spot_img
Homeຂ່າວຕ່າງປະເທດລ້ຳໄປອີກຂັ້ນ ສິງກະໂປຈຳກັດເຂດສູບຢາບັນດາສິງອົມຄວັນ

ລ້ຳໄປອີກຂັ້ນ ສິງກະໂປຈຳກັດເຂດສູບຢາບັນດາສິງອົມຄວັນ

Published on

ບໍລິສັດເອກະຊົນແຫ່ງໜຶ່ງໃນສິງກະໂປນຳໃຊ້ຕູ້ສູບຢາທີ່ຕິດຕັ້ງໃນທີ່ສາທະນະ ເພື່ອອຳນວຍຄວາມສະດວກໃຫ້ກັບບັນດາສິງອົມຄວັນ (ນັກສູບຢາ) ທີ່ຕ້ອງອອກມາສູບຢາຢູ່ນອກອາຄານ ຫຼື ສະຖານທີ່ເຮັດວຽກ ທັງນີ້ ກໍເພື່ອຮັກສາສິ່ງແວດລ້ອມ ລວມເຖິງປ້ອງກັນອັນຕະລາຍທີ່ເກີດຈາກຄວັນຢາສູບອີກດ້ວຍ.

ໂດຍບໍລິສັດເອສຊີຈີວາງແຜນຕິດຕັ້ງຕູ້ສູບຢາຊຶ່ງນຳໃຊ້ລະບົບກອງອາກາດຄຸນນະພາບດີທີ່ນຳເຂົ້າຈາກດານມາກ ຊຶ່ງສາມາດຮອງຮັບສິງອົມຄວັນໄດ້ເຖິງ 10 ຄົນຕໍ່ 1 ຕູ້ ທັງນີ້ ກໍມີເປົ້າໝາຍຈະຂະຫຍາຍຕູ້ສູບຢາໃຫ້ໄດ້ຢ່າງໜ້ອຍ 60 ຕູ້ທົ່ວປະເທດພາຍໃນປີນີ້ ເຖິງແມ່ນວ່າຈະມີສຽງວິພາກວິຈານຈາກກຸ່ມຜູ້ທົດລອງໃຊ້ຕູ້ດັ່ງກ່າວວ່າມີຂະໜາດນ້ອຍ ແລະ ແອອັດເກີນໄປ ພ້ອມນີ້ ບັນດາສິງອົມຄວັນກໍໄດ້ຮຽກຮ້ອງໃຫ້ຜູ້ຜະລິດເສີມຕັ່ງນັ່ງພາຍໃນຕູ້ດັ່ງກ່າວ.

ທັງນີ້ ປະເທດສິງກະໂປຖືເປັນປະເທດທີ່ມີກົດໝາຍກ່ຽວກັບການສູບຢາທີ່ເຂັ້ມງວດທີ່ສຸດ ໂດຍລັດຖະບານໄດ້ແກ້ໄຂກົດໝາຍໂດຍກຳນົດອາຍຸຂັ້ນຕ່ຳຂອງຜູ້ທີ່ສາມາດສູບຢາໄດ້ຂຶ້ນເປັນ 19 ປີ ຊຶ່ງມີຜົນບັງຄັບໃຊ້ນັບແຕ່ຕົ້ນປີຜ່ານມາ ສຳລັບຜູ້ທີ່ຝ່າຝືນອອກມາສູບຢານອກພື້ນທີ່ກຳນົດແມ່ນຈະບໍ່ມີການຕັກເຕືອນອີກຕໍ່ໄປ ແຕ່ຈະຖືກຈັບ ແລະ ອາດຈະຖືກປັບໄໝຂັ້ນຕ່ຳທັນທີ 200 ໂດລາສິງກະໂປ ແລະ ສູງສຸດເຖິງ 1.000 ໂດລາສິງກະໂປ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ:AFP

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...