spot_img
Homeຂ່າວພາຍ​ໃນລັດຖະບານເຮັດແທ້ ເລິ່ມແຈກເອກະສານແຈ້ງຊັບສິນແລ້ວ

ລັດຖະບານເຮັດແທ້ ເລິ່ມແຈກເອກະສານແຈ້ງຊັບສິນແລ້ວ

Published on

 

ເປັນເວລາຫຼາຍປີແລ້ວທີ່ລັດຖະບານລາວເອົາໃຈໃສ່ເລື່ອງການປາບປາມການສໍ້ລາດບັງຫຼວງ ໂດຍນຳໃຊ້ມາດຕະການຫຼາຍຢ່າງ ໜຶ່ງໃນນັ້ນແມ່ນການອອກນະໂຍບາຍໃຫ້ພະນັກງານ-ລັດຖະກອນ ແຈ້ງຊັບສິນແລະລາຍຮັບຂອງຕົນ ອັນນີ້ກໍເພື່ອງ່າຍຕໍ່ການກວດສອບແລະແກ້ໄຂບັນຫາການສໍ້ລາດບັງຫຼວງໃຫ້ຫຼຸດໜ້ອຍຖອຍລົງ.

ຂ່າວເລື່ອງລັດຖະບານຈະໃຫ້ພະນັກງານ-ລັດຖະກອນແຈ້ງຊັບສິນແລະລາຍຮັບນັ້ນໄດ້ອອກມາດົນພໍສົມຄວນ ແຕ່ກໍຍັງບໍ່ຖືກປະຕິບັດຢ່າງເປັນຮູບປະທຳ ຈົນຕົກມາເຖິງຕົ້ນປີ 2014 ນີ້ ຂ່າວດັ່ງກ່າວເລິ່ມປາກົດເປັນຮູບປະທຳແລ້ວ ໂດຍມີຫຼາຍສຳນັກງານອົງການຂອງລັດເລິ່ມຈັດຕັ້ງປະຕິບັດດ້ວຍການສຳມະນາຮຽນຮູ້ດຳລັດວ່າດ້ວຍການແຈ້ງຊັບສິນແລະລາຍຮັບ ພ້ອມກັບແຈກຢາຍແບບຟອມແຈ້ງຊັບສິນແລະລາຍຮັບໃຫ້ແກ່ພະນັກງານ-ລັດຖະກອນທີ່ສັງກັດໃນອົງການຈັດຕັ້ງຂອງຕົນແລ້ວ.

ຊັບສິນແລະລາຍຮັບທີ່ຈະຕ້ອງແຈ້ງແມ່ນປະກອບດ້ວຍ ບັນຊີທີ່ດິນ, ບັນຊີປະເພດສິ່ງປຸກສ້າງ, ບັນຊີປະເພດພາຫະນະແລະກົນຈັກການຜະລິດ, ບັນຊີປະເພດວັດຖຸທີ່ມີຄ່າ, ບັນຊີເງິນຝາກແລະພັນທະບັດ, ບັນຊີຮຸ້ນ, ບັນຊີລາຍຮັບປະເພດຕ່າງໆ, ບັນຊີໜີ້ຕ້ອງຮັບແລະໜີ້ຕ້ອງສົ່ງ ແລະນອກຈາກນັ້ນແບບຟອມຍັງໃຫ້ແຈ້ງບຸກຄົນທີ່ມີສາຍພົວພັນຜົວຫຼືເມຍ, ລູກແລະບຸກຄົນອື່ນທີ່ຢູ່ໃນການຄຸ້ມຄອງໂດຍກົງຂອງຜູ້ແຈ້ງຊັບສິນແລະລາຍຮັບນຳອີກ. ໂດຍຊັບສິນທີ່ຈະຕ້ອງແຈ້ງແມ່ນຕ້ອງມີມູນຄ່າ 20 ລ້ານກີບຂຶ້ນໄປເທົ່ານັ້ນ.

ແຫຼ່ງຂ່າວທີ່ໜ້າເຊື່ອຖືແຈ້ງໃຫ້ຮູ້ວ່າ ການແຈ້ງຊັບສິນແລະລາຍຮັບດັ່ງກ່າວນັ້ນຈະເປັນຄວາມລັບໂດຍຈະບໍ່ຖືກເປີດເຜີຍຕໍ່ສາທາລະນະ ຈະມີພຽງແຕ່ຜູ້ແຈ້ງກັບພະນັກງານຮັບແຈ້ງຂອງອົງການກວດສອບແຫ່ງລັດເທົ່ານັ້ນສາມາດຮັບຮູ້ໄດ້ ແລະສອງປີໃດຈະໃຫ້ແຈ້ງເທື່ອໜຶ່ງເພື່ອເບິ່ງຄວາມແຕກຕ່າງຂອງຈຳນວນຊັບສິນແລະລາຍຮັບ ແລະໃນກໍລະນີເຈົ້າຂອງຊັບສິນບໍ່ແຈ້ງຊັບສິນຂອງຕົນສິ່ງໃດຫຼືແຈ້ງບໍ່ຖືກຕ້ອງກັບຄວາມເປັນຈິງ ເມື່ອມີຜູ້ຮ້ອງຟ້ອງຫຼືເກີດຂໍ້ຂັດແຍ້ງຂຶ້ນ ຈະຖືກກວດກາຄືນຢ່າງລະອຽດ ພ້ອມທັງຢຶດເອົາຊັບສິນທີ່ບໍ່ໄດ້ແຈ້ງໄວ້ນັ້ນເປັນຂອງລັດ.

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...