈິງແລ້ວໃນວັນທີ 30 ມີນາ 2020 ຢູ່ນະຄອນຫຼວງພະບາງ ຈະມີພິທີ ບະຄອບ ປູ່ເຍີຍ່າເຍີ ເພື່ອໂຈະບຸນປີໃໝ່ລາວ ເນື່ອງຈາກສະພາບການແຜ່ລະບາດຂອງ ໂຄວິດ-19 ແລະ ເພື່ອບໍ່ໃຫ້ມີການທັກທ້ວງ ຕາມຄວາມເຊື່ອບູຮານຂອງຊາວເມືອງຫຼວງພະບາງ ບໍ່ແມ່ນການປ່ອຍຜີຟ້າໃຫ້ມາປາບຫ່າກິນຄົນແຕ່ຢ່າງໃດ.

ຄວາມເຊື່ອ, ຄວາມສັດທາ, ຄວາມງົມງວາຍ ກັບສັງຄົມລາວເປັນຂອງຄູ່ກັນ ເລີ່ມຕົ້ນຈາກຄົນໜຶ່ງທີ່ມີຄວາມເຊື່ອ ແລະ ຕ້ອງການໃຫ້ຜູ້ອື່ນເກີດຄວາມເຊື່ອຄືກັນຕົນ ຈຶ່ງເລີ່ມກະທຳການເຜີຍແຜ່ຄວາມເຊື່ອນັ້ນຕໍ່ໄປໃຫ້ຜູ້ອື່ນ ເພື່ອເຮັດໃຫ້ເກີດໝູ່ມວນຊົນທີ່ມີຄວາມເຊື່ອອັນດຽວກັນ ແລະ ກາຍເປັນສັງຄົມຄວາມເຊື່ອໃນທີ່ສຸດ, ຄົນທີ່ມີສະພາບຈິດໃຈທີ່ອ່ອນແອ, ຂາດຄວາມຮູ້, ຂາດສະຕິ ມັກຈະຕົກເປັນເຫຍື່ອຂອງຄວາມເຊື່ອໄດ້ງ່າຍ ແລະ ຖ້າເຊື່ອໂດຍບໍ່ຢຶດຫຼັກເຫດຜົນທີ່ເໝາະສົມກັບຄວາມເປັນຈິງນັ້ນ ກໍ່ຈະກາຍເປັນຄວາມງົມງວາຍ ດັ່ງນັ້ນ, ການເຊື່ອໃນສິ່ງໃດກໍ່ຕ້ອງມີຂອບເຂດ ສະຖານະການໃນປັດຈຸບັນເຮັດໃຫ້ຫຼາຍເກີດຄົນພາວະຄວາມຄຽດ, ສະພາບຮ່າງກາຍ ແລະ ຈິດໃຈອາດອ່ອນແອລົງກວ່າເວລາປົກກະຕິ ສະນັ້ນ ການຕັ້ງສະຕິໃນເວລານີ້ເປັນສິ່ງທີ່ສຳຄັນທີ່ສຸດ ພິຈາລະນາຂໍ້ມູນໃຫ້ຖີ່ຖ້ວນກ່ອນທີ່ຈະແຊຣ໌ຕໍ່ໃຫ້ຄົນອື່ນທຸກຄັ້ງ ເພື່ອຊ່ວຍໃຫ້ຕົນເອງຫຼີກລ່ຽງໃນການມີສ່ວນຮ່ວມສ້າງຄວາມປັ່ນປ່ວນໃຫ້ກັບສັງຄົມ.

 

 

ບົດໂດຍ: ພຸດສະດີ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...