spot_img
Homeຂ່າວພາຍ​ໃນລົດບັນທຸກ 18 ລໍ້ ຕຳລົດວີໂກ້ກາງຂົວປາກເຊ-ໂພນທອງ ແຂວງຈຳປາສັກແລ້ວຕົກລົງນ້ຳຂອງມີຜູ້ເສຍຊີວິດ 2 ຄົນ

ລົດບັນທຸກ 18 ລໍ້ ຕຳລົດວີໂກ້ກາງຂົວປາກເຊ-ໂພນທອງ ແຂວງຈຳປາສັກແລ້ວຕົກລົງນ້ຳຂອງມີຜູ້ເສຍຊີວິດ 2 ຄົນ

Published on

accident at pakse

 

       ລົດບັນທຸກຂະໜາດ 18 ລໍ້ ທີ່ຂົນສົ່ງເຫຼັກຫຼາຍສິບໂຕນຈາກປະເທດໄທເກີດ ອຸປະຕິເຫດຕຳ ກັບລົດວີໂກ້ສີປອນຢູ່ກາງ ຂົວຂ້າມນ້ຳຂອງປາກເຊ-ໂພນທອງ ແຂວງຈຳປາສັກ ເຮັດໃຫ້ລົດບັນທຸກຕົກລົງນ້ຳຂອງ ແລະ ມີຜູ້ເສຍຊີວິດ 2 ຄົນ.
         ເຈົ້າໜ້າທີ່ຈະລາຈອນ ແຂວງຈຳປາສັກ ໃຫ້ຮູ້ວ່າ: ອຸປະຕິເຫດດັ່ງກ່າວ ເກີດຂຶ້ນໃນຕອນເຊົ້າມືດວັນທີ 29 ເມສານີ້, ເຊິ່ງ ລົດບັນທຸກ 18 ລໍ້ໝາຍເລກທະ ບຽນ 76-3688 ກຸງເທບ (ປະ ເທດໄທ) ທີ່ບັນທຸກເຫຼັກເສັ້ນເພື່ອ ຈະໄປສົ່ງໃຫ້ໂຄງການສ້າງ ເຂື່ອນຫ້ວຍລຳພັນ ແຂວງເຊ ກອງພໍມາຮອດກາງຂົວປາກເຊ-ໂພນທອງ ແຂວງຈຳປາສັກ ກໍໄດ້ຕຳເອົາລົດວີໂກ້ໝາຍເລກທະ ບຽນ ກຂ 0117 ແຂວງຈຳປາ ສັກ ທີ່ຂີ່ສວນມາຢ່າງຮຸນແຮງເຮັດໃຫ້ລົດບັນທຸກເສຍຫຼັກ ແລະ ພິກຕົກລົງນ້ຳຂອງສົ່ງຜົນເຮັດ ໃຫ້ຜູ້ຊາຍອາຍຸປະມານ 30 ປີ

2 ຄົນ (ເປັນຄົນໄທ) ທີ່ນັ່ງໃນລົດນັ້ນເສຍຊີວິດ, ສ່ວນຄົນຂັບລົດບັນທຸກຊື່ ທ້າວ ບຸນໂຮມ ສັນຊາດໄທໄດ້ຮັບບາດເຈັບສາຫັດ ແລະ ສາເຫດຂອງການເກີດອຸປະຕິເຫດທາງເຈົ້າໜ້າທີ່ຍັງສືບສວນ-ສອບສວນ.

          ເຈົ້າໜ້າທີ່ກົມຕຳຫຼວດຈະລາຈອນ ໃຫ້ຮູ້ວ່າ: ໃນອາທິດຜ່ານມາທົ່ວປະເທດມີອຸປະຕິເຫດເກີດຂຶ້ນ 73 ກໍລະນີ ສົ່ງ ຜົນໃຫ້ມີຜູ້ເສຍຊີວິດ 8 ຄົນ, ສະເພາະແຂວງຈຳປາສັກ ມີອຸປະຕິເຫດເກີດຂຶ້ນ 9 ກໍລະນີ, ສົ່ງຜົນໃຫ້ມີຜູ້ເສຍຊີວິດ 1 ຄົນ, ສາເຫດສ່ວນໃຫຍ່ແມ່ນດື່ມສິ່ງມຶນເມົາແລ້ວຂັບຂີ່, ຂັບລົດໄວ ແລະ ລະເມີດກົດລະບຽບຈະລາຈອນ.
ທີ່ມາ http://laophatthananews.blogspot.com/2014/04/18-2.html

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...