spot_img
Homeຂ່າວພາຍ​ໃນລ້ານຊ້າງຄວ້າແຊ້ມບານເຕະ The Minister Cup 2015

ລ້ານຊ້າງຄວ້າແຊ້ມບານເຕະ The Minister Cup 2015

Published on

ການແຂ່ງຂັນຊິງຂັນທ່ານລັດຖະມົນຕີວ່າການກະຊວງສຶກສາທິການ ແລະ ກິລາ The Minister Cup 2015 ຊິງເງິນລາງວັນລວມມູນຄ່າ150ລ້ານກີບ, ໄດ້ຈົບລົງຢ່າງດຸເດືອດຂອງສອງທີມດັງລະຫວ່າງ ທີມສະໂມສອນ ລ້ານຊ້າງ ຢູໄນເຕັດ ພົບກັບ ທີມກອງທັບ ເຊີ່ງຜົນແມ່ນ ລ້ານຊ້າງ ຖະຫຼົ່ມ ກອງທັບ ໄປໄດ້ເຖິງ 5-0 ປະຕູ ເຮັດໃຫ້ເປັນແຊ້ມການແຂ່ງຂັນບານເຕະ The Minister Cup 2015 ຊີງຂັນທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາຄັ້ງທີ 1 ປະຈຳປີ 2015.

ທ່ານ ພັນທະຈິດ ອິນທິລາດ ປະທານຈັດການແຂ່ງຂັນ ກ່າວວ່າ: ສໍາລັບການແຂ່ງຂັນຄັ້ງນີ້ແມ່ນຈັດຂຶ້ນເພື່ອສະເຫຼີມສະຫຼອງວັນຊາດທີ 2 ທັນວາ ຄົບຮອບ 40 ປີ ແລະ ວັນສ້າງຕັ້ງພັກຄົບຮອບ 60 ພ້ອມທັງເຮັດໃຫ້ການເຄື່ອນໄຫວໃນວົງການບານເຕະຂອງລາວມີການພັດທະນາຂຶ້ນເລື້ອຍໆ, ຜ່ານການແຂ່ງຂັນປາກົດວ່າອັນດັບທີ 1 ໄດ້ແກ່ສະໂມສອນລ້ານຊ້າງ ຢູໄນເຕັດ ໄດ້ຂັນແຊ້ມພ້ອມເງິນສົດ 80 ລ້ານກີບ, ອັບດັບທີ 2 ໄດ້ແກ່ ສະໂມສອນ ກອງທັບ ໄດ້ຮັບເງິນ 40 ລ້ານກີບ, ອັນດັບທີ 3 ໄດ້ແກ່ SCI TWENTY SIXFC ໄດ້ຮັບເງິນສົດ 20 ລ້ານກີບ ແລະ ອັນດັບທີ 4 ໄດ້ແກ່ JDB FC ໄດ້ຮັບເງິນສົດ 10 ລ້ານກີບ.

ພິທີປິດ-ມອບລາງວັນໃຫ້ຜູ້ຊະນະເລີດມີຂຶ້ນວັນທີ 30 ພະຈິກ2015 ທີ່ຜ່ານມາ ຢູ່ທີ່ສະໜາມກິລາລ້ານຊ້າງ ຢູໄນເຕັດ ໃຫ້ກຽດເຂົ້າຮ່ວມ ໂດຍທ່ານ ບົວລານ ສິລິປັນຍາ ລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາ, ທ່ານ ປະສາດໄສ ພິລະພັນເດດ ຮັກສາການປະທານສະຫະພັນບານເຕະແຫ່ງຊາດລາວ ພ້ອມດ້ວຍແຂກຖືກເຊີນ ແລະ ແຟນບານເຂົ້າຮ່ວມຢ່າງພ້ອມພຽງ.

12289667_845281985587396_3549461492253423718_n

12108003_845281508920777_3816812311043232985_n

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...