spot_img
Homeຂ່າວພາຍ​ໃນລັດເຫັນດີໃຫ້ຂາຍສິດນຳໃຊ້ທີ່ດິນ ເຂດສະຫງວນສອງຟາກຖະໜົນ 450 ປີ

ລັດເຫັນດີໃຫ້ຂາຍສິດນຳໃຊ້ທີ່ດິນ ເຂດສະຫງວນສອງຟາກຖະໜົນ 450 ປີ

Published on

ອີງຕາມການລາຍງານຈາກສຳນັກຂ່າວສານປະເທດລາວ ໃຫ້ຮູ້ວ່າ ເມື່ອບໍ່ດົນມານີ້, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ, ໃນນາມຮອງຄະນະແກ້ໄຂທີ່ດິນເຂດສະຫງວນສອງຟາກຖະໜົນວຽງຈັນ 450 ໄດ້ອອກແຈ້ງການ ກ່ຽວກັບການປະກາດຂາຍສິດນຳໃຊ້ທີ່ດິນ ໃນເຂດສະຫງວນສອງຟາກຖະໜົນວຽງຈັນ 450 ປີ ເບື້ອງລະ 50 ແມັດ ຈຳນວນ 93 ຕອນ, ເນື້ອທີ່ 283.500 ຕາແມັດ ໃຫ້ບຸກຄົນ, ນິຕິບຸກຄົນທົ່ວໄປ ເພື່ອນຳເງິນມາຊຳລະທະນາຄານແຫ່ງ ສປປ ລາວ ແລະ ຄ່າກໍ່ສ້າງເສັ້ນທາງ.

ຢ່າງໃດກໍຕາມ, ເມື່ອທ້າຍເດືອນຕຸລາ 2020 ຜ່ານມານີ້, ອົງການປົກຄອງນະຄອນຫຼວງວຽງຈັນ ຮ່ວມກັບທະນາຄານແຫ່ງ ສປປ ລາວ(ທຫລ) ແລະ ບໍລິສັດ ກຸ່ມດວງຈະເລີນພັດທະນາກໍ່ສ້າງ ຈໍາກັດຜູ້ດຽວ ໄດ້ຮ່ວມລົງນາມສັນຍາການມອບ-ໂອນ ສິດນໍາໃຊ້ທີ່ດິນ ເພື່ອໃຫ້ບໍລິສັດ ດວງຈະເລີນ ເປັນຜູ້ຊໍາລະທັງຕົ້ນທຶນ ແລະ ດອກເບ້ຍໃຫ້ ທຫລ ຕາມສັນຍາທີ່ໄດ້ກໍານົດໄວ້ໃນຕໍ່ໜ້ານີ້; ພາຍຫລັງທີ່ບໍລິສັດ ດັ່ງກ່າວໄດ້ຮັບໃບຕາດິນແລ້ວ, ບໍລິສັດເປັນຜູ້ຮັບພາລະໃນການລົງທຶນ ໃນການສືບຕໍ່ພັດທະນາ ເປັນຕົ້ນ ການຖົມດິນ, ເອົານໍ້າປະປາ, ໄຟຟ້າ, ສ້າງເສັ້ນທາງເຂົ້າໃສ່ດິນແຕ່ລະເຂດ ເຊິ່ງເປັນມູນຄ່າລົງທຶນເພີ່ມຫຼາຍກວ່າ 30 ລ້ານໂດລາ ເພື່ອສ້າງຄວາມເພິ່ງພໍໃຈໃຫ້ນັກລົງທຶນ ແລະ ສາມາດຂາຍດິນໄດ້ໃນຊ່ວງໄລຍະເວລາ 5 ປີຕໍ່ໜ້າ ເພື່ອມາເປັນທຶນຊໍາລະໃຫ້ ທຫລໃຫ້ສໍາເລັດໂດຍບໍ່ໄດ້ໃຊ້ງົບປະມານຂອງລັດ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...