ລາວຕົກລົງສຳຫຼວດ ໂຄງການກໍ່້ສ້າງເຂື່ອນໄຟຟ້າ ປາກງື່ມວຽງຈັນ

0
241

dam pakngum

ພິທີລົງນາມບົດບັນທຶກຄວາມເຂົ້າໃຈ (MOU) ໂຄງການກໍ່ສ້າງເຂື່ອນໄຟຟ້ານ້ຳຕົກປາກງື່ມລະຫວ່າງລັດຖະ ບານລາວຕາງໜ້າໂດຍທ່ານນາງ ຄຳຈັນ ວົງແສນບຸນ ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນແລະ ທ່ານ ແສງລາຕີ ສະຫວັນຄຳ ອຳນວຍການບໍລິສັດ ວຽງຈັນ ອໍໂຕເມຊັນແອນໂຊລູຊັນ ເອັນຈີເນຍຣິງ ຈຳກັດ (VASE) ໄດ້ມີຂຶ້ນວັນທີ 1 ກັນຍານີ້, ທີ່ນະຄອນຫຼວງວຽງຈັນ.

ໂຄງການກໍ່ສ້າງເຂື່ອນໄຟຟ້ານ້ຳຕົກດັ່ງກ່າວ ຕັ້ງຢູ່ບໍລິເວນຈຸດທ້າຍສຸດຂອງສາຍນໍ້າງື່ມ ເຂດບ້ານພ້າວ ເມືອປາກງື່ມ ນະຄອນຫຼວງວຽງຈັນ ມີກໍາລັງຕິດຕັ້ງ 15 ເມກາວັດ(MW) ແລະ ຖ້າຫາກການສຳຫຼວດມີຄວາມເປັນໄປໄດ້ທາງດ້ານເສດຖະກິດ ແລະ ສິ່ງແວດລ້ອມ, ບໍລິສັດຜູ້ສໍາຫລວດກໍຈະດໍາເນີນການພັດທະນາ ໂຄງການທັນທີ, ໂດຍປະຕິບັດຕາມຂັ້ນຕອນ ແລະ ລະບຽບກົດໝາຍຢ່າງເຂັ້ມງວດ, ໂດຍສະເພາະແມ່ນຫລີກເວັ້ນການກໍ່ໃຫ້ເກີດ ຜົນກະທົບຕໍ່ສິ່ງ ແວດລ້ອມ ແລະ ສັງຄົມໜ້ອຍທີ່ສຸດ ແລະ ເຮັດໃຫ້ໂຄງການດັ່ງກ່າວເປັນຕົວແບບ ໃນການນໍາໃຊ້ປະລິມານການໄຫລຂອງນໍ້າໃຫ້ມີປະສິດທິພາບ ແລະ ເກີດປະໂຫຍດສູງສຸດ.

ຂ່າວຈາກ:
7892

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.