spot_img
Homeຂ່າວພາຍ​ໃນລາຍງານສະພາບໂຄວິດ-19 ວັນທີ 14 ກຸມພາ 2022

ລາຍງານສະພາບໂຄວິດ-19 ວັນທີ 14 ກຸມພາ 2022

Published on

ລາຍງານຈາກຄະນະສະເພາະກິດ ກ່ຽວກັບສະພາບການແຜ່ລະບາດຂອງພະຍາດໂຄວິດ-19 ໃນວັນທີ 14 ກຸມພາ 2022 ມີເນື້ອໃນດັ່ງຕໍ່ໄປນີ້:

ຮອດປັດຈຸບັນ ມີຜູ້ຕິດເຊື້ອທັງໝົດ ຢູ່ໃນ ສປປ ລາວ 139,244 ຄົນ, ອອກໂຮງໝໍວານນີ້ 123 ຄົນ, ກຳລັງປິ່ນປົວ 3,800 ຄົນ ແລະ ເສຍຊີວິດ ທັງໝົດ 597 ຄົນ (ເສຍຊິວິດໃໝ່ 03 ຄົນ).

ທົ່ວປະເທດລາວ ສັກວັກຊີນ ທັງໝົດ: ເຂັມທີ 1 ສັກໄດ້ 4.819.056 (ອັດຕາປົກຄຸມ 65,68 %) ແລະ ທຸກເຂັມທີ່ແນະນໍາ 4.238.906 (ອັດຕາປົກຄຸມ 57,77 %).

ປັດຈຸບັນ ສະພາບການລະບາດຂອງພະຍາດໂຄວິດ-19 ໃນທະວີບຢູໂຣບ ແມ່ນເລິ່ມມີທ່າອ່ຽງດີຂຶ້ນ ແຕ່ກົງກັນຂ້າມ ທະວີບອາຊີ ໂດຍສະເພາະ ອາຊີຕະເວັນອອກ ຕົວເລກສະສົມຜູ້ຕິດເຊື້ອກັບມາເພິ່ມສູງຂຶ້ນອີກ ຢູ່ໃນຫຼາຍປະເທດ.

  • ສຳລັບ ຮ່ອງກົງ, ອິນໂດເນເຊຍ, ຍີ່ປຸ່ນ ແລະ ເກົາຫຼີໃຕ້ ກຳລັງພະເຊີນກັບການລະບາດຮອບໃໝ່, ໃນນັ້ນ ບາງປະເທດໄດ້ອອກມາດຕະການລ໋ອກດາວ ໂດຍສະເພາະ ເຂດທີ່ມີການລະບາດແບບເປັນຈຸ້ມ ພ້ອມທັງ ກຳນົດ ເວລາ ໃນການເປີດ – ປິດ ຮ້ານອາຫານ ເພື່ອຫຼຸດຜ່ອນການຊຸມນຸມກັນແບບເປັນກຸ່ມ.
  • ສະເພາະ ສປປ ລາວ ເຮົາ ເຖິງວ່າ ໄລຍະນີ້ ຕົວເລກຜູ້ຕິດເຊື້ອໃໝ່ຈະຫຼຸດລົງກໍ່ຕາມ ແຕ່ກໍ່ຕ້ອງໄດ້ເຂັ້ມງວດໃນການເຝົ້າລະວັງປ້ອງກັນ ບໍ່ໃຫ້ມີການລະບາດແບບແພ່ລາມຂອງສາຍພັນໂອໄມຄຣອນໃນຊຸມຊົນ ເພາະ ສາຍພັນໂອໄມຄຮອນ ສາມາດແຜ່ເຊື້ອໄດ້ງ່າຍ ແລະ ໄວ ເຖິງ 2-5 ເທົ່າ ເມື່ອທຽບໃສ່ສາຍພັນ Delta. ສະນັ້ນ ພວກເຮົາທຸກຄົນ ບໍ່ຄວນປະໝາດ ຕ້ອງມີສະຕິປ້ອງກັນຕົນເອງຢ່າງເຂັ້ມງວດ ແລະ ພ້ອມດຽວກັນນັ້ນກໍຕ້ອງໄປຮັບການສັກວັກຊີນໃຫ້ຄົບຢ່າງໜ້ອຍ 2 Doses ຂື້ນໄປ ເພື່ອສ້າງພູມຄຸ້ມກັນໃຫ້ໂຕເອງ ກໍຄືຄົນອ້ອມຂ້າງ ເພື່ອໃຫ້ມີພູມຄຸ່ມກັນໝູ່ຫຼາຍຂື້ນ.
  • ພ້ອມດຽວກັນນີ້ ຖ້າຫາກທ່ານ ຮູ້ວ່າຕົນເອງເປັນຜູ້ສຳພັດໃກ້ຊິດ ກັບ ຜູ້ທີ່ຕິດເຊື້ອ ຫຼື ໄດ້ເດີນທາງໄປຍັງສະຖານທີ່ ທີ່ມີຄວາມສ່ຽງ ຈົ່ງຮີບຮ້ອນໄປພົບແພດໝໍ ເພື່ອເກັບຕົວຢ່າງກວດຫາເຊື້ອພະຍາດ, ສຳລັບຜູ້ທີ່ບໍ່ສະບາຍມີອາການຄ້າຍຄືໄຂ້ຫວັດກໍ່ໃຫ້ຮີບຮ້ອນໄປກວດ, ບໍ່ຄວນໄປຊື້ຢາມາກິນເອງ ແລະ ໃນໄລຍະລໍຖ້າຜົນກວດ ກໍ່ໃຫ້ຈຳກັດໂຕເອງ ແຍກໂຕອອກຈາກຄອບຄົວ ແລະ ຄົນໃກ້ຊິດ ເຖິງແມ່ນວ່າຜົນກວດຈະອອກມາເປັນລົບກໍ່ຕາມ ກໍ່ໃຫ້ສືບຕໍ່ຈຳກັດບໍລິເວນຕົນເອງ ຈົນຄົບກຳນນົດ ຈຶ່ງອອກມາເຄື່ອນໄຫວປົກກະຕິ ເພື່ອຕັດວົງຈອນການສົ່ງເຊື້ອພະຍາດໄປຫາຄົນອ້ອມຂ້າງ ແລະ ສູ່ສັງຄົມ ລວມທັງຄົນທີ່ທ່ານຮັກ.

ຮູບໂດຍ: Teng

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...