spot_img
Homeຂ່າວທ້ອງຖິ່ນລັດໃຫ້ເວລາບໍລິສັດຮັບເໝົາທາງດ່ວນແກ້ໄຂບັນຫາໃຫ້ສຳເລັດພາຍໃນ 120 ວັນ

ລັດໃຫ້ເວລາບໍລິສັດຮັບເໝົາທາງດ່ວນແກ້ໄຂບັນຫາໃຫ້ສຳເລັດພາຍໃນ 120 ວັນ

Published on

ໃນວັນທີ 4 ກຸມພາ 2020 ກະຊວງແຜນການ ແລະ ລົງທຶນ ໄດ້ອອກໜັງສືແຈ້ງເຖິງບໍລິສັດ ຮ່ວມພັດທະນາທາງດ່ວນລາວ-ຈີນ ຈຳກັດ ກ່ຽວກັບການປັບປຸງການກຳນົດອັດຕາການເກັບຄ່າບໍລິການຜ່ານທາງ ແລະ ອັດຕາແລກປ່ຽນໃນໂຄງການສຳປະທານທາງດ່ວນ ແຕ່ນະຄອນຫຼວງວຽງຈັນ ຫາ ວັງວຽງ.

ທາງດ່ວນນະຄອນຫຼວງວຽງຈັນ ຫາ ວັງວຽງໄດ້ເປີດນຳໃຊ້ໃນວັນທີ 20 ທັນວາ 2020 ເປັນຕົ້ນມາ ແຕ່ຜ່ານການຈັດຕັ້ງປະຕິບັດໃນໄລຍະທົດລອງນຳໃຊ້ນີ້ໄດ້ມີຫາງສຽງຂອງສັງຄົມພໍສົມຄວນ, ໂດຍສະເພາະກ່ຽວກັບການກຳນົດຄ່າບໍລິການຜ່ານທາງ ການກຳນົດອັດຕາແລກປ່ຽນ, ເຊິ່ງເຫັນວ່າປະຕິບັດດັ່ງກ່າວແມ່ນບໍ່ສອດຄ່ອງຕາມກົດໝາຍ ແລະ ລະບົບການກ່ຽວຂ້ອງທີ່ປະກາດໃຊ້ໃນປັດຈຸບັນ. ສະນັ້ນ, ກົມສົ່ງເສີມການລົງທຶນ ກະຊວງແຜນການ ແລະ ການລົງທຶນ ໃນນາມຕາງໜ້າລັດຖະບານທີ່ເປັນຄູ່ສັນຍາ ໄດ້ຄົ້ນຄວ້າກ່ຽວກັບບັນຫາດັ່ງກ່າວຮ່ວມກັບບໍລິສັດ ຮ່ວມພັດທະນາທາງດ່ວນລາວ-ຈີນ ຈຳກັດ ເຊິ່ງໄດ້ມີການຈັດກອງປະຊຸມ 2 ຄັ້ງ. ເຊິ່ງເຫັນວ່າ ບໍລິສັດແມ່ນຂັດກັບກົດໝາຍ-ລະບຽບການ ແລະ ລະເມີດຕໍ່ສັນຍາສຳປະທານ.

ດ້ວຍເຫດດັ່ງກ່າວຈຶ່ງແຈ້ງມາຍັງບໍລິສັດປັບປຸງແກ້ໄຂ 5 ຂໍ້ບົກຜ່ອງ (ເຊິ່ງລາຍລະອຽດລະບຸໃນແຈ້ງການລຸ່່ມນີ້) ແລະ ໃຫ້ບໍລິສັດແກ້ໄຂໃຫ້ສຳເລັດໃນເວລາ 120 ວັນ. ໂດຍທາງບໍລິສັດຕ້ອງເຮັດລາຍງານຄວາມຄືບໜ້າການແກ້ໄຂຂໍ້ບົກຜ່ອງດັ່ງກ່າວທຸກໆ 30 ວັນ ໃຫ້ກົມສົ່ງເສີມການລົງທຶນຊາບ ເພື່ອເປັນບ່ອນອ້າງອີງລາຍງານຕໍ່ຂັ້ນເທິງ.

ຮຽບຮຽງຂ່າວ: ພຸຸດສະດີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...