spot_img
Homeຂ່າວທ້ອງຖິ່ນລ້ຽງໄກ່ພັນໄຂ່ ສ້າງລາຍຮັບເຂົ້າສູ່ຄອບຄົວບໍ່ຫຼຸດ 75 ລ້ານກີບຕໍ່ປີ

ລ້ຽງໄກ່ພັນໄຂ່ ສ້າງລາຍຮັບເຂົ້າສູ່ຄອບຄົວບໍ່ຫຼຸດ 75 ລ້ານກີບຕໍ່ປີ

Published on

ທ່ານ ດາວວອນ ມົວ ອາຍຸ 38 ປີ ປະຈຸບັນ ຢູ່ບ້ານນາໄກ່ ເມືອວຽງໄຊ ແຂວງຫົວພັນ ເປັນສະມາຊິກຄອບຄົວຕົວແບບໃນການລ້ຽງໄກ່ພັນໄຂ່ ສາາດສ້າງລາຍຮັບເຂົ້າໃນຄອບຄົວໄດ້ບໍ່ຫຼຸດ 75 ລ້ານກີບຕໍ່ປີ ທ່ານດາວວອນໄດ້ໃຫ້ຮູ້ວ່າ: ແຕ່ກ່ອນອາຊີບຕົ້ນຕໍຂອງຄອບຄົວແມ່ນເຮັດນາປູກເຂົ້າ ແລະ ເຮັດທຸລະກິດແລ່ນລົດໂດຍສານຊຳເໜືອ-ວຽງຈັນ ແຕ່ເນື່ອງຈາກສະພາບການແຜ່ລະບາດຂອງພະຍາດໂຄວິດ19 ເຮັດໃຫ້ຜູ້ມາໃຊ້ບໍລິການລົດໂດຍສານຫຼຸດລົງພາໃຫ້ລາຍຮັບກໍ່ຫຼຸດລົງເຊັ່ນດຽວກັນ ຕົນຈີ່ງຢາກຫັນປ່ຽນທຸລະກິດຂອງຄອບຄົວໃຫ້ມີລາຍຮັບທີ່ແນ່ນອນ.

ຍ້ອນຄວາມສະຫງວນມັກໃນການລ້ຽງສັດ ແລະ ທ່າແຮງຂອງຄອບຄົວທີ່ມີດິນຢູ່ບ້ານວັກ, ເມືອງວຽງໄຊເນື້ອທີ່ 2 ເຮັກຕາກວ່າ, ມາຮອດຕົ້ນປີ 2020 ຈີ່ງຕັດສີນໃຈຈົກດິນສ່ວນໜື່ງເພື່ອສ້າງຟາມລ້ຽງໄກ່ພັນໄຂ່ໃນເນື້ອທີ່ 7.200 ຕາແມັດ, ລວງກວ້າງຟາມ 12 ແມັດ, ຍາວ 77 ແມັດ ໂດຍໄດ້ນໍາໃຊ້ທືນເຂົ້າໃນການບຸກເບີກສະຖານທີ່, ກໍ່ສ້າງຟາມ, ຊື້ອຸປະກອນການລ້ຽງໄກ່ ແລະ ແນວພັນໄກ່ລວມທັງໝົດ 1 ຕື້ 600 ລ້ານກວ່າກີບໂດຍແມ່ນທືນຂອງຕົນເອງເກືອບ 100% ສະເພາະແນວພັນໄກ່ໄດ້ນຳມາແຕ່ແຂວງຊຽງຂວາງຈຳນວນ 16360 ໃນລາຄາໂຕລະ 60 ພັນກີບ, ເຊີ່ງແມ່ນພັນໄກ່ສາວສາມາດອອກໄຂ່ໄດ້ເລີຍ ສ່ວນອາຫານເກືອແມ່ນເກືອຫົວອາຫານສຳເລັດຮູບທີ່ສັ່ງຊື້ຈາກປະເທດເພື່ອນບ້ານຫວຽດນາມ ໂດຍທາງພາກລັດໄດ້ອຳນວຍຄວາມສະດວກທາງດ້ານເອກະສານຂົນສົ່ງສິນຄ້າໃຫ້.

ທ່ານ ດາວວອນ ກ່າວວ່າ: ໃນການລ້ຽງໄກ່ພັນໄຂ່ ແມ່ນໄດ້ໄປຖອດຖອນບົດຮຽນນຳພີ່ນ້ອງຜູ້ທີ່ເຄີຍລ້ຽງໄກ່ມາກ່ອນ ແລະ ທາງຫ້ອງການກະສິກຳເມືອງວຽງໄຊ ກໍໄດ້ສົ່ງວິຊາການມາຕິດຕາມແນະນຳວິທີການລ້ຽງໃນບາງຄັ້ງຄາວບ່ອນຈໍາໜ່າຍສ່ວນຫຼາຍມີແມ່ຄ້າມາຊື້ກັບທີ່ນອກຈາກນີ້ກໍ່ນຳໄປສົ່ງທີ່ຕະຫຼາດເທດສະບານເມືອງວຽງໄຊ, ສະເລ່ຍໃນມື້ໜື່ງສາມາດເກັບໄຂ່ໄດ້ເກືອບ 320 ແຕະ, ຂາຍແຕະໜື່ງ 38 ພັນກີບ, ສ່ວນຫຼາຍມີແມ່ຄ້າມາຊື້ກັບທີ່ສຳລັບອາຫານເກືອແມ່ນນຳໃຊ້ຫົວອາຫານສຳເລັດຮູບມື້ໜື່ງເກຶອໝົດ 72ເປົາ ລາຄາເປົາລະ 165.000 ກີບ.

ລວມລາຍຮັບເດືອນໜື່ງຫັກຄ່າຫົວອາຫານ ແລະ ຄ່າແຮງງານອອກມີກໍາໄລສົດ 6 ລ້ານ 2 ແສນກວ່າກີບ ແລະ ປີໜື່ງມີກຳໄລສົດຈາກການຂາຍໄຂ່ບໍ່ຫຼຸດ 75 ລ້ານກີບ, ເມື່ອໄກ່ສຸດໄຂ່ກໍ່ສາມາດຂາຍອອກເປັນໂຕໃນລາຄາກິໂລລະ 25 ພັນກີບ, ສະເລ່ຍໂຕໜື່ງນ້ຳໜັກບໍ່ຫຼຸດ 2 ກິໂລກຣາມ.

ຂໍ້ມູນ: MediaLAOS

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...