spot_img
Homeຂ່າວໂຄວິດ-19ລາຍງານຜູ້ຕິດເຊື້ອກໍລະນີໃໝ່ ວັນທີ 27/06/2021

ລາຍງານຜູ້ຕິດເຊື້ອກໍລະນີໃໝ່ ວັນທີ 27/06/2021

Published on

ອີງຕາມການຖະແຫຼງຂ່າວ ຈາກຄະນະສະເພາະກິດ ປະຈຳວັນທີ 27 ມິຖຸນາ 2021 ໃຫ້ຮູ້ວ່າ: ສປປ ລາວ ມາຮອດວັນທີ 26 ມິຖຸນາ 2021: ໄດ້ກວດວິເຄາະທັງໝົດ 1,354 ຄົນ, ໃນນັ້ນ ກວດພົບຜູ້ຕິດເຊື້ອທັງໝົດ 10 ຄົນ, ຈາກນະຄອນຫຼວງ 1 ຄົນ, ສະຫວັນນະເຂດ 1 ຄົນ, ຄຳມ່ວນ 4 ຄົນ ແລະ ຈຳປາສັກ 4​ ຄົນ. ສຳລັບນະຄອນຫຼວງວຽງຈັນ 1 ຄົນ ແມ່ນກໍລະນີຕິດເຊື້ອໃນຊຸມຊົນ. ສ່ວນ ແຂວງສະຫວັນນະເຂດ 1 ຄົນ, ຄຳມ່ວນ 4 ຄົນ ແລະ ຈຳປາສັກ 4 ຄົນ ແມ່ນກວດພົບຈາກແຮງງານລາວ ທີ່ກັບມາຈາກປະເທດເພື່ອນບ້ານ ໂດຍຖືກຕ້ອງຕາມກົດໝາຍ ເຊິ່ງຖືວ່າ ເປັນກໍລະນີນຳເຂົ້າ.

– ຜູ້ຕິດເຊື້ອໃໝ່ໃນນະຄອນຫຼວງວຽງຈັນ, ຍັງບໍ່ສາມາດລະບຸແຫຼ່ງທີ່ມາຂອງການຕິດເຊື້ອໄດ້, ກໍລະນີຢັ້ງຢືນໃໝ່ ເພດຍິງ, ອາຍຸ 29 ປີ, ອາຊິບ: ພະນັກງານ, ບ້ານສີເກີດ, ເມືອງນາຊາຍທອງ, ນະຄອນຫລວງ, ບໍ່ມີພະຍາດປະຈໍາໂຕ, ໄດ້ຮັບການສັກຢາວັກຊິນ 02 ເຂັມ, ວັນທີ 22/06/2021: ມີອາການເມື່ອຍ ແລະ ປວດຕາມຕົນໂຕ, ໄດ້ເກັບຕົວຢ່າງເພື່ອກວດຫາເຊື້ອພະຍາດໂຄວິດ-19 ໃນວັນທີ 26/06/2021 ແມ່ນພົບເຊື້ອ ເຊິ່ງມີການເຄື່ອນໄຫວດັ່ງຕໍ່ໄປນີ້:

  • ວັນທີ 23-31/05/2021: ຜູ້ກ່ຽວ ຢູ່ບ້ານ ແລະ ມີແຕ່ໄປຕະຫຼາດອົດຊີໃນການຄັ້ງຄາວ.
  • ວັນທີ 01-12/06/2021: ຜູ້ກ່ຽວ ຢູ່ບ້ານ ແຕ່ກໍ່ໄດ້ໄປຕະຫຼາດສີເກີດ ໃນບາງຄັ້ງຄາວ
  • ວັນທີ 13/06/2021: ຫ້ອງການໄດ້ໃຫ້ພະນັກງານກວດໂຄວີດ-19 ຜົນອອກແມ່ນເປັນລົບ
  • ວັນທີ 14-16/06/2021: ຜູ້ກ່ຽວ ໄດ້ຢູ່ເຮືອນກັບຄອບຄົວ (ມີລູກ, ຫລານ, ອ້າຍ, ເອື້ອຍໄພ້ ແລະ ລູກຂອງອ້າຍ 2 ຄົນ)
  • ເວລາ 10:00-10:30 ໂມງຂອງ ວັນທີ 17/06/2021: ຜູ້ກ່ຽວ ໄດ້ໄປຊື້ນົມຢູ່ເຈມາກ ຢູ່ບ້ານໂພນຕ້ອງຈອມມະນີ, ເມືອງຈັນທະບູລີ ແລະ ເວລາ 11:00-12:00 ໂມງ ກໍ່ໄດ້ໄປຊື້ເຄື່ອງຢູ່ຕະຫຼາດຂົວດິນ
  • ວັນທີ 18-20/06/2021: ຜູ້ກ່ຽວ ໄດ້ໄປຫາຄອບຄົວ (ສາມີ) ຢູ່ບ້ານໂພນເງີນ, ເມືອງໂພນໂຮງ, ແຂວງວຽງຈັນ
  • ວັນທີ 21/06/2021: ໄດ້ເດີນທາງກັບຈາກແຂວງວຽງຈັນ ຫາບ້ານສີເກີດ ແລະ ກໍ່ຢູ່ແຕ່ເຮືອນ
  • ວັນທີ 22/06/2021: ຜູ້ກ່ຽວ ຮູ້ສຶກເມື່ອຍ ແລະ ປວດຕາມຕົນໂຕ ແລະ ຢູ່ແຕ່ເຮືອນບໍ່ໄດ້ໄປໃສ່
  • ວັນທີ 23/06/2021: ຜູ້ກ່ຽວ ຮູ້ສືກເປັນຫັວດໜ້ອຍໜື່ງ ແຕ່ໄດ້ກີນຢາດີຫວັດ ແລະ ພັກຜ່ອນ ຢູ່ບ້ານ
  • ວັນທີ 24/06/2021: ຜູ້ກ່ຽວ ຢູ່ເຮືອນຕາມປົກກະຕິ ແລະ ມີພີ່ນ້ອງມາເອົາເສື້ອນຳ
  • ວັນທີ 25/06/2021: ຜູ້ກ່ຽວ ຢູ່ເຮືອນຕາມປົກກະຕິ ແລະ ຮູ້ສຶກມີອາການໄອແຫ້ງເລັກໜ້ອຍ
  • ເວລາ 10:00-10:15 ໂມງຂອງວັນທີ 26/06/2021: ຕອນເຊົ້າໄດ້ໄປກວດໂຄວິດກວດ ແລ້ວໄດ້ໄປຊື້ກະເຟຮ້ານເບຊີກແລ້ວກັບບ້ານ.

– ເຂດສ່ຽງ/ສະຖານທີ ທີ່ຜູ້ຕິດເຊື້ອທັງໜົດ ທີ່ໄດ້ເດີນທາງໄປ

  • ວັນທີ 23-31/05/2021: ໄດ້ໄປຕະຫຼາດອົດຊີໃນການຄັ້ງຄາວ (ບໍ່ຈື່ວັນທີຊັດເຈນທີ່ໄດ້ໄປ)
  • ວັນທີ 01-12/06/2021: ໄດ້ໄປຕະຫລາດສີເກີດ ໃນບາງຄັ້ງຄາວ (ບໍ່ຈື່ວັນທີຊັດເຈນທີ່ໄດ້ໄປ)
  • ເວລາ 10:00-10:30 ໂມງຂອງ ວັນທີ 17/06/2021: ໄດ້ໄປຊື້ນົມຢູ່ເຈມາກ ຢູ່ບ້ານໂພນຕ້ອງຈອມມະນີ, ເມືອງຈັນທະບູລີ ແລະ ເວລາ 11:00-12:00 ໂມງ ໄປຊື້ເຄື່ອງຢູ່ຕະຫຼາດຂົວດິນ
  • ວັນທີ 18-20/06/2021: ໄປຫາຄອບຄົວ (ສາມີ) ຢູ່ບ້ານໂພນເງີນ, ເມືອງໂພນໂຮງ, ແຂວງວຽງຈັນ
  • ເວລາ 10:00-10:15 ໂມງຂອງວັນທີ 26/06/2021: ໄປຊື້ກະເຟຮ້ານເບຊີກ.

ມາຮອດມື້ນີ້, 27/06/2021 ສປປ ລາວ ມີຜູ້ຕິດເຊື້ອພະຍາດໂຄວິດ-19 ສະສົມທັງໝົດ 2,110 ຄົນ, ປິ່ນປົວຫາຍດີແລ້ວ 1,986 ຄົນ, ກຳລັງປິ່ນປົວ 121 ຄົນ ແລະ ເສຍຊີວິດສະສົມ 3 ຄົນ.

 

ບົດຄວາມຫຼ້າສຸດ

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...

ລາວກຽມພ້ອມພັດທະນາ ແບບຈຳລອງປັນຍາປະດິດ ເພື່ອໃຫ້ AI ປະມວນຜົນພາສາລາວໄດ້ຢ່າງຖືກຕ້ອງ

ເພື່ອພັດທະນາກໍ່ສ້າງແບບຈໍາລອງປັນຍາປະດິດຂະໜາດໃຫຍ່ ສໍາລັບ ສປປ ລາວ ແລະ ກໍ່ສ້າງຖານຂໍ້ມູນພາສາລາວໃຫ້ຄົບຖ້ວນ, ຖືກຕ້ອງ, ຊັດເຈນ ແລະ ສາມາດນໍາໃຊ້ເປັນພື້ນຖານສໍາລັບ AI ແລະ ການນໍາໃຊ້ດີຈີຕອນໃນ ສປປ...

ສຶກສາອົບຮົມສາວບໍລິການ ແລະ ເຈົ້າຂອງຮ້ານ ຢູ່ ເມືອງສີໂຄດຕະບອງ ແລະ ເມືອງນາຊາຍທອງ ນະຄອນຫຼວງວຽງຈັນ

ເຈົ້າໜ້າທີ່ລົງກວດກາສຶກສາອົບຮົມສາວບໍລິການ 33 ຄົນ ແລະ ເຈົ້າຂອງຮ້ານ 04 ຄົນ ຢູ່ ບ້ານໜອງແຕ່ງເໜືອ, ບ້ານວຽງຄຳ, ບ້ານດົງນາໂຊກ, ເມືອງສີໂຄດຕະບອງ ແລະ ບ້ານກາງແສນ,...