spot_img
Homeຂ່າວທ້ອງຖິ່ນລັດພວມເລັ່ງຫາທາງຊ່ວຍຜູ້ປະກອບການທ່ອງທ່ຽວທີ່ຮັບຜົນກະທົນຈາກພິດໂຄໂຣນາລະບາດ

ລັດພວມເລັ່ງຫາທາງຊ່ວຍຜູ້ປະກອບການທ່ອງທ່ຽວທີ່ຮັບຜົນກະທົນຈາກພິດໂຄໂຣນາລະບາດ

Published on

ໜັງສືພິມວຽງຈັນທາມລາຍງານເມື່ອວັນທີ 5 ມີນາ 2020 ວ່າ ການແພ່ລະບາດຂອງໂຄວິດ-19 ໄດ້ສົ່ງຜົນກະທົບຕໍ່ພາກທຸລະກິດການທ່ອງທ່ຽວຢ່າງໜັກໃນທົ່ວໂລກ ສຳລັບປະເທດລາວເຮົາ ບໍລິສັດທ່ອງທ່ຽວສ່ວນຫຼາຍແມ່ນໄດ້ມີການຜັດປ່ຽນກັນເຮັດວຽກເຊັ່ນ: ຜູ້ໜຶ່ງຈະໄດ້ເຮັດວຽກສອງອາທິດຕໍ່ເດືອນ ແລະ ພັກສອງອາທິດ ແຕ່ພວກເຂົາຈະໄດ້ເງີນເດືອນພຽງແຕ່ເຄິ່ງດຽວ.

ແຂກທີ່ຈອງໂຮງແຮມແມ່ນຫຼຸດຈາກແຕ່ກ່ອນປະມານ 80%, ສະນັ້ນ ໂຮງແຮມສ່ວນໃຫຍ່ແມ່ນໄດ້ມີມາດຕະການໃຫ້ພະນັກງານມາວຽກແຕ່ເຊົ້າ ແລະ ຖ້າວຽກຂອງຕົນເອງສຳເລັດແລ້ວແມ່ນສາມາດເລີກວຽກກ່ອນໂມງໄດ້ ເພື່ອປະຢັດນໍ້າປະປາ ແລະ ໄຟຟ້າ ເນື່ອງຈາກວ່າບໍ່ມີແຂກມາພັກເຊົ່າຫຼາຍ, ແຕ່ພວກເຂົາຈະໄດ້ເງິນເດືອນປົກກະຕິ.

ທ່ານ ປະກາສິດ ຈັນທະປັນຍາ ປະທານສະມາຄົມໂຮງແຮມ ແລະ ຮ້ານອາຫານລາວ ໄດ້ກ່າວວ່າ: ປະຈຸບັນ ໂຮງແຮມຢູ່ນະຄອນຫຼວງວຽງຈັນ ແມ່ນໄດ້ຮັບຜົນກະທົບຢ່າງໃຫຍ່ຫຼວງຍ້ອນການລະບາດຂອງພະຍາດດັ່ງກ່າວ ເພາະວ່າ ແຂກທີ່ຈອງຫ້ອງແມ່ນໄດ້ຍົກເລີກການຈອງທັງໝົດ ໂດຍສະເພາະແມ່ນນັກທ່ອງທ່ຽວ ແລະ ຜູ້ທີ່ຈະເດີນທາງມາຮ່ວມກອງປະຊຸມຢູ່ ສປປ ລາວ.

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຮ່ວມກັບພາກສ່ວນທຸລະກິດຈັດກອງປະຊຸມເພື່ອປະເມີນຜົນກະທົບຈາກການແຜ່ລະບາດຂອງພະຍາດ COVID-19 ທີ່ມີຕໍ່ບໍລິສັດທ່ອງທ່ຽວ, ໂຮງແຮມ ແລະ ຮ້ານອາຫານ.

ທ່ານ ສູນ ມະນີວົງ ຫົວໜ້າກົມພັດທະນາການທ່ອງທ່ຽວ ໄດ້ໃຫ້ສຳພາດຕໍ່ນັກຂ່າວວຽງຈັນທາມວ່າ: ປະຈຸບັນທາງພາກລັດແມ່ນກຳລັງປະເມີນຜົນກະທົບຈາກການແຜ່ລະບາດຂອງພະຍາດ COVID-19 ແລະ ກຳລັງສັງລວມຂໍ້ມູນເພື່ອເລັ່ງຊ່ວຍເຫຼືອຜູ້ປະກອບການທີ່ຖືກຜົນກະທົບ ເຊິ່ງລາຍລະອຽດຈະຖືກລາຍງານອີກເທື່ອໜື່ງໃນໄວໆນີ້.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...