ລັດຮຽກຮ້ອງໃຫ້ປະຊາຊົນລາວຢ່າເດີນທາງໄປປະເທດທີ່ມີການແຜ່ລະບາດໂຄວິດ-19

0
1244
Wattay Airport
Wattay Airport

ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ການລະບາດຂອງພະຍາດອັກເສບປອດ ຈາກເຊື້ອຈຸລາໂລກສາຍພັນໃໝ່ (COVID19) ໄດ້ລາຍງານເມື່ອວັນທີ 15 ມີນານີ້ວ່າ: ການລາຍງານກໍລະນີສົງໄສ COVID-2019 ແຕ່ວັນທີ 24 ມັງກອນ ຈົນຮອດວັນທີ 14 ມີນາ 2020 ມີທັງໝົດ 78 ກໍລະນີ​, ກວດບໍ່ພົບເຊື້ອ 70 ກໍລະນີ ລໍຖ້າຜົນກວດ 8 ແລະ ບໍ່ມີກໍລະນີເສຍຊີວິດ.​

ສະເພາະນະຄອນຫຼວງວຽງຈັນ 50 ກໍລະນີ (ຄົນຈີນ 20 ຄົນ , ອາເມລິກາ 1 ຄົນ, ເກົາຫຼີ 2 ຄົນ ແລະ ຍີ່ປຸ່ນ 3 ຄົນ); ແຂວງ ບໍ່ແກ້ວ 8 ກໍລະນີ (ເປັນຄົນລາວ 5 ຄົນ, ຈີນ 2 ຄົນ ແລະ ອັງກິດ 1 ຄົນ); ແຂວງ ຫຼວງພະບາງ 3 ກໍລະນີ; ແຂວງ ຈໍາປາສັກ 5 ກໍລະນີ; ແຂວງ ອຸດົມໄຊ 2 ກໍລະນີ, ແຂວງ ສາລະວັນ 3 ກໍລະນີ; ແຂວງ ບໍລິຄຳໄຊ 1 ກໍລະນີ, ແຂວງ ສະຫວັນນະເຂດ 3 ກໍລະນີ , ແຂວງ ຫຼວງນໍ້າທາ 1 ກໍລະນີ, ແຂວງ ໄຊຍະບູລີ 1 ກໍລະນີ ແລະ ແຂວງ ຄຳມ່ວນ 1 ກໍລະນີ.

ກໍລະນີຜູ້ປ່ວຍທີ່ຢູ່ໃນກຸ່ມສົງໄສວ່າຕິດເຊື້ອໂວຣັສໂຄວິດ-19, ສ່ວນຫຼາຍມີປະຫວັດເຄີຍເດີນທາງໄປ-ມາປະເທດທີ່ມີການລະບາດຂອງເຊື້ອໄວຣັສໂຄວິດ-19.

ດຣ ລັດຕະນະໄຊ ເພັດສຸວັນ ຫົວຫນ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກໄດ້ແຈ້ງໃຫ້ຮູ້ວ່າ: ທຸກຄົນຄວນຫຼີກເວັ້ນການເດີນທາງໄປປະເທດທີ່ມີການແຜ່ລະບາດຂອງເຊື້ອຈຸລະໂລກສາຍພັນໃໝ່ 2019. ຖ້າຈໍາເປັນໄປປະເທດດັ່ງກ່າວ, ເມື່ອກັບມາປະເທດຂອງຕົນແລ້ວຄວນໄປພົບເຈົ້າໜ້າທີ່ກ່ຽວຂ້ອງ ເພື່ອກວດສຸຂະພາບ ແລະ ກັກບໍລິເວນຕົນເອງຈົນຄົບ 14 ວັນ ເພື່ອປ້ອງກັນການຕິດເຊື້ອພະຍາດດັ່ງກ່າວ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ການລະບາດຂອງພະຍາດອັກເສບປອດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.