spot_img
Homeຂ່າວການພັດທະນາລາວ-ຣັດເຊຍ ເພີ່ມທະວີການຮ່ວມມືຕ້ານການຟອກເງິນ

ລາວ-ຣັດເຊຍ ເພີ່ມທະວີການຮ່ວມມືຕ້ານການຟອກເງິນ

Published on

ທະນາຄານ ແຫ່ງ ສປປ ລາວ ແລະ ອົງການຄຸ້ມຄອງທາງດ້ານການເງິນ ສະຫະພັນຣັດເຊຍໄດ້ລົງນາມໃນສັນຍາຮ່ວມມືສະບັບໜຶ່ງກ່ຽວກັບ ການແລກປ່ຽນຂໍ້ມູນຂ່າວສານ, ການພັດທະນາ ແລະ ການວິເຄາະຂໍ້ມູນຂ່າວ ສານໃນວຽກງານຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ບົນພື້ນຖານຫລັກ ການກົດໝາຍພາຍໃນຂອງທັງສອງປະເທດ, ແນ່ໃສ່ເຮັດໃຫ້ວຽກງານສືບຂ່າວທາງດ້ານການເງິນຂອງ ສປປ ລາວ ມີການຮ່ວມມືກັບສາກົນຢ່າງຮອບດ້ານໃຫ້ຫລາຍຂຶ້ນ. ສາມາດຕອບສະໜອງໄດ້ຕາມມາດຕະຖານສາກົນ ເຊິ່ງຈະສາມາດແກ້ໄຂບັນດາຂໍ້ບົກຜ່ອງຂອງ ສປປ ລາວ ກ່ຽວກັບວຽກງານດັ່ງກ່າວ.

ສັນຍາຮ່ວມມືດັ່ງກ່າວໄດ້ຮັບການລົງນາມ ໄດ້ມີຂຶ້ນໃນຕອນເຊົ້າວັນທີ 8 ກັນຍາ 2016, ທີ່ທຳນຽບປະທານປະເທດ ລະຫວ່າງ ທ່ານ ຈິນດາໄມ ວິໄລຫົງ ຮອງຫົວໜ້າສໍານັກງານຂໍ້ມູນຕ້ານການຟອກເງິນ ສປປ ລາວ ແລະ ທ່ານ ວາຣາດິເມຍ ໂກຣໂຕບ ຮອງຫົວໜ້າອົງການຄຸ້ມຄອງທາງດ້ານການເງິນສະຫະພັນຣັດເຊຍ, ໂດຍການເຂົ້າຮ່ວມເປັນສັກຂີພິຍານຂອງ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ແລະ ທ່ານ ດີມີຕຣີ ເມດເວເດບ ນາຍົກລັດຖະມົນຕີ ສະຫະພັນຣັດເຊຍ. ໃນໄລຍະຜ່ານມາ ສປປ ລາວ ໄດ້ເຂົ້າເປັນສະມາຊິກຂອງກຸ່ມ ອາຊີ-ປາຊີຟິກ ເພື່ອຕ້ານການຟອກເງິນ (APG) ເປັນອນດັບທີ 36 ໃນປີ 2007 ເຊິ່ງລັດຖະບານແຫ່ງ ສປປລາວ ໄດ້ມອບໝາຍໃຫ້ທະນາຄານແຫ່ງສປປ ລາວ ເປັນເຈົ້າການໃນວຽກງານຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ເປັນຕົ້ນ ກົດໝາຍອາຍາ ສະບັບ ປີ 2005 ມາດຕາ 64 ການຟອກເງິນ ແລະ ດຳລັດວ່າດ້ວຍ ການຕ້ານການຟອກເງິນ ເລກທີ 55/ນຍ ປີ 2006. ໃນປີ 2010 ສປປ ລາວ ໄດ້ຮັບການປະເມີນຜົນ ເປັນຄັ້ງທຳອິດຈາກກຸ່ມ APG ໂດຍອີງໃສ່ຂໍ້ແນະນຳ 40+9 ຂອງອົງການຕ້ານການຟອກເງິນສາກົນ.

ເພື່ອເຮັດໃຫ້ວຽກງານຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍສາມາດຕອບສະໜອງໄດ້ຕາມມາດຕະຖານສາກົນ, ທະນາຄານ ແຫ່ງ ສປປລາວ ຈຶ່ງໄດ້ນຳສະເໜີຕໍ່ລັດຖະບານ ເພື່ອຍົກລະດັບ ດຳລັດ ວ່າດ້ວຍການຕ້ານການຟອກເງິນ ຂຶ້ນເປັນກົດໝາຍວ່າດ້ວຍການຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ແລະ ໄດ້ປະກາດໃຊ້ຢ່າງເປັນທາງການ ໃນປີ 2015. ພ້ອມດຽວກັນນີ້, ກໍໄດ້ຍົກລະດັບໜ່ວຍງານຂໍ້ມູນ ຕ້ານການຟອກເງິນໃນເມື່ອກ່ອນ ຂຶ້ນເປັນສຳນັກງານຂໍ້ມູນຕ້ານການຟອກເງິນ ໃນປີ 2015, ເຊິ່ງໄດ້ສະແດງໃຫ້ສາກົນ ເຫັນວ່າ ສປປ ລາວ ໄດ້ມີຄວາມເອົາໃຈໃສ່ ຢ່າງຈິງຈັງຕໍ່ວຽກງານດັ່ງກ່າວ ແລະ ຈະໄດ້ສືບຕໍ່ຮ່ວມມື ກັບບັນດາປະເທດ ທັງໃນລະດັບພາກພື້ນ ແລະ ສາກົນ.

 

ຂ່າວຈາກ: ສຳນັກຂ່າສານປະເທດລາວ

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...