spot_img
Homeຂ່າວພາຍ​ໃນລາວຖືກຈັດຢູ່ ອັນດັບ 2 ຂອງອາຊຽນ ສຳລັບປະເທດທີ່ມີຜູ້ເສຍຊີວິດຈາກການສູບຢາ

ລາວຖືກຈັດຢູ່ ອັນດັບ 2 ຂອງອາຊຽນ ສຳລັບປະເທດທີ່ມີຜູ້ເສຍຊີວິດຈາກການສູບຢາ

Published on

ລາວຕິດອັນດັບ 2 ຂອງປະເທດໃນອາຊຽນ ທີ່ເສຍຊີວິດຈາກການສູບຢາ ເຖິງແມ່ນວ່າ ພະແນກສາທາລະນະສຸກ ໄດ້ຍົກສູງການເຮັດວຽກ ເພື່ອໃຫ້ປະຊາຊົນຮັບຮູ້ເຖິງໂທດອັນຕະລາຍຂອງຢາສູບ ແລ້ວກໍ່ຕາມ.

ຈຳນວນຜູ້ເສຍຊີວິດຈາກການສູບຢາ ຖືວ່າເປັນບັນຫາຫຼັກ ເຊິ່ງມີເຖິງ 4,807 ຄົນ ຕໍ່ປີ ຫຼື ສະເລ່ຍ 13 ຄົນ ຕໍ່ມື້ ແລະ ໃນທຸກໆປີຢາສູບໄດ້ຂ້າຄົນ ຢ່າງໜ້ອຍ ປະມານ 8 ລ້ານຄົນ ໃນທົ່ວໂລກ. ຫຼາຍລ້ານຄົນເປັນມະເຮັງປອດ, ວັນນະໂລກ, ພະຍາດຫອບຫືດ ຫຼື ພະຍາດປອດອັກເສບຊໍ້າເຮື້ອ ທີ່ເກີດຈາກການສູບຢາ.

ການສູບຢາຢ່າງແຜ່ຫຼາຍ ເຮັດໃຫ້ປະຊາຊົນຈຳນວນຫຼາຍຕ້ອງພົບກັບບັນຫາສຸຂະພາບທີ່ຮ້າຍແຮງ ເຊິ່ງການທີ່ຄວບຄຸມຢາສູບໃຫ້ມີປະສິດທິຜົນ ແມ່ນເປັນວິທີດຽວ ທີ່ຈະຫຼຸດຜ່ອນຄວາມສ່ຽງເຫຼົ່ານີ້ ແລະ ປ້ອງກັນສຸຂະພາບຂອງຄົນເຮົາໃຫ້ດີຂຶ້ນ. ອີງຕາມໂຄງຮ່າງສົນທິສັນຍາ ຂອງລາວກ່ຽວກັບການຄວບຄຸມຢາສູບ.

ເຈົ້າໜ້າທີ່ຈາກພະແນກສົ່ງເສີມສຸຂະອະນາໄມ ແລະ ສົ່ງເສີມສຸຂະພາບ ຂອງກະຊວງສາທາລະນະສຸກ ໄດ້ກ່າວຕໍ່ບັນດາສື່ມວນຊົນ ໃນງານ Walk for Heath ປະຈຳປີທີ່ຈັດຂຶ້ນ ເພື່ອສະເຫຼີມສະຫຼອງວັນປອດຢາສູບໂລກ ໃນວັນທີ 31 ພຶດສະພາ ທີ່ຜ່ານມາ.

ຫົວຂໍ້ສຳລັບວັນປອດຢາສູບໂລກປະຈຳ ປີ 2021 ຄື: ຄຳໝັ່ນສັນຍາທີ່ຈະເຊົາສູບຢາ ແລະ ມີຈຸດປະສົງເພື່ອປູກຈິດສຳນຶກ ກ່ຽວກັບໂທດອັນຕະລາຍ ຂອງຢາສູບຕໍ່ສຸຂະພາບປອດຂອງຄົນເຮົາ ຈາກມະເຣັງຈົນ ໄປເຖິງພະຍາດລະບົບຫາຍໃຈຊໍາເຮື້ອ ແລະ ໄດ້ກ່າວເຖິງ ແຜ່ນປະຕິບັດງານ ຂອງພະແນກ ແລະ ບາງກິດຈະກຳ ໃນການຄວບຄຸມຢາສູບເພື່ອເຮັດໃຫ້ ຈຳນວນຜູ້ສູບຢາຫຼຸດລົງ. ເຈົ້າໜ້າທີ່ສາທາລະນະສຸກ ແລະ ຄູ່ຮ່ວມພັດທະນາ ກຳລັງສຶບຕໍ່ ສະໜັບສະໜູນ ການຄວບຄຸມຢາສູບ ແລະ ການຫຼຸດຜ່ອນອັດຕາການສູບຢາໃນລາວ.

“ພວກເຮົາລໍຖ້າຄວາມກ້າວໜ້າ ໃນການຕໍ່ສູ້ກັບຢາສູບໃນລາວ ພວກເຮົາສະໜັບສະໜູນນະໂຍບາຍທີ່ມີປະສິດທິພາບ ເພື່ອຫຼຸດຜ່ອນອັດຕາການສູບຢາສູບ ແລະ ເຮົາຍັງໄດ້ເຮັດວຽກກັບບຸກຄົນທີ່ກ້ຽວຂ້ອງຫຼາຍພາກສ່ວນ ໃນການຕໍ່ສູ້ເພື່ອສຸຂະພາບທີ່ດີຂື້ນຜ່ານການຄວບຄຸມຢາສູບ”

ເຈົ້າໜ້າທີ່ເຮັດວຽກສຳລັບສົນທິສັນຍາໂຄງຮ່າງ ຂອງອົງການອະນາໄມໂລກກ່ຽວກັບການຄວບຄຸມຢາສູບ ກ່າວວ່າ: ຄວາມກັງວົນຂອງເຈົ້າໜ້າທີ່ ກ່ຽວກັບຄວາມອັນຕະລາຍຂອງຢາສູບນັ້ນ ເກີນກວ່າຜົນກະທົບທີ່ເປັນອັນຕະລາຍຕໍ່ສຸຂະພາບ ແລະ ຄວາມເປັນຢູ່ຂອງປະຊາຊົນ.

ມີຫຼັກຖານຫຼາຍຂຶ້ນເລື່ອຍໆວ່າ: ການໃຊ້ຢາສູບນັ້ນມີຜົນກະທົບຮ້າຍແຮງຕໍ່ເສດຖະກິດສັງຄົມ ແລະ ສິ່ງແວວລ້ອມ ຄວາມທຸກຍາກທີ່ເພີ່ມທະວີຂຶ້ນ, ເຮັດໃຫ້ຫຼຸດຜ່ອນສະມັດຕະພາບການອອກແຮງງານ, ການເຕີບໂຕຂອງເສດຖະກິດທີ່ຫຼ້າຊ້າ ແລະ ເຮັດໃຫ້ເກີດຄວາມເສຍຫາຍຕໍ່ສິ່ງແວວລ້ອມ.

 

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...