ລົດໄຟຟ້າທະລຸແນວກັ້ນໄປຈອດເທິງຫາງປາວານ

ເວັບໄຊຂ່າວ ເດລີເມລ ລາຍງານວ່າ ເມື່ອເວລາ 12.30 ນາທີ ຂອງວັນທີ 2 ພະຈິກ 2020 ເກີດເຫດລົດໄຟຟ້າຕົກລາງ ແລະ ແລ່ນຕຳແນວກັ້ນໄປຈອດຄ້າງກາງອາກາດຢູ່ເທິງຮູບປັ້ນຫາງປາວານ ສູງ 7.6 ແມັດ, ເຮັດໃຫ້ຫົວລົດໄຟເສຍຫາຍໜັກ.

ເຫດການດັ່ງກ່າວເກີດຂຶ້້ນທີ່ສະຖານນີລົດໄຟ້າ ເດິ ອັກເກີ ທີ່ເມືອງສະໄປເກີນິສເຊີ ປະເທດເນເທີແລນ ໂຊກດີທີ່ເຫດການຄັ້ງນີ້ບໍ່ມີຜູ້ໂດຍສານ ຫຼື ພະນັກງານຄົນໃດໄດ້ຮັບບາດເຈັບ ແຕ່ຄົນຂັບລົດໄຟຖືກນຳສົ່ງໂຮງໝໍເພື່ອກວດຮ່າງກາຍ.

ປະຕິມາກຳປາວານນີ້ສ້າງຂຶ້ນເມື່ອປະມານ 20 ປີກ່ອນໃນສວນສາທາລະນະກ້ອງລົດໄຟເຊິ່ງເປັນຈຸດສິ້ນສຸດທາງລົດໄຟ, ເຊິ່ງຜູ້ຊ່ຽວຊານຕ່າງໆລວມເຖິງສະຖາປະນິກຜູ້ສ້າງຮູບປັ້ນຫາງປາວານໄປທີ່ເກີດເຫດເພື່ອສຶກສາວິທີການທີ່ຈະເຄື່ອນຍ້ານລົດໄຟ.

ທາງເຈົ້າໜ້າທີ່ກຳລັງຂົນຍ້າຍລົດໄຟທີ່ໄດ້ຮັບຄວາມເສຍຫາຍໜັກ ແລະ ຈະເປີດໃຫ້ບໍລິການສະຖານີເດິ ອັກເກີ ອີກຄັ້ງ ແລະ ໄດ້ເຮັດການປິດກັນບໍລິເວນທີ່ເກີດເຫດໄວ້ຊົ່ວຄາວ.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.