spot_img
Homeຂ່າວພາຍ​ໃນລາຍໄດ້ສະເລ່ຍ ຂອງປະຊາຊົນ ຢູ່ນະຄອນຫຼວງວຽງຈັນ ຈະເພີ້ມຂຶ້ນຕື່ມ

ລາຍໄດ້ສະເລ່ຍ ຂອງປະຊາຊົນ ຢູ່ນະຄອນຫຼວງວຽງຈັນ ຈະເພີ້ມຂຶ້ນຕື່ມ

Published on

people-income-to-reach

 

ລາຍໄດ້ສະເລ່ຍ ຂອງປະຊາຊົນ ໃນເຂດນະຄອນຫຼວງວຽງຈັນຈະເພີ້ມຂຶ້ນເປັນ 3,800 ດອນລາຕໍ່ຄົນ
ໃນຂະນະທີ່ ປະຊາຊົນໃນແຂວງຜົ້ງສາລີ ຍັງຈະມີລາຍໄດ້ສະເລ່ຍ ຕ່ຳກວ່າ 1,000 ດອນລາ
ໃນແຜນການປີ 2013-2014 ນີ້.

ທ່ານສົມວັນດີ ນາຖາວົງ ຮອງເຈົ້າຄອງເຂດນະຄອນຫຼວງວຽງຈັນຖະແຫຼງຢືນຢັນວ່າ ຍອດຜະລິດຕະພັນລວມຫຼື
GDP ໃນເຂດນະຄອນວຽງຈັນ ມີມູນຄ່າລວມເຖິງ 15,853 ຕື້ກີບໃນລະຍະ 6 ເດືອນທີ່ຜ່ານມາ
ຂອງແຜນການ ປະຈຳປີ 2013-2014 ນີ້ ຊຶ່ງນອກຈາກຈະຄິດເປັນ 53 ເປີເຊັນ
ຂອງແຜນການປີແລ້ວກໍຍັງສາ ມາດ ຄາດໝາຍໄດ້ວ່າ ເສດຖະກິດ ໃນເຂດນະຄອນຫຼວງວຽງຈັນ
ຈະຂະຫຍາຍຕົວເພີ້ມຂຶ້ນ ຕາມແຜນການທີ່ວາງໄວ້ ກໍຄືບໍ່ລຸດ 12.7 ເປີເຊັນ
ເມື່ອທຽບໃສ່ກັບແຜນການປີ 2012-2013 ທີ່ຜ່ານມາ.

ໂດຍການຂະຫຍາຍຕົວ ທາງເສດຖະກິດ ໃນອັດຕາສະເລ່ຍດັ່ງກ່າວ ຈະເຮັດໃຫ້ GDP
ໃນເຂດນະຄອນຫຼວງວຽງຈັນ ມີມູນຄ່າລວມເຖິງ 29,912 ຕື້ກີບໃນຕະຫຼອດແຜນການ
ປີ 2013-2014 ທີ່ຈະສິ້ນສຸດລົງ ໃນເດືອນກັນຍາປີນີ້ ແລະ ຈະສາມາດຖົວສະເລ່ຍ
ເປັນລາຍໄດ້ ຂອງປະຊາຊົນລາວ ໃນເຂດນະຄອນຫຼວງວຽງຈັນ ໄດ້ເຖິງ 30 ລ້ານກີບ
ຫຼືປະມານ 3,800 ດອນລາຕໍ່ຄົນຕໍ່ປີ.

ແຕ່ຢ່າງໃດກໍຕາມ ການພັດທະນາເສດຖະກິດ ໃນເຂດນະຄອນຫຼວງວຽງຈັນ ທີ່ຂະຫຍາຍຕົວເພີ້ມຂຶ້ນດັ່ງກ່າວນີ້
ກໍເຮັດໃຫ້ລະດັບລາຍໄດ້ ແລະ ສະພາບຊີວິດ ການເປັນຢູ່ຂອງປະຊາຊົນລາວ ທີ່ຢູ່ໃນເຂດນະຄອນຫຼວງວຽງຈັນ
ແລະ ເຂດຕົວເມືອງ ກັບເຂດຊົນນະບົດມີຄວາມແຕກໂຕນກັນ ຫຼາຍຂຶ້ນນັບມື້ ດ້ວຍເຊັ່ນກັນ ດັ່ງທີ່
ທ່ານສີວັນ ອຸດທະຈັກ ສະມາຊິກສະພາແຫ່ງຊາດ ຈາກແຂວງຈຳປາສັກ ໄດ້ຖະແຫຼງຊີ້ແຈງວ່າ:

“ຄວາມທຸກຍາກ ຂອງປະຊາຊົນ ຢູ່ໃນເຂດຊົນນະບົດ ຫ່າງໄກສອກຫລີກ ຖ້າທຽບໃສ່ຢູ່ຕົວເມືອງ
ເຫັນວ່າ ຍັງມີຄວາມຜິດ ໂຕນກັນຫຼາຍ ຈາກສະພາບດັ່ງກ່າວນັ້ນ ພວກເຮົາເຫັນວ່າ ລູກຫຼານຂອງ
ປະຊາຊົນ ທີ່ທຸກຍາກ ແມ່ນຂາດ ການສຶກສາຮ່ຳຮຽນ ໝາຍຄວາມວ່າ ລູກຫຼານ
ທີ່ຢູ່ໃນໄວອາຍຸ ໄດ້ຮ່ຳຮຽນ ກໍໄດ້ອອກຈາກ ໂຮງຮຽນ.”

ໂດຍລັດຖະບານລາວ ໄດ້ວາງເປົ້າໝາຍ ທີ່ຈະລົບລ້າງ ບັນຫາຄວາມຍາກຈົນ ຂອງປະຊາຊົນບັນດາເຜົ່າ
ໃຫ້ໄດ້ໂດຍພື້ນຖານ ພາຍໃນປີ 2015 ກໍຄືການລົດບັນຫາ ຄວາມຍາກຈົນຂອງປະຊາຊົນລາວ
ລົງສູ່ລະດັບບໍ່ເກີນ 10 ເປີເຊັນ ຂອງຈຳນວນ ຄອບຄົວທັງໝົດ ໃນປີ 2015 ທັງນີ້ ກໍເພື່ອໃຫ້ເປັນພື້ນຖານ
ຮອງຮັບເປົ້າໝາຍທີ່ລັດຖະບານລາວ ຈະນຳພາປະເທດຊາດ ໄປສູ່ການລຸດພົ້ນ ຈາກສະພາບ
ດ້ອຍພັດທະນາ ໃຫ້ໄດ້ ພາຍໃນປີ 2020 ຕໍ່ໄປ ຊຶ່ງໃນສະພາບການຕົວຈິງ ກໍຄົງຈະເປັນ
ໄປໄດ້ຍາກ ໂດຍມີສາເຫດມາຈາກບັນຫາ ທີ່ກ່ຽວກັບ ຄວາມແຕກໂຕນກັນໃນລະດັບ
ຂອງການພັດທະນາດັ່ງກ່າວ.

ທັງນີ້ ໂດຍຈະເຫັນໄດ້ຢ່າງຊັດເຈນ ຈາກກໍລະນີຂອງເຂດ ນະຄອນຫຼວງວຽງຈັນ ທີ່ປະຊາຊົນມີລາຍໄດ້
ສະເລ່ຍເຖິງ 27 ລ້ານກີບ ຫຼື ປະມານ 3,346 ຕໍ່ຄົນ ໃນປັດຈຸບັນນີ້ ຫາກແຕ່ວ່າ
ສຳລັບປະຊາຊົນໃນແຂວງຜົ້ງສາລີ ກັບຍັງຄົງມີລາຍໄດ້ ສະເລ່ຍພຽງ 6 ລ້ານກີບ ຫຼື 745 ດອນລາຕໍ່ຄົນເທົ່ານັ້ນ
ໃນຂະນະທີ່ ອັດຕາຄວາມຍາກຈົນ ຂອງປະຊາຊົນໃນແຂວງດັ່ງກ່າວ ກໍຍັງສູງກວ່າ 45 ເປີເຊັນ
ຂອງປະຊາກອນທັງໝົດ ໃນເວລານີ້ ເພາະສະນັ້ນ ຈຶ່ງເປັນການຍາກ ຢ່າງຍິ່ງ ທີ່ແຂວງຜົ້ງສາລີ ຈະສາມາດລົບລ້າງ
ບັນຫາຄວາມຍາກຈົນໄດ້ຕາມເປົ້າໝາຍ ທີ່ລັດຖະບານລາວ ໄດ້ກຳນົດໄວ້ໃນປີ 2015 ດັ່ງກ່າວ.

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...